Psalterium Sinaiticum

Ps 2

Без напьсаньѣ:-

Въскѫѭ шѩташѩ сѩ езъіці: Ї людье пооучішѩ сѩ тъщет.нъімъ:--

ашѩ цр҃і земьни:
собьрашѩ сѩ вь на г҃ѣ сна х҃а его:-

Растръгнѣмъ ѫзъі іхъ ї отъвръзѣмъ отъ насъ иго іхъ:

Живъи на бсехъ посмѣетъ сѩ емоу і г҃ъ порѫгаетъ сѩ імъ:

Тъгда възгл҃етъ къ німъ гнѣвомъ своімъ: и ѣростьѭ своеѭ съмѩтетъ ѩ:-

Азъ же поставленъ есмъ цр҃ъ отъ него: Надъ сіономъ горѫѫ ст҃ѫѭ его: Възвѣщаѩ повелѣнье гн҃е:--

Гъ҃ рече къ мнѣ
сн҃ъ моі есі тъі
азъ днесъ родіхъ тѩ:-

Просі оу мне и дамъ ті ѩзъкъ: достоѣнъе твое і одръжанье твое конець землѩ:-

Оупасеші ѩ паліцеѭ желѣзноѭ:
Ѣко съсѫдъі скѫдельніка съкроуші:

Ї нъінѣ цр҃е разоумѣіте
накажѣте сѩ вьсі сѫдѩщеі землі:-

Работаите гв҃і съ страхомъ:
и радоуіте сѩ емоу съ трепетомъ:--

Приімѣте наказанье: еда когъда прогнѣваетъ сѩ г҃ь и погъібнете отъ пѫті праведьна:- Егда възгорітъ сѩ: въскорѣ ѣростъ его:
Блажени вьси надѣѭщи сѩ на нъ:

Ps 3

ПСАЛЪМЪ ДА҃ДО҃ВЪ ЕГДА БѢГАШЕ ОТЪ ЛІЦ-А-БЕСЕЛОУМА СН҃А СВОЕГО---

Гі҃ чьто сѩ оумьножішѩ сътѫжаѭще мі:
Мноѕи въсташѩ на мѩ:-
Мноѕиі вьсташѩ на мѩ:

Мноѕи глѭтъ
дш҃і моеі нѣсть сп҃ньѣ о бѕ҃ѣ его:
диѣ псал:

Тъі же г҃і застѫпьнікъ моі есі:
слава моѣ вьзнесе главѫ моѭ:

Гласьмъ моімъ къ гв҃і возьвахъ:
И оуслъіша мѩ отъ горъї ст҃ъіѩ.... своеѩ:-

Азъ же оусънѫхъ ї съпахъ:
въстахъ ѣко г҃ъ застѫпитъ мѩ:

Не оубоѭ сѩ отъ тьмъі людеі: Нападаѭщіхъ на мѩ окръстъ:-

Въскръсні г҃і
сп҃і мѩ бж҃е мои:
ѣко тъі поразі вьсѩ вражьдуѭщѩѩ мнѣ въсоуе:
зѫбъі грѣшьнъіхъ съкроушілъ есі:--

Гн҃е естъ сп҃нье:
и на людехъ твоіхъ бл҃гословещвенье твое:--
слава:

Ps 4

ВЬ КОНЦЬ ПСАЛОМЪ ДА҃ДО҃ВЪ҃

Вънегда вьзъівахъ оуслъіша мѩ бж҃е правъдъї моеѩ:---
Въ скръбі пространілъ мѩ еси:
Помилоуі мѩ ї оуслъіші молітвѫ моѭ:-

Сн҃ве чл҃чі доколѣ тѩжькоср҃ді:
Вьскѫѭ любите соуетьнаа ї іщете лъжѩ:--

Ї оувѣдіте ѣко оудіви г҃ь прѣднаго своего:
Гь҃ оуслъішітъ мѩ егда вьзовѫ къ немоу:-

Гнѣваите сѩ а не съгрѣшаіте ѣже глте вь ср҃ціхъ вашіхъ:
На ложіхъ вашіхъ оумолітъ сѩ:-

Пожьрѣте жрътвѫ правьдѫ:
И оупьваіте на г҃ѣ:-

Мнозі глѭтъ:
къто ѣвітъ намъ благаа:
Знамена сѩ на насъ свѣтъ ліца твоего г҃і:

даль есі веселъе вь ср҃дці моемъ:
Ѡтъ плода пьшеніцѩ и вина и олѣа своего оумножішѩ сѩ:--

Въ мирѣ вькоупѣ оусънѫ и почиѭ
ѣкъ тъі г҃і едіного на оупьванье вьселілъ мѩ есі:-

Ps 5

ВЪ КОНЦЬ О НАСЛАДЪСТВОУѬЩІІ ПСАЛМЪ ДА҃ДО҃ВЪ:-

Гл҃ъі моѩ въоуші г҃і:
Разоумѣі зьванъе мое:

Вънъми гласъ молітвъі моеѩ: Цр҃ю моі бж҃е моі:---
Ѣко къ тебѣ помолѭ сѩ г҃і.:

ютро оуслъіші гласъ моі:
Ютро станѫ прѣдъ тобоѭ
оузьрѭ--

Ѣко б҃ъ не хотѩ безаконьѣ тъі есі:
не пріселітъ сѩ къ тебѣ лѫвъі:

Ни прѣбѫдѫтъ же законопрѣстѫпьниці прѣдъ очима твоіма:-
Възненавідѣ вьсѩ творѩщѩѩ безаконенье:

Погоубиші вьсѩ гл҃ѭщѩѩщѩѩ....... лъжѫ:-
Мѫжъ крівъ і лъжівъ мръзітъ гв҃і:

Азъ же множъствомъ милості твоеѩ: вьнідѫ вь домъ твоі:
Поклонѭ сѩ къ цр҃квъі ст҃ѣі твоеі вь стасѣ твоемъ:-

Гі҃ наведе наведе мѩ Наведе мѩ на правъдѫ твоѫ врагъ моихъ ради
исправи прѣдъ тобоѫ пѫтъ мои--

Ѣко нѣстъ въ оустѣхъ ихъ истинъі-
Срд҃це іхъ соуетъно естъ:
Гробъ отвръстъ грътані ихъ:
Ѩзъикъи своими льщаахѫ:

Сѫди і Да отъпадѫтъ отъ мъіслеи своіхъ:
По мьножьствоу нечьсті-и-хъ: Въіріні ѩ
ѣко прогнѣвашѩ тѩ г҃і:

Ї вьзвеселѩтъ сѩ вьсі оупьваѭщіи на тѩ:
Въ вѣкъ въздрадоуѭтъ сѩ:
Ї въселиші сѩ вь нѩ:
И похвалѩтъ сѩ тобоѭ любѩщі-і-мѩ твое:-

Ѣко тъі бл҃гсиші праведъніка г҃і
Ѣко щітотомъ благоволеньѣ вѣньчалъ нъі есі:

Ps 6

ВЪ КОНЕЦЬ ВЬ ПѢНІІХЪ О ОСМѢІ ПСАЛМЪ ДА҃ДВ҃Ъ:

Гі҃ не ѣростіѭ твоеѭ облічі мне:
Ні гнѣвомъ твоімъ покажи мене:--

Помилоуи мѩ г҃і
ѣко немощенъ есмъ:
И ісцѣли мѩ г҃і
ѣко съмѩшѩ сѩ кості моѩ:

Ї дш҃а моѣ съмѩте сѩ ѕѣло:
Ї тъі г҃і доколѣ--

Обраті г҃і
ізбаві дш҃ѫ моѭ:-
Сп҃і мілості твоеѩ раді:-

Ѣко нѣстъ въ съмръті поминаѩи тебе:
Въ адѣ же къто исповѣстъ сѩ тебѣ:.--

Оутроудіхъ сѩ въздъіхань-е-м-оімъ:
Измъіѭ на вьсѣкѫ нощъ ложе мое:
слъзамі моіми постелѭ моѭ оумочѭ:-

Съмѩте сѩ отъ ѣрості око мое:.
Обетъшахъ въ вьсѣхъ враѕѣхъ моіхъ:-

Отъстѫпите отъ мне вьсі творѩщеі безаконнъе:
Ѣко оуслъіша г҃ь гласъ плача моего:-

Оуслъіша г҃ь молітвѫ моѭ:
г҃ъ моленье мое пріѩтъ:.-

Да постъідѩтъ сѩ и съмѩтѫтъ сѩ вьсі враѕи моі:
Възвратѩтъ сѩ и оустъідѩтъ сѩ ѕѣло вьскорѣ:
СЛАВА:-

Ps 7

ПСАЛМЪ ДАДОВЪ: ЇЖЕ ПѢТЪ ГВ҃І О СЛОВЕСЕХЪ СОУСИІНѢХЪ: СН҃А НЕМЕНІИНА:---

Гі҃ бж҃е моі на тѩ оупьвахъ
сп҃і мѩ:
Ѡтъ вьсѣхъ гонѩщихъ мѩ їзбаві мѩ:. Еда когъда похъітитъ ѣко левъ: дш҃ѫ моѭ: Ні щю избавлѣѭщюмоу ни съп҃асаѭщюмоу:-

Гі҃ бж҃е моі ѣще створіхъ се:. Аще естъ неправьда вь рѫкоу моею:- Ащте вьздахъ въздаѭщимъ ми зъло:. Отъпадѣмъ оубо отъ врагъ моіхъ тъщъ:-- Да поженетъ оубо врагъ дш҃ѫ моѭ: Ї постігнетъ ї поперетъ на земли животъ моі: Ї славѫ моѭ вь пръсть вьселітъ:

Въскръсні г҃і гнѣвомъ твоімъ:
Вьзнесі сѩ вь коньціхъ врагъ твоіхъ:--
Ї въстані г҃і бж҃е мои повелѣньемъ їмъже заповѣдѣ:

И сънемъ людеі обідетъ тѩ и о томь на въісотѫ обраті сѩ:

Гь҃ сѫдьтъ людемъ:
сѫді ми г҃і: По правьдѣ моеі: Ї по незълобѣ моеі на мѩ:--

Да съкочаетъ сѩ зьлоба грѣшьнъіхъ
испраші праведьнаго: Їспъітаѩ ср҃дца ї ѫтробѫ бж҃е праведьно-:

Помощь моѣ отъ б҃а: Сп҃аѭщаго правъіѩ срд҃цемъ:--

Бъ҃ сѫдителъ правьденъ и крѣпокъ і тръпѣлівъ: Ї не гнѣва наводѩі на вьсѣкъ денъ:-

Ѣще не обратіте сѩ орѫжъе свое оцѣстітъ:
Лѫкъ своі отъвлѣче и оуготова і:

И въ немъ оуготова съсѫдъі съмрътънъїѩ:-
Стрѣлъі своѩ горѫщімъ съдѣла:

Се болѣ неправьдѫ:
Зачѩтъ болѣзнъ і роді безаконнье:-

Ровъ іздръі и ископа і:
Ї въпаде сѩ вь ѣмѫ ѭже створи:

Обратитъ сѩ болѣзнъ его на главѫ емоу:
И на връхъ емоу неправьда его сънідетъ:--

Исповѣмъ сѩ гв҃і по правъдѣ его:-
и поѭ мені г҃ю въішьноумоу:-

Ps 8

ВЪ КОНЦЪ О ТОЧІЛѢХЪ ПСАЛМЪ ДА҃Д҃ОВ҃Ъ:-

Гі҃ г҃і нашь: ѣко чюдьно імѩ твое по вьсеі землі:
ѣко вьзѩтъ сѩ вьллѣпота твоѣ прѣвъіше нс҃ъ:-

їз оустъ младьнечь съсѫщихъ съвръшілъ есі хвалѫ: Врагъ твоіхъ раді: Да раздроушіші врага і местьніка:--

Ѣко оузьрѭ нс҃а дѣла пръстъ твоіхъ: Лоунѫ і ѕвѣздъі ѩже тъі е съноварі:.--

Чьто есть чл҃къ ѣко помъніші и: ли сн҃ъ чл҃чь ѣко посѣщаеші его:.--

Оумьнілъ і есі маломъ чімъ отъ ан҃г҃лъ:
славоѭ и честьѭ вѣньчалъ и есі:

и поставилъ і есі на-д-ѣлъі рѫкоу твоею:-
Въсѣ покорилъ есі подъ ноѕѣ его: овьцѩ і волъі вьсѩ:-

Еще же и скотъі польскъіѩ: и пьтіцѩ нс҃нъіѩ: и ръібъі моръскъіѩ: ї прѣходѩщаа стьѕѩ моръскъіѩ:--

Гі҃ г҃і нашь ѣко чюдьно імѩ твое по въсеі землі:-

Ps 9

СЛАВ ДѢ
ВЪ КОНЕЦЬ О ТАІНЪІХЪ СН҃ОУ ПС Д҃АД҃ОВ҃Ъ:

Їсповѣмъ сѩ тебѣ г҃і вьсѣмъ срд҃цемъ моимъ:
повѣмъ вьсѣ чюдеса твоѣ:--

Възвеселѭ и въздрадуѭ сѩ тебѣ
въспоѭ імені твоемоу въішьнеі:-

Вънегда възвратіти сѩ: вргоу моемоу вьспѩтъ: Ізнемогѫтъ и погъібнѫтъ отъ отъ лица твоего:.--

Ѣко створілъ есі сѫдъ моі: пьрѭ моѭ: Сѣдѩ на прѣслѣ сѫдѩі правьдѫ:.--

Запрѣтілъ есі ѩзъікомъ і гъібе нечьстівъи:
Ї имѩ его потрѣбітъ сѩ въ вѣкъ ї въ вѣкъ вѣка:-

Вражьѣ оскѫдѣшѩ орѫжьѣ в конець:
И градъі раздроушілъ е
Погъібе памѩть іхъ съ шюмомъ:

И г҃ь въ вѣкъ прѣбъівает
Оуготова на сѫдъ прѣстолъ свои:

И тъ сѫдітъ въселенѣи въ правьдѫ:
Сѫдіті людемъ въ правъінѭ:-

Ї бъістъ гъ прібѣжище оубогоумоу: помощьникъ: въ благо врѣмѩ вь печалехъ

да оупъваѭтъ на тѩ знаѭщі-і-мѩ твое:
Ѣко нѣсі оставілъ вьсіскаѭщіихъ тебе г҃і:-

оіте гв҃і живѫщюмоу вь сионѣ:
вьзвѣстіте вь ѩзъіцѣхъ начинаниѣ:

диѣ псал
ко вьзискаѩ крьві іхъ помѩнѫ
Не забъі зьваньѣ оубогъіхъ:-

омилоуи мѩ г҃і
виждъ съмѣренье мое отъ врагъ моіхъ: Възносѩі мѩ отъ вратъ съмрътьнъіхъ:--

а възвѣщѫ вьсѩ хвалъі твоѩ: Въ вратѣхъ дъщери сіоновъі:--
Въздрадоуемъ сѩ сп҃ни твоемъ:

Угльбѫ ѩзъіці въ пагоубѣ ѭже створішѩ:.
Вь сѣті сеі ѭже съкръішѩ увѩзе нога іхъ:-

Знаемъ естъ г҃ь сѫдъбъі творѩ:
Вь дѣлѣхъ рѫкоу своею оувѩзе грѣшьникъ:-
диѣ псал

Възвратѩтъ сѩ грѣшьніці вь адъ: Въсі ѩзъіці забъіваѭщіи ба҃:.

Ѣко не до конъца забьвенъ бѫдетъ ніштеі:
Тръпѣнье оубогъі не погъібнетъ до коньца:.--

Въскръсні г҃і. да не крѣпітъ сѩ чк҃ъ
сѫдѩтъ сѩ ѩзъіці прѣдъ тобоѭ:-

Поставі г҃і законодавьца надь німи: Да разоумѣѭтъ ѩзъіці ѣко чл҃ці сѫтъ:-

Вьскѫѭ г҃і отъстоѣ далече:
Прѣзьріші вь благо врѣмѩ вь печалехъ:--

Въ гръдості нечьстиваго възгараетъ сѩ ніщеі:.
Оувѩзаѭтъ. въ сьвѣтѣхъ ѩже помъішлѣѭтъ:-

Ѣко хвалімъ естъ грѣшьнои вь похотехъ дш҃ѩ своеѩ ї и обидѩи благословествимъ:--

Раздражі г҃ѣ грѣшьно:
По мьножьствоу гнѣва своего не вьзищетъ:.
Нѣстъ б҃а прѣдъ ліцемъ его:.

оскврънѣѭтъ сѩ пѫтті его на вьсѣко врѣмѩ:--
Ѡтъемлѫтъ сѩ сѫдъбъі твоѩ отъ ліца его:
Вьсѣмъ врагомъ своімъ оудолѣетъ:.
въсѣмъ врагомъ своимъ оуделѣетъ:-

Рече бо въ сръдъці своімъ:.
не подвіжѫ сѩ отъ рода въ родъ бе зъла:.

Емоу же клѩтвъі оуста его плъна сѫтъ:. и горести і лъсті:
подъ ѩзъікомъ емоу троудъ і болѣзнъ

Прѣсѣдітъ въ лателіхъ съ богатъїімі: въ таінъііхъ оубіті неповінънаго:--
Ѡчі его на оубогаго възіраете:.

лаетъ въ таінъїхъ ѣко левъ въ оградѣ своеі:--
Лаетъ въсхътіті ништаего:. въсхътіті ніштаего да і прѣвлѣчетъ Въ сѣті своеі съмѣріто-ї:.

Прѣклонітъ сѩ і падетъ: егда оудоблѣлъ бѫдетъ оубогъіімъ:---

Рече бо въ сръдъці своемъ
забъі б҃ъ:.
Ѡтъвраті ліце свое да не відітъ до конъца:.

Воскръсні г҃і бж҃е мои да възнесетъ сѩ рѫка твоѣ:.
Не забѫді оубогъіихъ твоіхъ до конъца:-

Чесо раді прогнѣва нечъстівоі б҃а:.
Рече бо въ сръдъці своіемъ
не възіштетъ:

Відіші ѣко тъі болѣзнъ і ѣростъ смотрѣеші.- да п...... бѫ.... .. .... ....
Тебе оставленъ естъ ніштеі:.
Сіроу тъі бѫди помоштънікъ.--

Съкоуші мъішъцѫ грѣшънаго і лѫкаваго:
Вьзіштетъ сѩ грѣхъ его і не обрѩщетъ сѩ:-

Гь҃ цръ въ вѣкъ і вѣкъ вѣкоу:
погъібнете ѩзъіці отъ землѩ его:--

Желанье оубогъіхъ оуслъиша г҃ъ:.
Оуготованъе сръдьцю їхъ вънѩтъ оухо твое:-

Сѫді сіроумоу и съмѣреноумоу:. Да не пріложитъ потомъ велічаті сѩ члк҃оу на земі---

Ps 10

ВЪ КОНЕЦЪ ПСЛМЪ ДВ҃Ъ

На г҃а оупъвахъ
како речеть дш҃і моеі::.
прѣвітаі по горамъ ѣко птіца:. врабеі

Ѣко се грѣшъніці налѩшѩ лѫкь:.
Оуготовашѩ стрѣлъі въ тоулѣ:-- Състрѣлѣті въ мракь правъіѩ сръдьцемь: зане ѣже тъі съвръші оні раздроушішѩ:

А праведьнікь чьто сьтвори:.
Гь҃ вь цр҃ъкьві свѩтѣтѣї твоеі:.

Гь҃ на нб҃сі прѣстоль его:---
Ѡочі его на нищаего прізіраете:-
Вѣжди его іспъітаетъ сн҃ъі чл҃чѩ:.

Гь҃ испъітаетъ праведьнаего і нечъстіваго:
а любѩи неправъдѫ ненавідітъ своеѩ дш҃ѩ:.

Ѡдръжітъ на грѣшънікъи сѣтъ:.
Огнъ і зюпелъ ї дх҃ъ боуренъ чѩстъ чѣшѩ хъ:.

Ѣко правъденъ гь҃ и правъдѫ вьзлюбі:.
Права відѣ ліце его:--

СЛАВА ВЪ КОНЕЦЬ
О-СМѢ-МЬ ДЬНЕ ПСЛМЪ ДА҃ВЪ:.

Сп҃і мѩ гі҃
ѣко оскѫдѣ прѣподобъноі:-
Ѣко оумалишѩ сѩ истінъі отъ сн҃ъ чл҃чь:

Соуетъна гла къжьдо къ іскрьнюмоу своемоу:.
Оустънъі лъстівъіѩ сръдьцемь:-
И въ срьдъці глашѩ зълаѣ:-

Потрѣбітъ гь҃ въсѩ оустънъі лъстівъіѩ:. і ѩзъікъі велерѣчъівъи:. Рекъшѩ

ѩзъікъі нашѩ възвелічімъ:.
Оустънъі нашѩ прі насъ сѫть:.
Кьто намъ гь҃ есть:-.--

Страсті раді ніштіихъ:. И въздъиханьѣ оубогъіхъ:- Нънѣ воскръснѫ
глетъ гъ҃.
положѫ сѩ во сп҃нье и не обінѫ сѩ о німъ:-

Словеса гн҃ѣ словеса прѣчіста:.
Съребро раждежено искоушѩнъ земі:. а и оцѣштенье седмеріцеѭ:--

Тъі же г҃і съхраніші нъі: и съблюдеші нъі отъ рода сего въ вѣкъ:-

Ѡкръстъ нечъстіві ходѩтъ по въісотѣ твоеї
оумножіль есі сн҃ъі чл҃овѣчѩ:--

Ps 12

ВЪ КОНЕЦЪ ПЬСАЛОМЪ ДАВ҃Ъ:

Доколѣ г҃і забѫдеші мѩ до конъца:.
доколѣ отъвраштаеші ліце твое от мене:-

Доколѣ положѫ съвѣтъ въ дш҃і моеи:.
болѣзнъ вь сръдьці моемъ дьнь і ноштъ:.
Доколѣ възнесетъ сѩ врагъ моі на мѩ:.

прізърі
оуслъші мѩ г҃і бж҃е моі:.
просвѣті очі моі еда когда оусънѫ во съмръті:. Еда когда речетъ врагъ моі

укрѣпіхъ сѩ на нъ:.

сътѫжаѭштеі мі въздрадоуѭтъ сѩ: аще сѩ подвіжѫ:-

Азъ же на мілостъ твоѭ надѣахъ сѩ:.
въздрадоуетъ сѩ сръдъце мое о сп҃і твоемъ:-
Поѭ гю҃ благодѣавъшюмоу мнѣ:.
і вьспоѭ імені гю҃ въішьнюмоу:-

Ps 13

ВЪ КОНЕЦЪ ПСЛОМЪ ДА҃ВЪ:-

Рече бесоуменъ въ сръдъці своімъ
нѣстъ б҃а:.
растълѣшѩ і омразішѩ сѩ въ начінанъіхъ......:.-
нѣстъ творѩі благостъінѩ.

Гь҃ съ нб҃сі прініче на сн҃ъі чл҃чѩ:. відѣті ѣште естъ разоумѣваѩі лі възискаѩі б҃а:-

Въсі оуклонішѩ сѩ въкоупѣ
неключімі бъішѩ:.
нѣстъ творѩі благостъінѩ
нѣстъ до едіного:-

Ні лі разоумѣѭтъ въсі. творѩштеі безаконенъ:.
сънѣдаѭштеі люді моѩ въ хлѣба мѣсто г҃ѣ не прізъвашѩ:---

Тоу оустрашішѩ сѩ боѣзньѭ іже не бѣ боѣзні:
ѣко гъ҃ въ родѣ праведънъіхъ:-

съвѣтъ ніштааго посрамісте:.
Гь҃ оупьваніе емоу естъ:.:---

Къто дастъ отъ сюна сп҃ие ісл҃ю:.
егда възвратітъ гь҃ плѣнъ людеі своіхъ:. въздрадоуетъ сѩ іѣковъ і възвеселітъ сѩ іл҃ь:---

Ps 14

СЛАВА
ПСЛОМЪ ДА҃ВЪ

Гі҃ къто обітаетъ въ жілішті твоімь:- лі къто въселітъ сѩ вь св҃тѣі горѣ твоеі:--

Ходѩ бес порока дѣлаѩ правъдѫ:. гл҃ѩ истінѫ въ сръдьці своемъ:.:-

Їже не оулъстітъ ѩзъікомъ своімъ:- Ні сътворітъ іскрьнюмоу сі зьла:-
Поношеньѣ не пріѩтъ на бліжънѩ своѩ:.:--

Оунічъженъ естъ прѣдъ німъ лѫкавои:.
боѩштеі же сѩ г҃ѣ славѩтъ::-
Клънъі сѩ искрънюмоу своемоу не отъмѣтаетъ сѩx:.

съребра своего не дастъ вь ліхвѫ:---
И мъіта на неповінънъііхъ не пріѩтъ:.
творѩі се не подвіжітъ сѩ въ вѣкъ;
тѣло

Ps 15

ПСЛОМЪ ДА҃ВЪ:-

Съхрані мѩ г҃і
ѣко на тѩ оупьвахъ:-

рѣхъ гю҃
гъ҃ моі есі тъі::-
Ѣко благъііхъ моіхъ не трѣбоуеші::----

Св҃тъімъ іже сѫтъ на земі его Оудіві гъ҃: въсѩ волѩ своѩ въ ніхъ::-

Оумножішѩ сѩ немошти іхъ
по сіхъ оуѩдрішѩ сѩ
Не съберѫ сънемъ іхъ отъ кръвъі: Ні помѩнѫ же імѩн іхъ оустънамі моимі:.

Гь҃ чѩстъ достоѣньѣ моего і чѣшѩ моеѩ:.
Тъі есі оустраѣѩі достоѣнь мое мънѣ:--

Ѫжа допадѫ мі въ дрьжавънъіхъ:
Ибо достоѣнье мі дръжавъно естъ мънѣ:-

Благословештѫ г҃ѣ въразоумъшаго мѩ:-
пакъі же и до ношті показа мѩ ѫтроба моѣ:.---- истісѣ лѩдвеінѣи

Прѣдізърѣхъ г҃ѣ прѣдо мъноѭ въінѫ:.
ѣко о деснѫ мене естъ да сѩ не подвіжѫ:-----

Сего раді възвеселітъ сѩ сръдьце мое:.
и въздрадова сѩ ѩзъикь моі:.
пакъі же і плотъ моѣ въселітъ сѩ на оупъванъе:----

Ѣко не оставіші дш҃ѩ моеѩ въ адѣ:- ні дасі прѣподобъноумоу своемоу відѣті істълѣньѣ.,

Съказалъ мі есі пѫті жівотътнъіѩ:.
Исплъніші мѩ веселъѣ съ ліцемъ твоімъ:.
Красота въ десн҃іці твоеи до конъца:-

Ps 16

ВЪ КОНЕЦЪ МОЛІТВА ДВ҃а:

Оуслъші гі҃ правъдѫ моѭ
вонъмі молітвѫ моѭ:.
Въоуші моленье мое не оустьнахъ льстівахъ:-

Ѡтъ ліца твоего сѫдъба моѣ ізідетъ:.
Очі моі тогда відіте правъінѩ:-

Искоусілъ есі сръдьце мое:
посѣтілъ есі ноштъѭ:
раждеже мѩ
і не обрѣтѫ сѩ во мнѣ неправъда:--

Да не възг҃лѭтъ оуста моѣ дѣлъ чл҃вчъ:. за словеса оустънъ твоіхъ:.
азъ съхраніхъ пѫті жестокъі:-

Съвръшілъ есі стопъі моѩ во стьѕѣхъ моіхъ:. да не подвіжѩтъ сѩ стопъі моѩ:-

Азъ возъвахъ
ѣко оуслъша мѩ
бж҃е пріклоні ко мънѣ оухо твое и оуслъіші гл҃ъі моѩ:

Оудіві мілості твоѩ сп҃аѩ оупьваѭштѩѩ на тѩ:- Ѡтъ протівѩштіихъ сѩ десніци твоеі:.

съхрані мѩ г҃і ѣко зѣніцѫ ока
Въ кровѣ крълоу твоею покръіеші мѩ:. Ѡтъ ліца нечьстивъіхъ остраштьшихъ мѩ:.-

Враѕі моі дш҃ѫ моѭ одръжашѩ:.

тоукъ своі затворішѩ
оуста іхъ гл҃ашѩ гръдъінѫ:

Їзгонѩштеі мѩ нъінѣ обідѫ мѩ:.
очі своі възложішѩ
оуклонішѩ на земъѭ::--

Ѡбѩ сѩ мѩ ѣко левъ готовъ на ловъ:. и ѣко скоуменъ обітаѩ во съкровіштіхъ:-

Въскръсні г҃і
варі ѩ прѣдѣ-і-мъ:-
Ї избаві дш҃ѫ моѭ отъ нечъстіва ѫрѫжъѣ твоего:- Ѡтъ врагъ рѫкъи твоѩ:--- Гі҃ отъ малъ от землѩ:.

раздѣлі ѩ въ жівотѣ іхъ:.
и сокръвенъіхъ твоіхъ исплъні сѩ ѫтроба іхъ:-
насъітішѩ сѩ сн҃ъвъ
и оставішѩ одълѣкъ младенъцемъ своімъ:-

Азъ же правъдоѭ авлѫ сѩ лліцю твоемоу.,
насъіштѫ сѩ егда авітъ мі сѩ слава твоѣ::-
Слава

Ps 17

СѢДНЛА ВЪ НЕЦЪ ОТРОКОУ ГН҃Ю ДВ҃І ѢЖЕ ГЛ҃А КЪ Г҃Ю СЛОВЕСА ПѢСНІ СЕѨ КЪ ДЪ ВЪ НЪЖЕ ИЗБАВІ І Г҃Ъ ИЗ-Д-РѪКЪЇ ВЪсѣхъ врагъ емоу їз-д-рѫку и савъловъї и рече:-

Възлюблѫ тѩ г҃і крѣпостъ моѣ:-

гь҃ оутвръжденье мое і прібѣжіще мое иззбавітелъ моі::--
Бъ҃ моі помоштънікъ моі
оупъваѭ на нъ:-
Заштітънікъ мои рогъ сп҃нъѣ моего:- Ї застѫпънікъ моі:

Хвалѩ прізовѫ г҃ѣ и отъ врагъ моіхъ сп҃сѫ сѩ:- :--

Ѡдръжашѩ мѩ болѣзні съмрътьнъіѩ-:-
І потоці безаконеньѣ съмѫтішѩ мѩ:-

Болѣзні адовъі обідѫ мѩ:-
варішѩ мѩ сѣті съмрътънъіѩ:.----
Ї въ скръбъ моѭ прізъвахъ г҃ѣ.) и къ бо҃у моемоу возъвахъ:-

И оуслъіша отъ св҃тъіѩ цр҃къві своеѩ гласъ моі:.-
и вопль моі прѣдъ німъ вьнідетъ вън-оуші его (---

Ї подвіжа сѩ і трепетъна бъістъ землѣ:.
И осънованьнѣ горъ съмѩсѩ сѩ: і подвіжа сѩ ѣко прогнѣва сѩ на ню бъ҃----

Ї възіде дъімъ гнѣвомъ его:-
И огнь отъ него въспланетъ сѩ:-----
Ѫглье възгорѣшѩ сѩ отъ него:

І прѣклоні нб҃са и сьніде:.
И примракъ подъ ногама его:-

И вьзіде на хероувімъ і летѣ:.
Летѣ на кроулоу вѣтръню:.

Ї положі тъмѫ закровъ своі:.
Окръстъ его кровъ его:- Темъна вода въ облацѣхъ аерънъіхъ:--

Ѡтъ блісцѣньѣ его прѣдъ німъ облацѣ проідѫ:- Градъ і ѫглье огньні:---

И возгръмѣ съ нб҃сі гь҃:
И въишьнеі дастъ гласъ своі:-----

Поусті стѣлъі и разгъна ѩ:.
Ї млъньѩ оумножі и съмѩте ѩ:-------

И авішѩ сѩ істочъніці водъ.ніи:
И отъкръішѩ сѩ основанъѣ оуселенъіѩ: Ѡтъ запрѣштенъѣ твоего г҃і:- Ѡтъ дъхновенъѣ дх҃а гнѣва твоего:.—

Посъла съвыше
пріѩтъ мѩ
Поѩтъ мѩ отъ водъ многъ:-

Избавітъ мѩ отъ врагъ моіхъ: сілънъіхъ:. І тъ ненавідѩштііхъ мѩ-:-
Ѣко оутвръшѩ сѩ паче мене

Варішѩ мѩ въ день озълобленьѣ моего:.
И бъистъ г҃ь подьѩтель моі:.

И вьзвед мѩ на шіротѫ-:- Избаві мѩ ѣко въсхотѣ. мѩ:.

И въздастъ мі г҃ь по правъдѣ моеі:.
І по чістотѣ рѫкоу моею въздастъ мі:. -:- -:-

Ѣко съхраніхъ пѫті гн҃ѩ:.
И не нечъстовахъ тъ б҃а моего

Ѣко въсѩ сѫдъбъі его прѣдъ мноѭ:.
И оправъданъѣ го не отъстѫпішѩ оть мене

Ї бѫдѫ непоченъ съ німъ:. И съхране сѩ отъ безаконеньѣ моего:----

Ї въздастъ мі г҃ь по правьдѣ моеі:. І по чістотѣ рѫкоу моею прѣдъ очіма его:-

Съ прѣдобъномь прѣподобенъ бѫдеші:.
И съ можемъ неповіньномь неповінъ бѫдеші: -:- -:- -

И съ ізбъраномъ ізбъранъ бѫдеші:.
И съ стропътівомъ развратіши сѩ:-

Ѣко тъі люді съмѣренъіѩ сп҃еші г҃і:.
І очі гръдъіхъ съмѣріші: -:- --

Ѣко тъи просвѣштаеші свѣтілънікъ моі г҃і:.
Бж҃ъ моі просвѣштаеші тъмѫ моѭ:.

Ѣко тобоѭ избавъѭ сѩ отъ напасті:.
І бѕ҃ѣ моемъ прѣлѣзѫ стѣнѫ:.

Бь҃ моі непороченъ пѫтъ его:.
Сльвеса гн҃ѣ ражедежена:.
Защітънікъ естъ въсѣмъ оупъваѭшимъ на нъ:-----

Ѣко кото б҃ъ развѣ г҃ѣ:...
ЛІ КЪ.ТО. б҃ъ развѣ ба҃ нанашего:--

Бъ҃ прѣпоѣсаѩі мѩ сілоѭ:.
И положі непороченъ пѫтъ моі: -:- -

Съвръшаѩ ноѕѣ моі ѣко елені:. И на въісокъіхъ поставлѣѩ мѩ

Наоучаѩ рѫцѣ моі на бранъ:. И положі лѫкъ мѣденъ мъішъці моі

Ї далъ мі есі заштіщенье сп҃ньѣ і десніцѣ твоѣ пріѩтъ мѩ:-
Ї наказанъе твое. ісправі мѩ въ конець:.
И наказанъе твое само мѩ наоучітъ:-

Оушірілъ естъ стопъі моѩ подо мъноѭ:.
Изнеможете плеснѣ моі:-

Поженѫ врагъі моѩ і постігнѫ ѩ:-
І не възвраштѫ сѩ доіждеже исконъчаѭтъ сѩ:--- .

Съкроушѫ ѩ і не імѫтъ мощі ті постоѣті:.
Падѫтъ сѩ подъ ногама моіма

И прѣпоѣсалъ мѩ есі сілоѭ на бранъ:.
Съпѩлъ есі въсѩ въстаѭщѩ на мѩ і подѫ мноѭ. -:- -.

И врагъ моіхъ далъ мі ес хрібетъ:.
І ненавідѩштѩѩ мѩ потрѣбі: -:-

Возъвашѩ і не бѣ сп҃аѩи къ....гю҃
і не оуслъіша іхъ:-----

Истънѫ ѩ ѣко прахъ прѣдъ ліцемъ вѣтра:.
Ѣко бренье пѫті поглаждѫ ѩ:-

Избаві мѩ отъ пр.рѣканъѣ. людъска:.
поставіші мѩ въ главѫ ѩзъікомъ: -.
Людье тоужді іхъже не знахъ работашѩ мі:

въ слоухъ оухоу оуслъішаше мѩ:-
Сн҃ові тоужді солъгашѩ мі:.

Сн҃ови тоужді обетъшашѩ:-
И охръмѫ отъ стеѕь своихъ:.

Жівъ гъ҃ і благословествень бъ҃ моі.)
І възнесето сѩ бъ҃ сп҃нъѣ моего:. - -:- -

Бъ҃ даѩ мъсті мънѣ:. И оучі люді моѩ подъ мѩ: -:- Избавітелъ моі отъ врагъ моіхъ гнѣвъіхъ:.

И отъ въстаѭштихъ на мѩ вьзнесеші мѩ:.
отъ мѫжа неправедъна избаві мѩ: -:-

Сего раді исповѣмь сѩ тбѣ въ ѩзъіцѣхъ г҃і:.
Имені твоемоу въспоѭ:- -:-

Вьзвелічаѩ сп҃нъе рцр҃ва і творѩ мілості хо҃у своемоу:. да҃доу и сѣмені его до вѣка:.
помазаньнікъ

Ps 18

СЛАВА

Нбс҃а їсповѣдаѭтъ славѫ бж҃ъѭ:.
творъ же рѫкоу его възвѣштаетъ тврдъ:-

Денъ дъні отърігаетъ глаголъі его:.
и ношть ношті вьзвѣштаетъ разоумъ

Ни сѫтъ рѣчі ні словеса іхъже
не не слъішѩтъ сѩ гласі іхъ:. :- ---

Во вьсѫ землѭ изідѫ вѣщанъѣ ихъ:.: И въ коньцѩ въселенъіѩ гл҃і ихъ:-

Въ слънъці положі село его:
І ть ѣко женіхъ исходѩ отъ чрътога своего: :- :-
Въздрадоуетъ сѩ ѣко исполінъ тешті пѫтъ:.

Ѡтъ начѩтъка нб҃сі исходъ его:.
И сърѣтаньѣ го до конъца нб҃сі:
И нѣстъ іже оукръіетъ сѩ топлотъі его: :-

Законъ гн҃ъ непореченъ обраштаѩі дш҃ѩ:.
Съвѣдѣнъе гн҃е вѣръно оумѫдрѣѩ младенъцѩ: :-

Оправъданъѣ гн҃ѣ права веселѩшта сръдьца-
Заповѣди гн҃ѣ издалече просвѣшташті очі-

Страхъ гн҃ъ прѣчістъ прѣбъіваетъ вь вѣкоу.:.
Сѫдъбъи гн҃ѩ истіньнъі оправъданъи въкоупѣ::-

Въжделана паче злата і камені драга многа:. и слаждъша паче меда і съта: :-

Ибо рабъ твоі хранітъ ѩ
вънегда съхраніті ѩ възданъе много:-

грѣхъпаданьѣ къто разоумѣетъ:.
Ѡтъ таінъихъ моіхъ очісті мѩ:.

и отъ тоуждоухъ поштѩді раба своего:-
Ѣште мі не оудоблѣѭ-тъгда непороченъ бѫдѫ:. и оцѣштѫ сѩ отъ грѣха велика:..

Ї бѫ въ благоленъе словеса оустъ моіхъ: і пооученъе сръдъца моего прѣдъ тобоѭ въинѫ. :- - Гі҃ помощьніче моі избавітелъ моі:-

Ps 19

їѳ҃
ВЪ КОНЕЦЪ ПСАЛОМЪ ДА҃ВЪ

Оуслъіші тѩ гі҃ въ денъ печалі:.
Застѫп-і-мѩ ба҃ иѣковлѣ:---

Посълі ті помоштъ отъ ст҃а:
И отъ сіона застѫпі тѩ:-

Помѣні вьсѣкѫ жръ..-твѫ твоѭ:.
І вьсесъжагама твоѣ тоучъна бѫди:.

Даждъ ті г҃і по сръдъцю твоемоу:
І весъ свѣтъ твоі исплъні:--

Въздрадоуемъ сѩ о сп҃ні твоімъ і въ імѩ гі҃ ба҃ нашего възвелічімъ сѩ:
Исплъні гі҃ въсѣ прошеньѣ твоѣ:.

Нъінѣ познахъ ѣко сп҃ъ естъ гь҃ х҃ъ своего:-
Оуслъішітъ і съ нб҃сі ст҃аго своего:. вь сілахъ съп҃нѣ десніцѩ его:-

Сі въ орѫжъіхъ и сі на коніхъ:. Мъі же въ імѩ тома лоукаваръ гі҃ б҃а нашего прізовемъ:-

Ті съпѩті бъішѩ і падѫ:
Мъі же въстахъмъ і прості бъіхомъ

Гі҃ сп҃і цр҃ѣ і оуслъіші нъі:. во нъже денъ ѣште прізовемъ тѩ:. ---

Ps 20

к҃
ВЪ КОНЕЦЪ ПСАЛОМЪ ДАВ҃Ъ

Гі҃ сілоѭ твоеѭ възвеселітъ сѩ цр҃ъі.
о сп҃ніі твоемъ вьздрадоуемъ сѩ ѕѣло:-

Желанье сръдьца твоего даль емоу есі:.
і хотѣнъѣ оустъ҃ его нѣсі его лішілъ:-

Ѣко варілъ і есі бл҃гословнъіміімі:. бл҃гстънъімъ:.
положіль есі на главѣ его вѣнъць:. отъ камені драгаего:.-

Жівота просі оу тебе і далъ емоу есі: длъготѫ дънъі вь вѣкъ вѣкоу: : - -

Велъѣ слава его сп҃ьемъ твоемъ:.
славѫ і вълѣпотѫ възложішѩ на нъ:.

Ѣко дасі емоу блгслнье вь вѣкь вѣкоу:.
Вьзвесе.ліші і радостьѭ съ ліцемъ твоімъ: : - -

Ѣко цсрь оупъва на г҃ѣ:.
і мілостъѭ въішънѣго не подвіжітътъ сѩ: : - -

Да обрѩштетъ сѩ рѫка твоѣ въсѣмъ врагомъ твоімъ:.
десніца твоѣ обрѩштетъ въсѩ ненавідѩштѩѩ тебе:-

Положіші ѩ ѣко пешть гньнѫ въ врѣмѩ ліца твоего:.
г҃ь гнѣвомъ своімъ съмѩтетъ ѩ і поѣстъ ѩ огъ:.-

Плодъ іхъ отъ землѩ погоубіші: И сѣмѩ іхъ отъ сн҃ъ чл҃чъ:.

Ѣко. оуклонішѩ на тѩ
зълаѣ помъіслішѩ:.
И съвѣтъ-і-хъже не възмогѫ съставіті:.

Ѣко положіші іхъ хрібетъ:.
Въ ізбъітъцѣхъ твоіхъ оуготоваеші ліце ихъ: : - -

Възнесі сѩ гі҃ сілоѭ твоеѭ:.
поемъ і въспоемъ сілъі твоѩ:.

Ps 21

СЛАВА:
ВЪ КОНЕЦЪ ПРЇѨТЪЇ: ОУТРЬНІМЪ ПСЛМЪ ДВ҃Ъ

к а҃

Бж҃е бж҃е моі вонъмі мі
въскѫѭ оставі мѩ:- далече отъ сп҃нѣ моего:
словеса грѣхъпаданеі моихъ:-

Бъ҃ моі възовѫ. въ денъ і не оуслъишіші:. и ноштъѭ і не въ безоумье мьнѣ:-

Тъі же въ св҃тѣемъ жілішті хвала іиздраілева:-

На тѩ оупъвашѩ отъці наші:.
Оупъвашѩ і-збавілъ ѩ есі:-

Въ тебѣ возъвашѩ и сп҃лі сѩ сѫтъ:.
На тѩ оупъвашѩ і не постъідѣшѩ сѩ:--

Азъ ж-е-смъ чръвъ і не чл҃къ:. поношенье чл҃комъ:. І оунічъженъе людемъ:--

Въсі відѩштеі мѩ порогашѩ мі сѩ:.
И гл҃ашѩ оустъі своімі
покъівашѩ главамі:-

Оупъва на г҃ѣ
да ізбавіто-і-: И сп҃ето-і ѣште хоштетъ емоу:-

Ѣко т-ъі-стръгоі мѩ і штрѣва оупъванъе мое отъ сосьцю матері моеѩ: :-

Въ тебѣ прівръженъ есмъ из ложезнъ:.
Отъ рѫтробъі матері моѩ бъ҃ моі есі тъі: :-

Не отъстѫпі отъ мене
ѣко скръбъ блізъ:-
Ѣко нѣстъ помагаѩі:--

Ѡбідѫ мѩ телъці мнозі:-
юнъці тоучъні одръжашѩ мѩ:

Ѡтврѣсѩ на мѩ оуста своѣ ѣко левъ въсхъіштаѩ і рікаѩ:

Ѣко вода изліхъ сѩ и разідѫ сѩ кості моѩ:.
Бъістъ сръдъце мое ѣко воскъ таѩ посрѣдѣ чрѣва моего:-

Исъше ѣко скѫделъ крѣпость моѣ:.
И ѩзъікъ моі прілъпе грътані моімъ:.
И въ пръстъ съмрті съведе мѩ:.

Ѣко обідѫ мѩ пъсі мноѕі:.
И сънемъ зълобівъіихъ осѣде мѩ:-
Прігвоздішѩ ноѕѣ моі і рѫцѣ моі:.

Ичісѩ въсѩ въсѩ кості моѩ:--
прокопашѩ
Ті же смотрішѩ і прѣзърѣшѩ мѩ:.

Рааздѣлішѩ себѣ різѫ моѭ:.
И о різѫ моѭ меташѩ жрѣбъѩ:-

Тъі же гі҃ не оудалі помошті твоеѩ отъ мене:.
На застѫпленъе мое прізърі:--

Избаві отъ орѫжъѣ дш҃ѫ моѭ:. Из-д-рѫкъі пъсъѩ іночѩдѫѭ моѭ:--

Сп҃і мѩ отъ оустъ лъвовъ:. І отъ рогъ інорожъ съмѣренъе мое:.

Повѣмъ імѩ твое братріи моеі:.
посрѣдѣ цр҃къві въспоѭ тѩ: :- :-

Боѩштеі сѩ г҃ѣ въсхваліте і
Вьсе сѣмѩ иѣковле прославіте..-----
Да оубоітъ же сѩ отъ него въсе сѣмѩ иіл҃во:-

Ѣко не оунічъже ні неготова молітва ніштаго:.
Ні отъвратілъ есітъ ліца своего оть мене:.
І егда возъвахъ къ немоу оуслъішаше мѩ

Ѡтъ тебе похвала моѣ въ цр҃ькъві веліцѣ
ісповѣмь ті сѩ:-
Ѡбѣтъі моѩ въздамъ прѣдъ боѩштіимі сѩ его:-

Ѣдѩтъ нішті и насъітѩтъ сѩ:.
И въсхвалѩтъ г҃ѣ възіскѫште его: :- : :-
Жіва бѫдѫтъ сръдъца вь вѣкъ вѣкоу:-

Помѣнѫтъ сѩ і обратѩтъ сѩ къ гю҃ вьсі конъці землѩ:-------
И поклонѩтъ сѩ прѣдъ німъ въсѣ отъчъства ѩзъчъна:-

Ѣко гн҃ь естъ цѣръсто і тъ обладатъ ѩзъікъі:---

Ѣсѩ і поклонішѩ сѩ въсі тоучъні земъѩ.-
Прѣдъ німъ пріпадѫтъ въсі съходѩстеи въ землѫ:--
И дш҃а моѣ томоу жіветъ: :- -

И сѣмѩ мое поработаетъ емоу:
Възвѣстітъ гю҃ родъ грѩдъі:.

І възвѣстѩтъ правъдѫ его:. - :. Людемъ родѩштіімъ сѩ
ѩжѩ створі гъ҃:

Ps 22

к҃ в
ПЪСАЛОМЪ Д҃ВЪ

Гь҃ пасетъ мѩ і нічесоже мене лішітъ:.

На мѣстѣ паствінънѣ тоу мѩ въселі
На водѣ покоінѣ въспітѣ мѩ:.

Дш҃ѫ моѭ обраті:.
Наставілъ мѩ есі на стьѕѫ правъіѩ:-

Имені его раді ѣште бо і поідѫ посрѣдѣ сѣні съмрътънъіѩ:-- Не оубоѭ сѩ зъла
ѣко тъі со мноѭ есі:-
Жезлъ тво-і паліца твоѣ та мѩ оутѣшісте:--

Оуготовалъ есі прѣдо мноѭ трапезѫ:. Прѣдъ сътѫжаѭштіими мнѣ:-
Оумастілъ есі олѣемъ главѫ моѭ:.
И чѣша твоѣ оупаѣѭшті мѩ коль дръжавъна естъ: :- :-

И мілостъ твоѣ поженеть мѩ въсѩ дъні жівота моего:.
И да въселѫ сѩ въ домъ гн҃ъ въ длъготѫ дьньи:-

Ps 23

к г҃҃
ДВ҃Ъ ПСЛОМЪ ВЪ ПРЪВѪ СѪБОТѢ:-

Гн҃ѣ естъ зем҃ъѣ и-сплъненье-ѩ:. Въселена и въсі. жівѫштеі на неі:--

Тъі на моріхъ основалъ ѭ естъ: И на рѣкахъ оуготовалъ ѭ естъ:--------

Къто възідетъ на горѫ гн҃ѭ:-
лі къто станетъ на мѣстѣ св҃тѣмъ его:.
Неповіненъ рѫкама и чъстъ сръдъцемъ:-- Иже не пріѩтъ насоуе дш҃ѩ своеѩ:. И не клѩтъ сѩ лестьѭ искрънюмоу своемоу:---

Съ пріиметъ благословественъе отъ г҃ѣ:. И мілостъінѫ тъ б҃а сп҃а своего:.

Съ родъ искоштеіимъ г҃ѣ: :- Искѫштеіхъ ліца ба҃ иѣковлѣ:-

Вьзьмѣте врата кънѩѕі ваші:.
И възьмѣте сѩ врата вѣчънаѣ:.
І вьнідетъ цр҃ъ славѣ:-

Къто съ естъ цр҃ь славѣ:
Гъ҃ крѣпокъ і сіленъ:.
Гь҃ сленъ въ брані:.---

Возъмѣте врата кънѩѕи ваші:.
И возъмѣте сѩ врата вѣчънаѣ:-
И вънидетъ ц҃ѣсръ славѣ:-

Къто се естъ ц҃ѣръ славѣ:-
Гъ҃ сіламъ:.
тъ естъ цръ слвѣ

Ps 24

к҃҃ д
СЛАВА:
СѢДЛНА:
ПЛМЪ Д҃ВЪ

Къ тебѣ г҃і вьздвігъ дш҃ѫ моѭ:.

Бж҃е моі на те оупъвахъ
да не постъіждѫ сѩ въ вѣкъ:- :- Ні посмѣѭтъ мі сѩ враѕі моі:.

Ибо въсі тръпѩштеі тбе не постъидѩтъ сѩ:- ----
Да постъідѩтъ сѩ безаконьноуѭштеі въсоуе:.

Пѫті воѩ гі҃ съкажі мі:.
И стъѕѣмъ твоімъ наоучі мѩ:--

Наставі мѩ на істинѫ твоѭ:.
И наоучі мѩ
ѣко тъі есі бъ҃ сп҃ъ моі:.
И тебѣ тръпѣхъ весъ денъ:---

Помѩні штедротъ твоѩ гі҃:. И мілості твоѩ
ѣко отъ вѣка сѫтъ:----

Грѣхъ юності моеѩ і невѣзества моего не помѣни:.
по мілості твоеі помѣні мѩ тъі:- Бла҃стъіѩ твоеѩ ра гі҃:.

Благо і правъ гь҃:-
Сего раді законъ дасть съгрѣшаѭштеімъ пѫть:.

Наставітъ кротъкъіѩ сѫдъ:.
наоучітъ кротъкъіѩ на пѫті своѩ

Въсі пѫтіе гн҃і мілостъ и-стіна:. възіскаѭштемъ завѣта его и съвѣдѣнеи его:----

Имені твоего раді гі҃:. Ѡцѣсті грѣхъ моі
велеи бо естъ:

Къто естъ чловѣкъ боѩ сѩ сѩ гі҃:.
Законъ поставітъ емоу на пѫті иже ізволі:----

Дш҃а его въ благъіхъ въдворітъ сѩ:.
И сѣмѩ его наслѣдітъ землѫ:--

Дръжава гь҃ боѩштіимъ сѩ его:.
И законъ его авітъ імъ

Ѡчі моі въінѫ къ гю҃:.
Ѣко тъ істръгнетъ отъ сѣті ноѕѣ моі:- ---

Прізърі на мѩ і помілоуі мѩ
ѣко іночѩдъ і ніштъ есмь азъ

Скръбі сръдъца моего е оумножішѩ сѩ:.
И ѡтъ бѣдъ моіхъ ізведі мѩ---

Віждъ съмѣренъе мое и троудъ моі:
И отъпоусті въсѩ грѣхъі моѩ

Віждъ врагъі моѩ Вѣхъ...ѣко оуможішѩ сѩ:-
И ненавидѣньемъ неправедъномъ възненавідѣшѩ мѩ: :- -

Съхрані дш҃ѫ моѭ
избаві мѩ да не постъіждѫ сѩ
Ѣко оупъвахъ на тѩ:-

Незълобіві і правіи пріплѣхѫ сѩ мнѣ:.
Ѣко потръпѣхъ тѩ гі:҃- -----

Избаві бж҃е іил҃ѣ отъ въсѣхъ скъбьі его:---

Ps 25

к е҃҃҃
ДАВ҃Ъ ПЪСАЛОМЪ

Сѫді мі гі҃
ѣко азъ незълобоѭ моѭ ходіхъ:.
и на Гѣ҃ оупъваѩ не изнемогѫ

Искоусі мѩ гі҃ і тъі тѩжі мѩ:.
раждъзі ѫтробѫ моѭ и сръдъце мое: --. -

Ѣко мілостъ твоѣ прѣдъ очима моіма естъ:.
И оугодіхъ въі-истінѣ твоеі:--

Не сѣдъ съ сонъмомъ соуетъномъ:.
И съ законопрѣстѫпънъіимі не вънідѫ:--

Възненавідѣхъ цр҃ковъ лѫкавънъіхъ:.
И съ нечъстівъіимі не сѩдѫ: :--

Оумъіѭ въ неповінъіхъ рѫцѣ моі:-
И обідѫ олътаръ твоі гі҃:--

Да оуслъішѫ гласъ хвалъі твоеѩ:.
Исповѣмъ вьсѣ чюдеса твоѣ:.

Гі҃ вьзлюбіхъ красотѫ домоу твоего:. И мѣсто въселеньѣ славъі твоеѩ:. :---

Не погоубі съ нечъстівъиимі дш҃ѩ моеѩ:. И съ мѫжі крьвъі жівота моего:- Въ ніхъже рѫкоу безаконенъѣ сѫтъ:.

Десніца іхъ ісплъні сѩ мъіта:----

Азъ же незлобоѭ мое ходіхъ
избаві мѩ гі҃ і помілоуі мѩ:.

Нога моѣ ста на правъдѣ:.
въ црк҃ъвахъ благословесъстоуѭ тѩ:-----

Ps 26

к ѕ҃
ДА҃ВЪ ПРѢЖДЕ ПОМАЗАНЬѢ:-

Гь҃ просвѣштенье мое и сп҃ітелъ моі
кого сѩ оубоѭ:.-
Гь̀҃ заштітітель жівотоу моемоу
отъ кого сѩ оустрашѫ:--

Егда прібліжѩтъ сѩ на мѩ зълобоуѭштеи о сьнѣсті плътеі моіхъ:. Сътѫжаѭштеи мі враѕі моі ті изнемогѫ і падѫ: :-

Ѣште оуплъчітъ сѩ на мѩ плъкъ не оубоітъ сѩ сръдьце мое:.
Ѣште въстанетъ на мѩ бранъ на нь азъ оупъваѭ

Едіного просіхъ отъ г҃ѣ
того възіштѫ:.
Да жівѫ въ домоу гн҃і въсѩ дъні жівота моего
Да зърѫ красотъі гн҃ѩ:- и посѣштаѭ цркъві св҃тъѩ его:--

Ѣко съкръі мѩ въ крови своемь:.
Вь денъ зъла моего покръі мѩ въ таінѣ крова своего:--
на каменъ вьзнесеши мѩ:-

И нъінѣ се възнесе главѫ моѭ на грагъі моѩ:-
Ѡбідь и пожръхъ въ кровѣ его:. Жрътвѫ
хваленье і въсклікновенъе поѭ і въспоѭ гю҃:.

Оуслъші гі гласъ моі имьже возъвахъ:.
Помілоуі мѩ и оуслъші мѩ:-

Тебѣ рече сръдъце мое
г҃ѣ вьзіскѫ:.
Вьзіска тебе ліце мое:
Ліца твоего гі҃ възіскѫ:-----

Не отъвраті ліца твоего отъ мене:.
И не оуклоні сѩ гнѣвомъ отъ раба твего
Помоштънікъ моі бѫді і не отъріні мене:.
И не оставі мене бж҃е съпасітелю мои:--

Ѣко от҃ць моі и маті моѣ оставісте мѩ а г҃ь пріѩтъ мѩ:----

Законъ положі мънѣ гі҃ пѫть твоі:.
Ї наставі мѩ на стьѕѫ правѫѭ

Врагъ моіхъ раді не прѣдаждъ мене въ рѫцѣ състѫжаѭштиіхъ:--- мнѣ
Ѣко въсташѩ на мѩ съвѣдѣтелі неправедьні ихъже не съвѣдѣхъ:.
И солъга неправъдѣ себѣ:---

Вѣруѭ відѣті благаа гн҃ѣ на земі жівѫштіхъ:
Потръпі г҃ѣ
мѫжаі сѩ
и да крѣпітъ сѩ сръдъце твое
і потръпі г҃ѣ:-

Ps 27

СЛАВА:.
к҃ з
ПСЛОМЪ ДВ҃Ъ:-

Кь тебѣ гі҃ възовѫ
бже моі не прѣмлъчі отъ мене:.
еда когда прѣмлъчіші отъ мене:. И оуподоблѫ сѩ съ нізъходѩштіми въ ровъ:-

Оуслъіші гі҃ гла молітвъи моеѩ егда възовѫ къ тебѣ:. егда въздѣѭ рѫцѣ моі къ цр҃къві ст҃і твоеі:-

Не прівлѣці мене сь грѣшънікъі:
И ссъ творѩштімі неправъдѫ не погоубі ме.не:--
Гл҃аѭштемъ міръ съ іскрънімі своімі:. Зъло же въ сръдъціхъ іхъ:- Даждъ імъ г҃і по дѣломъ іхъ:. І по зълобѣ начінаньи іхъ:.

По дѣломъ рѫкоу іхъ даждъ. імъ.
въздань іхъ імъ:-

Ѣко не разоумѣшѩ дѣла гн҃ь і дѣлъ рѫкоу его:-
Разоріші ѩ і не съзіждеші іхъ:-

Благословесловественъ г҃ь
ѣко оуслъша гласъ молітвъі моеѩ:-

Гь҃ помоштьнікъ моі і заштітънікъ . . моі:-
На того оупъва сръдъце мое і помошть мі бъістъ:.
И процвьте плоть моѣ:.
И волеѭ моеѭ исповѣмь сѩ емоу-:- :- :-

Гь҃ оутвръжденье людемъ своімъ:. И заштітелъ сп҃ньемь х҃а своего естъ: :-

Сп҃і г҃і лю҃ді своѩ и благословестві достоѣнье твое:.
і оупасі ѩ і возъмі ѩ до вѣка:.

Ps 28

к҃ и
ПСЛОМ ДВ҃Ъ ВЪ ЇСХОЖДЕНЪЕ: :-
Прінесѣте г҃ю сн҃ові бж҃і:.
прінесѣте г҃ю сн҃ъі овьнѩ:.
прінесѣте г҃ю славѫ и честъ

Прінесѣте г҃ю славѫ імені его:.
Поклоніте сѩ г҃ю въ дворѣ ст҃ѣмъ его:-

Гласъ гн҃ъ на водахъ:
б҃ъ славѣ возгръмѣ:
Гь҃ на водахъ многахъ: :- :-

Гласъ гн҃ь вь крѣпості:
гласъ гн҃ь вь вельлѣпотѣ:-

Гласъ гн҃ъ съкроушаѭштааго кедръі:.
И съкроушітъ г҃ь кедръі ліванъскъѩ:--

Ї истъні ѩ ко телець ліваньскьі и вьзлюбленъ ѣко сн҃ъ норожъ:-

Гл҃асъ гн҃ъ просѣкаѭшта пламенъ огна:

Гла҃съ гн҃ъ сътрѩсаѭштаго поустъінѫ:.
И сътрѩсетъ г҃ь поустънѫ кадискѫ

Гласъ гн҃ь съвръшаѭштаго елені:.
И отъкръіетъ дѫбровъі:.
И цр҃къі его въсѣкъ іже глалетъ славѫ: -:

Гь҃ потопъ насѣлѣтъ:-
И сѣдітъ г҃ь цръ вь вѣкъ:.
Гь҃ крѣпостъ людемъ своімъ дастъ:.
Гь҃ благословествітъ люді своѩ міромъ:.

Ps 29

ВЪ КОНЕЦЪ ПЛОМЪ
ПѢСНІ О СВ҃ѨЦЕ ДОМОУ ДА҃ВА

к ѳ҃
Възнесѫ тѩ г҃і
ѣко подъѩлъ мѩ есі:.
И нѣсі възвеселъ врагъ моіхъ о мънѣ:.

Гь҃ б҃ъ моі возъвахъ къ тебѣ
исцѣлілъ мѩ есі:.

Гь҃ възведе отъ ада дш҃ѫ моѭ:.
Сп҃аслъ мѩ есі отъ нізъходѩштіихъ въ ровъ:-

Поіте гв҃і прѣподобні его:
Исповѣдаіте памѩть св҃тъінѩ го:-

Ѣко гнѣвъ вь ѣрості его:
И жівотъ въ волі его: :-
Вечеръ въдворітъ сѩ плачь: И заоутра радость: : :-

Азъ же рѣхъ въ обільі моемьемь
не подвіжѫ сѩ вь вѣкъ: :-

Гі҃ волеѭ твоеѭ подаждь добротѣ моеі сілѫ:
Ѡтъвратілъ же есі ліце твое и бъіхъ съмѫщтенъ:--

Къ тебѣ г҃і възовѫ и къ б҃оу моемоу помолѫ сѩ:-

Каѣ полъѕѣ во кръві моеи егода сънідѫ въі истълѣнъе:.
Еда ісповѣстъ ті сѩ прьстъ:. лі възвѣстітъ истінѫ твоѭ

Слъіша г҃ъ і помілова мѩ:.
Гь҃ бъістъ помоштънікъ моі:-

Ѡбратілъ есі плачъ моі въ радостъ мнѣ:
Растръга врѣтіште мое и прѣпоѣсалъ мѩ есі веселъемъ.- - - -

Да въспоетъ тебѣ слава моѣ и не оумолі сѩ:.
Гі҃ б҃ъ моі вь вѣкъ исповѣмъ ті сѩ:-

Ps 30

СЛАВА:-
ВЪ КОНЕЦЪ ПСЛМЪ ДАВ҃Ъ ВЬ ОУЖАСѢ

л҃
На тѩ г҃і оупъвахъ
да не постъіждѫ сѩ вь вѣкъ:-
Правъдѫѭ твоеѭ избаві мѩ
ізъмі мѩ:--

Пріклоні ко мънѣ оухо твое
оуѩдрі изѩті мѩ:.
Бѫді мі въ ба҃ заштітітелъ: И въ домъ прібѣжіщю съпасті мѩ:-

Ѣко дръжава і прібѣжіште мое есі тъі:-
Имені твоего раді наставіші мѩ и прѣпітѣеші мѩ:- :-

И ізведеші мѩ отъ сѣті есѩ ѭже съкръішѩ мнѣ:.
Ѣко тъі есі заштітітелъ моі г҃і:.
Въ рѫцѣ твоі прѣдамъ дх҃ъ:-
Избавілъ мѩ есі г҃і бж҃е рѣснотъі: --- :-

Вьзненавідѣ хранѩштѩ соуетьна за тъштее: :-

Азъ же на г҃ѣ оупъвахъ:
И възрадоуѭ сѩ и вьзвеселѫ сѩ о мілості твоеі: :-
Ѣко прізьрѣ на съмѣренье мое:.
Спл҃ъ есі отъ бѣдъ дш҃ѫ моѭ:.

И нѣсі мене затворілъ въ рѫкахъ вражъѣхъ: .-
Поставілъ есі на пространѣ ноѕѣ моі:.

Помілоуі мѩ г҃і
ѣко скръблѫ:-
Съмѩте сѩ отъ ѣрості око мое: Дш҃а моѣ и ѫтрѫба моѣ:---

Ѣко оскодѣ болѣзнъѭ жівотъ моі:. И лѣта моѣ въздъіханьіи:-
Їзнеможе ніштетоѭ крѣпость моѣ:.
И кості моѩ съмѩшѩ сѩ:-

Паче въсѣхъ врагъ моі бъіхъ поношенью:. и сѫсѣдомъ моімъ ѕѣло:. И страхъ знаемъимъ моімъ:-
Відѩштеі мѩ вонъ бѣжашѩ отъ мне:.

Забъвенъ бъіхъ ѣко мрътвъ отъ сръдъца:.
Бъіхъ ѣко съсѫдъ погоубленъ:- :-. –

Ѣко слъішахъ рѫженъе много жівѫштііхъ окръстъ егода събіраахѫ сѩ коупьно на мѩ:.
Пріѩті дш҃ѫ моѭ съвѣшташѩ::. :-

Азъ же на тѩ г҃і оупъвахъ
рѣхъ
тъі есі б҃ъ моі:.

Въ рѫкоу твоею жрѣбьі моі:-
Їзбаві мѩ из-д-рѫкъі врагъ моихъ отъ гонѩштііхъ мѩ:.

Просвьти ліце твое на раба твоего:.
Сп҃і мѩ мілостьѭ твоѭ:--

Гі҃ да не постъждѫ сѩ
ѣко прізъвахъ тѩ:.
Да постъідѩтъ сѩ нечъстіві-и сънідѫтъ въ адъ:.-

Нѣмъі да бѫдѫтъ оустънъи лъстівъіѩ: гл҃ѭштѩ на праведънаго безаконенъе:. Гръдъінеѭ і оунічъженьемъ:.

Колъ мъного множьство благості твоеѩ г҃і:. Ѭже съкъі боѩштіімъ сѩ тебе:.
Съвръшілъ есі оупъваѭштѩѩ на тѩ: прѣдъ сн҃ъі члвч҃скъі:.

Съкръіеші ѩ въ таінѣ ліца твоего:. Ѡтъ мѩтежа чл҃вча:-
Покръіеші ѩ въ кровѣ отъ прѣрѣканъѣ ѩзъікъ:--

Благословественъ г҃і
ѣко оудівілъ естъ мілость своѭ въ градѣ остоѣнъѣ:.

Азъ же рѣхъ въ оужѣсѣ моемъ
отьвръженъ есмъ.-. отъ ліца очью твоею:-
Сего раді слъіша гласъ молітвъі моеѩ:. Егда возъвахъ къ тебѣ:-

Възлюбіте г҃ѣ въсі прѣподобініи его:.
Ѣко рѣснотъі вьзіскаетъ г҃ь:. І въздаетъ творѩштіімъ изліха гръдъінѫ: :-

Мѫжаіте сѩ і да крѣпітъ сѩ сръдъце ваше:. Въсі оупъваѭштеі на г҃а:-

Ps 31

ДА҃ВЪ РАЗОУМЪ
л а҃
Блажені імъже сѫ.....тъ безаконеньѣ:- имъже прікръішѩ сѩ грѣсі:-

Бл҃женъ мѫжъ емоуже не въмѣнітъ г҃ь грѣха:.
Ніже естъ въ оустѣхъ его лъсті: :- :-

Ѣко оумлъчахъ обетъшашѩ въсѩ кості моѩ:. Зовѫште мі вьсь дьнь:-

Ѣко день і ношть отѩгътѣ на мѩ рѫка твоѣ:.
Възвратіхъ сѩ на страстъ егда воньзе мі трънъ:-

Безаконенъе мое познахъ:.
Ї грѣха моего не покроіхъ: :-
Рѣхъ
ісповѣмъ на мѩ безаконенъе мое г҃ю:.
І тъі оставілъ есі нечьсті сръдъца моего: :- -

За тѫ помолітъ сѩ тебѣ въсъ прѣподобъноі вь врѣмѩ подобъно:.
Ѡбаче въ потопѣ водъ многъ къ немоу не прібліжѩтъ сѩ:---

Тъі есі прібѣжіште мое отъ бі одръжѩштѩѩ мѩ:.
Радостъ моѣ избаві мѩ отъ бьшедъшііхъ мѩ:-

Въразоумлѭ тѩ і наставлѭ въ пѫтъ съ вь ньже поідеші:.
Оутвръждѫ на тѩ очі моі:.-

Не бѫдѣте ѣко конъ и мъскъ імъже нѣстъ разоума:.
Бръздамі и оуздоѭ челюсті іхъ въстѩгнеші:. Не прібліжаѭщімъ сѩ къ тебѣ:.

Многъі ранъі грѣшъноумоу
оупъваѭштаго же на г҃ѣ мілость обідетъ:-

Възвеселітъ сѩ г҃і
и радоуіте сѩ праведъніі:-
И хваліте сѩ въсѩ въсі праві сръдъцемъ:-

Ps 32

СЛАВА
СѢДЛНА
ПСАЛОМЪ ДВ҃Ъ
л в҃
Радоуіте сѩ праведъніі о г҃і
правъімъ побаетъ похвала:- :-

Їсповѣдате сѩ гю҃ въ гослехъ
Во псалътъірі десѩтьстроуньнѣ поіте емоу:-

Въспоіте емоу пѣснъ новѫ
добрѣ поіте емоу въскліцѣньемъ:-

Ѣко право слово гн҃е:. И въсѣ дѣла его въ вѣрѣ:

Любітъ містъінѫ и сѫдъ г҃ъ:.
Мілості гн҃ѩ исплънь земъѣ:

Словесемъ гн҃мъ нб҃са оутвръдішѩ сѩ:. И дх҃мъ оустъ его вьсѣ сіла ихъ:

Събіраѩі ѣко вь мѣхъ водъі моръск.ъіѩ:. Полагаѩ во съкровіштихъ безьнъі: :-

Да оубоітъ сѩ г҃ѣ вьсѣ землѣ:. Ѡть него же подвіжѩтъ сѩ жівѫштеі по оуселенѣі:-

Ѣко тъ рече і бъішѩ:.
Тъ повелѣ і созъдаше сѩ:-

Гь҃ разарѣетъ съвѣтъ ѩзъікъ:.
Ѡтъмѣтаетъ же мъіслі людеі:.
Отъмѣтаетъ же съвѣтъі кънѩѕъ:.

Съвѣтъ же гн҃ь вь вѣкъ прѣбъіваетъ:.
Мъіслі сръдьца его въ родъ і родъ: :- -

Блаженъ ѩз҃къ емоуже естъ г҃ь б҃ъ емоу:) Люди ѩже їзбьра въ достоѣние себѣ:-

Съ неб҃есе прізрѣ г҃ь:)
Видѣ вьсѩ сн҃ъі чл҃скъіѩ:- Съ готоваего жілишта своего:)

Прізрѣ на вьсѩ жівѫштѩѩ на землі:- Созъдавъі единъ сц҃а ихъ:- Разоумѣваѩи вьсѣ дѣла їхъ:-

Не сп҃етъ сѩ цр҃ь многѫ силѫ:-
И сполинъ не сп҃етъ сѩ множьствомь крѣпости своеѩ:-

Ложь конь во сп҃ение:)
Во множествіи же силъі своеѩ не сп҃асетъ сѩ:-

Се очі гн҃і на боѩщиіхъ сѩ его:) И на оупъваѭщѩѩ на милость его:- Їзбавити отъ съмрътіі дш҃ѩ іхъ:- И прѣпитѣти ѩ въ гладъ:-

Дш҃а же наша чаетъ г҃ѣ:)
Ѣко помощьникъ і защититель нашь есть:-

Ѣко о немь вьзвеселитъ сѩ сц҃е наше:-
Ї въ імѩ ст҃ое его оупьвахомь:-

Бѫди г҃і милость твоѣ на насъ:)
Ѣкоже і оупьвахомъ на тѩ:)

Ps 33

ПСАЛ҃ ДА҃ВЪ:
ЕГДА ЇЗМѢНИ ЛІЦЕ СВОЕ ПРѢДЪ АВИМЕЛЕХОМЪ:
л҃ г
Ї ОТЪПОУСТЇ И Ї ІДЕ:-

Бл҃щѫ г҃ѣ на вьсѣко врѣмѩ:)
Въінѫ хвала его въ оустѣхъ моіхъ:-

О гі҃ похвалитъ сѩ дш҃а моѣ:-
Да оуслъішѩтъ кротьци ї вьзвеселѩтъ сѩ:-

Вьзвеличите г҃ѣ со мноѭ:-
Ї вьзнесѣмъ їмѩ его въкоупѣ:-

Вьзискахъ г҃ѣ і оуслъіша мѩ:)
Ї отъ вьсѣхъ скръбеи моіхъ ізбавит мѩ:-

Прістѫпите кь немоу і просвѣтите сѩ:)
И лица ваша не постъідѩтъ сѩ:-

Нищеи сь возъва и г҃ь оуслъіша и:)
И отъ вьсѣхъ скрьбе...и его сп҃е и:-

Оплъчитъ сѩ англ҃ъ гн҃ь окръсть боѩщиіхъ сѩ его
Їзбавитъ ѩ:-

Въкоусите і видите ѣко благъ г҃ь :)
Блаженъ мѫжь їже оупъваетъ на нь:-

Оубоіте сѩ г҃ѣ вьси с҃тіи его:-
Ѣко нѣсть лишениѣ боѩщиїмь сѩ его:-
ДЇѢ:-

Богати обнищашѩ и възлакашѩ:)
А вьзискаѭщиі г҃ѣ не лишѩтъ сѩ вьсѣкого добра:-

Прідѣте чѩда
послоушаите мене:)
Страхоу гн҃ю наоучѫ въі:-

Къто есть чл҃къ хотѩі жївотоу:) Любѩ дьни видѣти добръі:- Оудръжі ѩз҃къ своі отъ зла:- И оустьнѣ своі не гл҃ати льсті:-

Оуклони сѩ отъ зъла і творі добро:)
Вьзищи мира і пожени і:-

Очі гн҃і на праведьнъіѩ:-
И оуші его въ молітвѫ іхъ:-

Лице же гн҃е на творѩщѩѩ злаа:-
Потрѣбитъ отъ землѩ памѩть іхъ:-

Возьвашѩ праведьници:
і г҃ь оуслъіша ѩ:) И ото вьсѣхъ печалеи їхъ їзбави ѩ:-

Блізь есть г҃ь съкроушенъііхъ сц҃емь:) И съмѣренъіѩ дх҃омь сп҃етъ---

Многъі скръби праведьнъіимъ:)
И ото вьсѣхъ іхъ їзбавитъ ѩ г҃ь:-

Съхранѣетъ г҃ь вьсѩ кости іхъ:)
Ни едина отъ нихъ не съкроушітъ сѩ:-

Съмрьть грѣшьнъііхъ люта Ї ненавидѩщиі праведьнаего прѣгрѣшѩтъ:-

Їзбавитъ г҃ь дш҃ѩ рабъ своіхъ:)
Ї не прѣгрѣшѩтъ вьси оупъваѭщеи на нь:-

Ps 34

л д҃
СЛАВ:
ПСАЛ: ДА҃ВЪ
Сѫди г҃і. обидѩщиімъ мѩ:-
Вьзбрани борѩштиїмъ сѩ со мьноѭ- -

Приіми орѫжіе і щитъ:-
И въстани въ помощь моѭ-- -

Исоуни орѫжие.
и завьри прѣдь гонѩштиїмь мѩ:-
Рьци дш҃і моеи
сп҃ение твое есмь азъ:)

Да постъідѩтъ сѩ ї посрамлѣѭтъ сѩ:- Їскѫштиі дш҃ѩ моеѩ-- -
Да вьзвратѩтъ сѩ вьспѩть ї постъідѩть сѩ мъіслѩщиї мьнѣ зълаа:-

Да бѫдѫть ѣко прахъ прѣдъ лицемь вѣтра:)
И анг҃лъ гн҃ь сътѫжаѩ їмъ:-

Бѫди пѫть іхъ тъма і плъзокъ И анг҃лъ гн҃ь поганѣѩ и-. -

Ѣко ашоуть съкръішѩ мнѣ пагоубѫ сѣти своеѩ:)
Въсоуе поносишѩ дш҃и моеи:-

Да прідетъ емоу сѣть еѩже не сьвѣстъ:) И лесть ѭже съкръі обьметъ і:)
И вь сѣть да въпадетъ вь нѭ:-

Дш҃а же моѣ въздрадоуеть сѩ о г҃і
Насладитъ сѩ о съпасени его:-

Вьсѩ кости моѩ рекѫтъ
г҃і гі҃ къто подобенъ тебѣ:)- Їзбавлѣѩ нища їз-д-рѫкъі прѣпьши..хъ его:- Ї нища і оубога отъ расхъіщаѭщиіхъ і .)- ):-

Въставъше на мѩ сьвѣдѣтеле неправедьниі:
Їхъ же не съвѣдѣахъ въпрашаахѫ мѩ:-

въздаахѫ ми зълаа въз добраа:) И бещѩдие дш҃и моеи:-

Азъ же вьнегда они огавие творѣахѫ ми:) Облачаахѫ сѩ въ врѣтище:) И сьмѣрѣахъ постомь дш҃ѫ моѭ-. -
И молитва моѣ вь нѣдра моѣ възвратитъ сѩ -. -

Ѣко іскрьнѭмоу. ѣко братоу нашемоу тако оугаждаахъ:-
Ѣко плача и сѣтоуѩ тако... съмѣрѣахъ сѩ -. -

И о мнѣ вьзвеселишѩ сѩ сѩ ї собърашѩ сѩ:)
Събьрашѩ сѩ на мѩ ранъі ї не чюхъ:-
Раздѣлишѩ сѩ. ї не оумилишѩ сѩ:)

Мѫчишѩ мѩ
подрѣжашѩ мѩ. подрѣжаниімъ:-
Скрьжъташѩ на мѩ зѫбъі своіми:)

Гї҃ когда оузьриші -. -
Оустрои дш҃ѫ моѭ отъ зълобъ-і-хь:) Отъ левъ їночѩдѫѭ моѭ:-

Їсповѣмъ сѩ тебѣ г҃і вь цр҃къве мноѕѣ:)
Вь людехъ тѩжьцѣхъ въсхвалѭ тѩ -. -

Да не порадоуѭтъ ми сѩ вражьдоуѭщиі на мѩ. бес правъдъі:) Ненавидѩщиі мене ашоуть:) Ї помиѕѣѭще очима:-

Ѣко мнѣ оубо миръно гл҃аахѫ -. -
И на гнѣвъ льсти помъішлаахѫ -. -

Раширишѩ на мѩ оуста своѣ:-
Рѣшѩ
благо же благо же видѣсте очи наші:-

Видѣлъ еси г҃і
не прѣмлъчи:-
Гі҃ не отъстѫпи оть мене:-

Въстані г҃і и вонъмї сѫдъ мої:
Бъ҃ мои ї г҃ъ мои на пърѭ моѭ------

Сѫдї мї г҃ї по правъдѣ твоеї: Гї҃ бж҃е мои
и да не порадоуѭтъ мї сѩ:---

Да не рекѫтъ въ сръдъцїхъ своихъ:
Благо же благо же дш҃и нашеї:
нї рекѫтъ
пожрѣхомо-и:-----

Да постъїдѩтъ сѩ и посрамлѣѭтъ сѩ въкоупѣ: Радоуѭштеї сѩ зъломъ моїмъ:--------
Да облѣгѫтъ сѩ въ стоудъ ї въ срамъ: Велърѣчю-....ѭштеї на мѩ:------

Да въздрадоуѭтъ сѩ и възвеселѩтъ сѩ хотѩщеи правъдѣ моеї----
Ї гл҃ѭтъ воїнѫ да възвелїчитъ сѩ гъ҃ хотѩштиї мїроу рабі его:

Ї ѩз҃къ мої пооучїтъ сѩ правъдѣ твоеї: въсъ денъ въ хвалѫ твѫѭ

Ps 35

л҃ е
Въ коцъ раба гн҃ѣ да҃да

Сѩтъ законопрѣстѫпънїкъ да съгрѣшаѭтъ въ себѣ:
Нѣстъ бо страха бж҃їѣ: прѣдъ очїма его:---

Ѣко волъсти: прѣдъ нїмъ: обрѣсти безаконние свое и възненавїдѣти:-------

Гл҃ї оусть его безаконнїе и лестъ:
Ї не ізволї разоумѣтї да оублажїтъ:------

Безаконнїе свое помъїслї на ложї свооемъ:
Ста на въсѣкомъ пѫтї не блаѕѣ:
О зълобѣ же не негодова:-----

Гї҃ на не҃бсї милостъ твоѣ:
Ї истина твоѣ до облакъ:---

Правъда твоѣ ѣко горъї бж҃иѩ:-
Сѫдъбъї твоѩ безденїе мъного:-----
Чк҃ъї и скотъї спе҃шї г҃ї:

Ѣко оумъножїлъ есї мїлости своеѩ бж҃е:
сн҃вї же чв҃стїи на кровъ крїлоу твоею надѣѭтъ сѩ:---

Оупиѭтъ сѩ отъ обїлїѣ домоу твоего:
Ї потокомъ пїштѩ твоеѩ напоишї ѩ:-------

Ѣко оу тебе естъ їсточьнїкъ жївота:
Въ свѣтѣ твоемъ оузърїмъ свѣтъ:-------

Пробаві мілостъ твоѭ вѣдѫщіімъ тѩ: И правъдѫ твоѭ правъіімъ сръдъцемъ:------

Да не прідетъ мънѣ нога грьдъіѩ: И рѫка грѣшъніча да не подвїжітъ мене:------

Тоу падѫтъ въсі творѩштеі безаконеніе:
въїрїновені бъїшѩ і не могѫтъ статі:----

Ps 36

л҃ ѕ
Слава
псал да҃въ | ---

Не ревъноуіте лѫкавьноуѭщиімъ:)
Ни завиди творѩщиїмъ безаконение:-

Зане ѣко трѣва ѩдро їсъшѫтъ:)
И ѣко зелие злака скоро отъпадѫтъ:-

Оупъваї на г҃ѣ ї твори благостъїнѭ:)
И насели землѭ
ї оупасеши сѩ въ богатьствѣ еѩ-

Наслади сѩ г҃ю:
ї дастъ ти прошение ср҃ца твоего:)

Ѡтъкръіи къ г҃ю пѫть твої) И оупъваі на нь
і тъ сътворитъ:-

Ї изведетъ ѣко свѣтъ правьдѫ твоѭ:) И сѫдъбѫ твоѭ. ѣко ї полоу дьни:-

Повини сѩ г҃ю ї оумоли ї:)
Не ревьноуї спѣѭщюем ѫтемь своїмь:- Чк҃оу творѩщюемоу законопрѣстѫпление:-

Прѣстани отъ гнѣва ї остави ѣрость:)
Не ревьноуї ѣко лѫкавьновати:-

Зане лѫкавьноуѭщиї потрѣбѩтъ сѩ:)
Тръпѩщіи же г҃ѣ ти обладаѭтъ землеѭ:-

Ї еще мало. ї не бѫдетъ грѣшьника:)
И вьзищещї мѣста его ї не обрѩщеши:-

Кротъциї же наслѣдѩтъ землѭ:)
И наслѣдѩтъ сѩ на множьсвѣ мира:-

Назираетъ грѣшьникъ праведьника:) Ї поскрежьщетъ на нь зѫбъі своїмі-

Гь҃ же посмѣетъ сѩ емоу:)
Зане прозьритъ. ѣко прідетъ день емоу:)

Орѫжие ізвлѣшѩ грѣшьниї:-
Налѩшѩ лѫкъ свої:- Състрѣлѣти нищаего ї оубогаего:) Заклати правъіѩ срц҃мь:-

Орѫжие їхъ вьнидетъ вь сц҃а їхъ:)
Ї лѫцї ихъ съкроушѩтъ сѩ:-

Лоуче малое праведьникоу:) Паче богатьства грѣшьнъіихъ мьнога:-

Ѣко мъішьцѩ грѣшьникъ съкроушѩтъ сѩ:)
Оутвръждаетъ же праведьнъіѩ г҃ь:-

Съвѣстъ г҃ь пѫть непорочьнъїхъ:)
И достоѣние їхъ вь вѣкъ бѫдетъ:-

Не постъїдѩтъ сѩ вь врѣмѩ люто:)
Ї вь день глада насъітѩтъ сѩ:-

Ѣко грѣшьници погъіблѭтъ:)
Враѕи же гн҃і коупьно прославити сѩ їмъ ї вьзнесті:)
Ищѣзаѭще ѣко дъімъ їщезѫ:-

Заемлетъ грѣшьникъ ї не вьзвратитъ:)
Праведьникъ же милоуетъ ї даетъ:-

Ѣко бл҃щиі его наслѣдѩтъ землѭ:)
Клънѫщеї же его потрѣбѩтъ сѩ:-

Отъ г҃ѣ стопъі чк҃оу їсправѩтъ сѩ:)
Ї пѫть его вьсхощетъ ѕѣло:-

Егда сѩ падетъ не порѫтитъ сѩ:-
Ѣко г҃ь подъемлетъ и рѫкѫ его:- подъ..метъ

Юнъ бъїхъ
їбо състарѣхъ сѩ:)
Ї не видѣхъ праведьника оставлена:) Ни сѣмени его просѩща хлѣба:-

Весь день милоуетъ. і заемъ даетъ праведьнъі:-
И сѣмѩ его вь бл҃ниі бѫдетъ:-

Оуклони сѩ отъ зъла і сътвори добро.
Ї живи вь вѣкъ въкоу:.

Ѣко гь҃ любитъ сѫдъ:) Ї не оставитъ прднъіхъ своіхъ:-
Вь вѣкъ съхранѩтъ сѩ:
безаконницици же въігънани бѫдѫтъ:-
И сѣмѩ нечьстівъіхъ потрѣбитъ сѩ:-

Праведьници же наслѣдѩтъ землѭ:
Ї вьселѩтъ сѩ вь вѣкъ вѣкоу на неї:-

Оуста праведьнаего пооучѩтъ сѩ прѣмѫдрості:-
Ї ѩзк҃ъ его вьзг҃летъ сѫдъ:-

Законъ б҃а емоу вь сц҃і его:)
И не запьнѫтъ сѩ стопъї его:-

Смотрѣетъ грѣшьникъ на праведьнаего:) Ї ищетъ оумрътвіти и

Гь҃ же не оставитъ его вь рѫкоу его:- Ни осѫдитъ его егда сѫдити сѩ емоу:-

Потръпи г҃ѣ.
ї съхрани пѫть его:-
И вьзнесетъ тѩ наслѣдити землѭ:-
Егда потрѣблѣѭтъ сѩ грѣшьници оузьриши:)

Видѣхъ нечьстиваего прѣвьзносѩща сѩ и въісѩща сѩ Ѣко кедръі ливаньскъіѩ:-

Ї мимоідъ ї се не бѣ:)
Ї вьзискахъ его ї не обрѣте сѩ мѣсто его:-

Храни незълобѫ і виждь правотъї:)
Ѣко ест-ъ-станокъ чк҃оу мирьноу:-

Законопрѣстѫпьници же потрѣбѩтъ сѩ вькоупѣ:)
Останьци же нечьстівъіхъ потрѣбѩтъ сѩ:-

Сп҃ение же праведьнъімъ отъ г҃ѣ:)
Ї защититель їмъ естъ вь врѣмѩ скрьби:-

Ї поможетъ їмъ г҃ь: ї избавитъ ѩ: Ї изъметъ ѩ отъ грѣшьникъ:-- Ї сп҃етъ ѩ
ѣкоже оупъвашѩ на нь:-

Ps 37

СЛАВА
СѢД
ПСАЛ ДА҃ВЪ
л҃ з
ВЬСПОМИНАНИЕ О СѪБОТѢ:-

Гі҃ не ѣростіѭ твоеѭ облічи мене:) Ни гнѣвомь твоїмь покажи мене:-

Ѣко стрѣлъі твоѩ оуньзѫ мнѣ:)
И оутвръдилъ еси на мьнѣ рѫкѫ твоѭ:-

Нѣстъ їстѣлениѣ плъти моеї отъ лица гнѣва твоего:)
Нстъ мира вь костехъ моїхъ:) Отъ лица грѣхъ моїхъ:-

Ѣко безакониѣ моѣ прѣвьзидѫ главѫ моѭ:)
Ѣко брѣмѧ тѩжько отеготѣшѩ на мѩ

Вьсмръдѣшѩ сѩ ї съгнішѩ ранъі моѩ:) Отъ лица безоумиѣ моего:-

Пострадахъ ї сълѩхъ сѩ до коньца:
Весь день сѣтоуѩ хождаахъ:-

Ѣко лѩдвіѩ моѩ наплънишѩ сѩ порѫганеи:)
И нѣстъ їстѣлениѣ плъти моеї:-

Озълобленъ бъіхъ і съмѣрихъ сѩ зѣло:)
Рикаахъ ото-въ-здъіханиѣ сц҃а моего:-

Гі҃ прѣдъ тобоѭ вьсе желание мое:)
И въздъіхание мое отъ тебе не оутаї сѩ:-

Срд҃це мое съмѩте сѩ
остави мѩ сіла моѣ...
Ї свѣтъ очию моею тъ нѣстъ съ мьноѭ

Дроуѕи моі ї бліжикъі моѩ прѣмо мнѣ пріближішѩ сѩ
сташѩ:
Ї бліжьни моі далече сташѩ:---

Ї нѫждаахѫ сѩ искѫщеі дш҃ѩ моеѩ... Ї искѫщеі зъла мнѣ...
Гла҃ахѫ соуетьнаа
и льстемъ въсь денъ пооучаахѫ сѩ:---

Азъ же ѣко глоухъ не слъішахъ:.
Ї ѣко нѣмъ не отвръзаѩ оустъ своіхъ:--

Ї бъіхъ ѣко чл҃вкъ не слъішѩи... Ї не імъі въ оустѣхъ своіхъ обліченьѣ:--

Ѣко на тѩ г҃і оупьвахъ:
Тъі оуслъїшиші г҃і бж҃е моі:--

Ѣко рѣхъ еда когъда порадоуѭтъ ми сѩ враѕи моі:.
Вънегда подвіжасте сѩ ноѕѣ мои на мѩ вельрѣчевшѩ:--

Ѣко азъ на ранъі готовъі:.
Ї болѣзнъ моѣ прѣдъ мноѭ естъ въинѫ:.-

Ѣко безаконье мо възвѣщѭ:.
И попекѫ сѩ о грѣсѣ моемъ:.-

Враѕи же моі живѫтъ і оукрѣпишѩ сѩ паче мне:
И оумножишѩ сѩ ненавідѩщеі мне бес правьдъі:--- Въздаѭщеі мнѣ зъла въз добраа:.

Облъігаахѫ мѩ зане гонѣахъ благостъінѭ:-

Не остави мне г҃і:
Бж҃е моі не отъстѫпи отъ мне:.
Вънъми въ помощъ моѭ г҃і сп҃ньѣ моего:

Ps 38

ВЪ КОНЦЪ ИДІТОУЖѢ ПѣСНЪ Д҃АД҃ОВ҃А:-

Рѣхъ
съхранѭ пѫті моѩ:. да не съгрѣшаѭ ѩзꙑкомъ моїмъ:.

Положихъ оусто моимъ хранило: Егда въстанетъ грѣшьникъ на мѩ:----

Онѣмѣхъ и съмѣрихъ сѩ і оумлъчахъ отъ благъ:.
Ї болѣзнъ моѣ обнови сѩ:---

Съгрѣ сѩ срд҃це мое въ мнѣ:-
Ї въ пооученьі моемъ раетъ сѩ огнъ:---
Гл҃ахъ ѩзꙑкомъ моимъ

Съкажи ми г҃і конъчинѫ моѭ:. И число дънеі моихъ кое естъ:. Да разоумѣѭ чесо лишѫ сѩ азъ:--

Се пѩдьѭ ізмѣренꙑ положілъ есі дні моѩ:.
Ї ѵпостасъ моѣ ѣко ничъже прѣдъ тобоѭ:---
Обаче въсоуе въсѣка соуета:
въсѣкъ чл҃вкъ живꙑї:- Їде оубо.образомъ

ходітъ чл҃вкъ:.
Обаче въсоуе мѫтитъ сѩ:---
диѣпсал
Съкрꙑваетъ і не вѣстъ комоу събираетъ:.

И нꙑнѣ къто тръпѣнъе мое
не г҃ъ лі:.
Ї ѵпостасъ моѣ оу тебе естъ:--

Ѡтъ въсѣхъ безаконнеі моіхъ избави мѩ:.
Поношенье безоумьноуемоу далъ мѩ есі:-

Онѣмѣхъ ї не отврѣсъ оустъ моіхъ ѣко тꙑ створи:

Ѡтꙑмі отъ мне ранꙑ твоѩ:.
Отъ крѣпості бо рѫкꙑ твоеѩ... азъ исконъчахъ сѩ:---

Въ обліченііхъ о безаконеньі показалъ есі чв҃ка:.
Ї истаилъ есі ѣко паѫчинѫ дш҃ѭ его:.
Обаче въсоуе въсѣкъ чл҃вкъ:.
диѣпсал:-

Оуслꙑші молітвѫ моѭ г҃і:
И моленье мое въоуші:
слезъ моіхъ не прѣмлъчі:
Ѣко прѣсельнікъ есмъ а оу тебе: І прішьлецъ ѣкоже і въсі оц҃і моі:.--

Ослаби мі да почіѭ: Прѣжде даже не отідѫ і къ томоу не л҃ ѳ бѫдѫ:-

Ps 39

ВЪ КОНЦЪ ПСАЛМЪ ДА҃ДО҃В҃Ъ

Тръпѩ потръпѣхъ г҃ѣ
и вьнѩтъ мі:
Ї оуслꙑша молітвѫ моѭ:--

Ї възведе мѩ отъ рова стрі:. Ї отъ бръньѣ тімѣна:-
Ї постави на камні ноѕѣ моі:.
Ї исправі стопꙑ моѩ:-

Ї въложи въ оуста моѣ пѣснъ новѫ: Пѣнъе б҃а нашего:-
Оузърѩтъ мноѕи і оубоѩтъ сѩ:
Ї оупъваѭтъ на г҃ѣ:-

Блаженъ мѫжъ емоуже естъ імѩ гн҃е оупъванъе его:--- Ї не прізьрѣ вь соуѣа.: І неистовленьѣ ложьнаа:.-

Многа еси створилъ тꙑ г҃і бж҃е мои чюдеса твоѣ:. Ї помꙑшленъемъ твоімъ
нѣстъ къто оуподобітъ ті сѩ:--
Възвѣстіхъ і гл҃ахъ
оумножишѩ паче числа:.

Жрътвꙑ ї пріношеньѣ не въсхотѣ:
Тѣло же съвръшілъ есі мнѣ:--
Въсесъжагаемꙑхъ о грѣсѣхъ не възиска:

Тъгда рѣхъ
се грѩдѫ:-
Въ съвитъцѣ кънінѣемъ пишетъ: о мнѣ

створиті волѭ твоѭ бж҃е моі не въсхотѣхъ:
Ї законъ твоі посрѣдѣ срд҃ца моего:--

Благовѣстіхъ правъдѫ твоѭ въ цр҃кві вецѣ:.
Се оустомъ мꙑмъ не възбранѭ г҃і
тꙑ разумѣ:-

Правъдꙑ твоеѩ не съкрꙑхъ въ срд҃ци моемъ:
Рѣснотѫ твоѭ и сп҃нье твое рѣхъ:-
Не потаіхъ милості твоеѩ И рѣснотꙑ твоеѩ отъ сонъма мьнога:---

Тꙑ же г҃і не оудалі щедротъ твоіхъ отъ мене:.
Милостъ твоѣ и рѣснота твоѣ вꙑнѫ застѫпісте мѩ:---

Ѣко одръжашѩ мѩ зълаа імъже нѣстъ числа:
Ѩсѩ мѩ безаконнъѣ моѣ и не възмогъ зърѣті:---
Оумножишѩ сѩ паче власъ главꙑ моеѩ:
ї срд҃це мое остави мѩ:---

Благоволі г҃і избавіті мѩ:.
Гі҃ на помощь моѭ прізъри:--

Да постꙑдѩтъ сѩ і посрамлѣѭтъ сѩ вькоупѣ:. Їскѫщеі дш҃ѩ моеѩ ізѩті ѭ.:--
Да възвратѩтъ сѩ въспѩтъ и постꙑдѩтъ сѩ.: Хотѩщеи мнѣ зъло:.--

Да пріімѫтъ абъе стоудъ своі: Гл҃ѫщеі мнѣ
благо же
благо же:.--

Да въздрадоуѭтъ сѩ и възвеселѩтъ сѩ:. Въси іскѫщеі тебѣ г҃і:-
Ї рекѫтъ вꙑинѫ възвелічитъ сѩ г҃ъ: Любѩщеі сп҃нье твое:-

Азъ же нищъ есмъ і оубогъ:
г҃ъ приѣетъ ми:
Помощънікъ моі и защітітелъ моі тꙑ есі бж҃е моі
не замѫди.:

Ps 40

м҃
СЛАВ:
ВЪ КОНЦЪ ПСАЛМЪ ДА҃Д҃ОВ҃Ъ:.-

Блаженъ разоумѣваѩ на ніща і на оубога:
Въ денъ лютъ избавітъ і г҃ь

Гь҃ съхранітъ і и живітъ і: Ї оублажітъ і на землі:
Ї не прѣдастъ его вь рѫцѣ врагомъ его:----

Гъ҃ поможетъ емоу на дрѣ болѣзні его:-
Въсе ложе его обратілъ естъ въ недѫгъ его:-

Азъ рѣхъ
г҃і помілоуі мѩ:. Ї исцѣли дш҃ѫ моѭ
ѣко съгрѣшіхъ тебѣ:-

Враѕі моі рѣшѩ зълаѣ мнѣ:.
Когда оумъретъ і погꙑбнетъ імѩ его:--

Ї въсхождаше відѣтъ
соуе гл҃аше:.
Срд҃це его собьра безаконенье себѣ:-
Ї исхождааше вонъ ї гл҃аше:.

Въкоупѣ на мѩ шьпътаахѫ вси враѕі моі:--
На мѩ помꙑшлѣахѫ зълаа мнѣ:.

Слово законопрѣпьно възложишѩ на мѩ:- Еда съпѩи не пріложітъ въскръснѫті:.

Їбо члв҃къ мира моего на нъже оупъвахъ:-- Ѣдꙑі хлѣбꙑ моѩ възвелічилъ есть на мѩ ковъ:-

Тꙑ же г҃і помилуі мѩ и въскрѣси мѩ і въздамъ імъ:--

О семъ познахъ ѣко не въсхотѣ мѩ⸪ Ѣко не въздрадоуетъ сѩ врагъ моі о мнѣ⸪

Мѩ же за незобѫ моѭ пріѩтъ:-
Ї оутвръділъ мѩ есі: прѣдъ тобѫѭ въ вѣкъ:-

Блг҃нъ г҃ъ б҃ъ їил҃въ отъ вѣка і до вѣка бѫдетъ бѫдетъ:

Ps 41

ВЪ КОНЦЪ РАЗОУМЪ СНО҃ВЪ КОРѢОВЪ ПСАЛМЪ.-
м҃ а

Імьже образомъ жѩдаетъ еленъ на источъникꙑ водьнꙑѩ: Тако желаетъ дш҃а моѣ къ тебѣ бж҃е:.

Въждѩда дш҃а моѣ къ б҃оу крѣпъкоуемоу и живѫщюемоу:
Къгда прідѫ и ѣвлѭ сѩ ліцю бж҃ью:-

Бꙑшѩ слъзꙑ моѩ мнѣ хлѣбъ денъ і нощь:. Егда гл҃аахѫ мнѣ на вьсѣкъ денъ
къде естъ б҃ъ твоі:--

Си помѩнѫхъ ї изліѣхъ на мѩ дш҃ѭ моѭ:
Ѣко проідѫ сквозѣ мѣсто крова дівъна домоу бж҃ъѣ:-- Въ гласѣ радованьѣ ї исповѣданьѣ: Шюма празъноуѭщаго:---

Въскѫѭ печалъна есі дш҃е моѣ:
И въскѫѭ съмѫщаеши мѩ:
Оупъваі б҃а
ѣко їсповѣмъ сѩ емоу:. Сп҃нъе лілю моему і б҃ъ моі:--

Въ мнѣ самомоу дш҃а моѣ съмѩте сѩ:.
Сего раді помѩнѫхъ тѩ отъ землѩ иорданъскꙑ и оръмоунъскꙑ отъ горꙑ малꙑ:-

Бездъна бездънѫ прізꙑваетъ въ гласъ хлѩбеі твоіхъ:
Въсѩ вꙑсотꙑ твоѩ и влънꙑ твоѩ по мнѣ прѣідѫ:--

Въ денъ заповѣстъ г҃ъ милостъ своѭ:.
Ї нощьѭ пѣснъ его отъ мне:-- Молітва б҃оу живота моего:.

Рекѫ б҃оу
застѫпьнікъ моі есі
почьто мѩ забꙑ:.
Въскѫѭ сѣтоуѩ хождѫ отъ печалі врага моего:.

Егда съкроушаахѫ сѩ кості моѩ поношаахѫ ми враѕи моі: Егда гл҃аахѫ мнѣ на въсѣкъ денъ
къде естъ б҃ъ твоі:-

Въскѫѭ печалъна есі дш҃е моѣ
и въскѫѭ съмѫщаеші мѩ
оупьваі на б҃а
ѣко исповѣмъ сѩ емоу: Сп҃нье ліцю моемоу и б҃ъ мої:-

Ps 42

м҃ в
БЕЗ НАПЪСАНЪѢ:-
Сѫді мі бж҃е и расѫді пьрѭ моѭ: Отъ ѩзꙑка не прѣдна
отъ чл҃вка не праведъна и лъстіва избаві мѩ:-

Ѣко тꙑ есі бж҃е крѣпостъ моѣ
Въскѫѭ отърінѫ мѩ
ї въскѫѭ сѣтоуѩ хождѭ: Егда сътѫжаетъ ми врагъ:---

Посъли свѣтъ твоі і рѣснотѫ твоѭ:
Та мѩ настависте і въвѣсте
и въвѣсте мѩ въ горѫ ст҃ѫѭ твоѭ и вь села твоѣ:----

Ї вънідѫ къ алтарю бж҃ю: Къ б҃оу велѩщюмоу юностъ моѭ
Їсповѣмъ сѩ тебѣ въ гѫслехъ бж҃е бж҃е моі:

Въскѫѭ пріскръбъна есі дш҃е моѣ
і въскѫѭ съмѫщаеші мѩ:--
Оупъваі на б҃а
ѣко ісповѣмъ сѩ емоу сп҃нье ліцю моемоу и б҃ъ моі:
слав:

Ps 43

ВЪ КОНЕЦЪ РАЗОУМЪ СН҃ОВЪ КОРѢОВЪ ПСАСЛМЪ:

м҃ г
Бж҃е оушіма наші оуслꙑшахомъ:
Оц҃і наші повѣдѣшѩ намъ:-- Дѣло еже съдѣла во дьні іхъ: во дъні пръвꙑѩ

Рѫка твоѣ ѩзꙑкꙑ потрѣби: и насаділъ ѩ есі:
Оузълоби люді
вꙑїглъна ѩ:-

Не орѫжьемъ бо своімъ наслѣдишѩ землѭ:
Ї мъишьца іхъ не сп҃е іхъ:
Нъ десніца твоѣ и мꙑшьца твоѣ просвѣщенье лица твоего: Ѣко благоизволи в ніхъ:-

Тꙑ есі самъ цр҃ъ мои и б҃ъ моі:. Заповѣдаѩ спн҃ьѣ иѣковлѣ:--

О тебѣ врагꙑ нашѩ избодемъ рогꙑ:
Ї о имені твоемъ оунічъжимъ въстаѭщѩѩ на нꙑ:-

Не на лѫкъ бо і моі оупьваѭ Ї орѫжье мое не сп҃тъ мне:-

Сп҃аслъ бо нꙑ есі отъ сътѫжаѭщиіхъ намъ:
Ї ненавидѩщѩѩ насъ пострѣбилъ есі:-

О бѕ҃ѣ похвалімъ сѩ вьсъ денъ:
І о имені твоемъ исповѣмъ сѩ въ вѣкъ:
диѣпсал:-

Нꙑнѣ же отъринѫ
посрами нꙑ:
Ї не изідеші бж҃е въ сілахь нашіхъ:---

Възвратілъ нꙑ есі въспѩтъ прі враѕѣхъ нашіхъ:
Ї ненавідѩщеі насъ расхꙑщаахѫ себѣ:-

Далъ нꙑ есі ѣко овъцѩ сънѣди:-
И въ ѩзꙑцѣхъ расѣалъ нꙑ есі:-

Продастъ люді своѩ бес цѣнꙑ:.
Ї не бѣ множъства во вьскліцаніихъ нашіхъ:-

Положилъ нꙑ есі поношень сѫсѣдомъ нашімъ:- Подрѣжанье і порѫганъе сѫщіимъ окръстъ насъ:---

Положилъ нꙑ есі въ прітъчѭ въ ѩзꙑцѣхъ: Покꙑванье главꙑ въ людехъ:-

Въсъ денъ срамъ моі прѣдъ мнѫѭ естъ:
Ї стоудъ ліца моего крꙑ мѩ:-- Ѡтъ гласа поносѩщаго и оклеветаваѭщаго: Отъ ліца вражиѣ изгонѩщаго:-

Си въсѣ прідѫ на нꙑ
и не забꙑхомъ тебе: Ї не прѣврѣдіхомъ въ завѣтѣ твоемъ:-

Ї не остѫпі въспѩтъ срд҃це наше:
Ї оуклонілъ есі стъѕѩ нашѩ отъ пѫті твоего:-

Ѣко съмѣрілъ нꙑ есі на мѣстѣ озълобленьѣ:
Ї прікрꙑ нꙑ сѣнъ съмрътьнаа:-

Аще забꙑхомъ імѩ б҃а нашего: Ї аще въздѣхомъ рѫкꙑ нашѩ къ б҃оу ждемоу:-- Не б҃ъ лі възіщетъ сіхъ:

Тъ бо извѣстъ таина срд҃ца:

Ѣко тебе ради оумръщваѣеми есмъ вьсь денъ:
Вьмѣнішѩ нꙑ ѣко овъцѩ на заколенье:-

Въстані
въскѫѭ съпіші г҃і
вьскръсні и не отърині до конца:-

Въ҃скѫѭ ліце твое отъвращаеші:.
Забꙑваеши ніщетѫ нашѫ и печаль наѭ:.--

Ѣко съмѣри сѩ въ пръсть дш҃а наша:
Прільпе земі ѫтроба наша:-

Въскръсні г҃і
помоѕи намъ:.
Ї избави нꙑ имені твоего ради:-

Ps 44

В КОНЦЬ О ИЗМѢНОУѬЩІХЪ СН҃ОВЪ КОРѢОВЪ:
ВЪ РАЗОУМЪ ПѢС О ВЪЗЛЮБЛЕНѢМЪ:-
м҃҃ д

Ѡтъригнѫ срд҃це мое слобво благо
гл҃ѭ азъ дѣла моѣ цр҃ві:
Ѩзꙑкъ мои тръстъ къніжъніка ѩдропішьца: Красънѣіша добротоѭ паче сн҃ъ чл҃вчъ:-

Излиѣ сѩ благодѣтъ оустънахъ твоіхъ:
Сего раді бл҃г тѩ б҃ъ въ вѣкъ:--

Прѣпоѣші сѩ ѫрѫжъемъ твоімъ по бедрѣ твоеі сільне:

красотоѭ твоеѭ і добротоѭ твоеѭ:- Ї налѩці и спѣі
цр҃ствоуи: Рѣснотꙑ раді и кротості и правъдъ:-
Ї наставітъ тѩ дівьно десніца твоѣ:.

Стрѣлꙑ твоѩ: изоштренꙑ силъне:.
Людье подъ тобоѭ падѫтъ въ ср҃дці врагъ цр҃ъ:--

Прѣстолъ твоі бж҃е въ вѣкъ вѣка:
Жезлъ правості жезлъ цр҃ъства твоего:-

Възлюбілъ есі правьдѫ и възненавідѣ безаконеніе:
сего раді помаза тѩ б҃ъ б҃ъ твои:. Олѣімъ радості паче причѩстънікъ твоіхъ:-

Змръна і стактъ і касиѣ: Отъ різъ твоіхъ: Ѡтъ варьи словенꙑхъ із ніхъже възвеселишѩ тѩ:--

Дъщери цр҃ъ въ чъсті твоеі:.
Прѣдъста цр҃ца о десноѭ тебе въ ризахъ позлащенахъ одѣна прѣкоущена:.---

Слꙑші дъщі и віждъ и пріклони оухо твое:
И забѫді люді твоѩ: і домъ оц҃а твоего:-

И въсхощетъ цр҃ъ добротѣ твоеі:
Ѣко тъ естъ г҃ъ б҃ъ твоі:
И поклоніші сѩ емоу:--

Ї дъщі тѵрова съ дарꙑ:
Лицю твоемоу помолѩтъ сѩ богаті людье:-

Въсѣ слава дъщери цр҃и вънѫтръѫдоу:
Трѣснꙑ златꙑ одѣна прѣкоущена:--

Приведѫтъ сѩ цр҃ю дѣвꙑ по неі:.
Ї искрънѩѩ еі пріведѫтъ сѩ по тебѣ:--

Пріведѫтъ сѩ въ веселье радості:
Пріведѫ сѩ вь цркъвъ цр҃ѭ:--

Въ оц҃ъ твоіхъ мѣсто бꙑшѩ снови твоі:
Поставіші ѩ кънѩѕѩ по вьсеі землі:-

Помѩнѫтъ імѩ твое во вьсѣкомъ родѣ и родѣ:-
Сего раді людье исповѣдѩтъ сѩ тебѣ въ вѣкъ і въ вѣкъ вѣка:.

Ps 45

ВЪ КОНЦЪ О СН҃ХЪ КОРѢОВѢХЪ О ТАІНЪІІХЪ ПСАЛМЪ:-
м҃ е

Бъ҃ намъ прібѣжіще і сіла: Помощънікъ въ скръбехъ обрѣтъшіхъ нꙑ ѕѣло:-

Сего раді не оубоімъ сѩ егда съмѫщаетъ сѩ землѣ: Ї прѣлагаѭтъ сѩ горꙑ въ ср҃дца моръскаа:---

Въшюмѣшѩ и съмѫтішѩ сѩ водъи іхъ:
Съмѩсѩ сѩ горꙑ крѣпостъѭ его:-

Рѣчъна оустръмленьѣ веселѩтъ града бж҃іѣ:
Ст҃илъ естъ село свое вꙑшьнеі:--

Бъ҃ посрѣдѣ его не подвіжитъ сѩ:.
Поможетъ емоу б҃ъ оутро за оутра:--

Съмѩсѩ сѩ ѩзꙑці ї оуклонішѩ сѩ цр҃ствиѣ:
Дастъ глась своі вꙑшьнеі и потрѩсе сѩ землѣ:--

Гъ҃ силъ съ нами:
Застѫпьнікъ нашъ б҃ъ їѣковлъ:--

Прідѣте и видіте дѣла бж҃ъѣ ѣже положі чюдеса земі:- Отъемлѩ брані до конець землѩ:

Лѫкъ съкроушітъ и съломітъ орѫжьѣ:
Ї щітꙑ съжежетъ огнемъ:--

Оупразніте сѩ и разоумѣите: Ѣко азъ есмъ б҃ъ:--
Възнесѫ сѩ въ ѩзꙑцѣхъ и възнесѫ сѩ на землі:--

Гъ҃ сілъ съ нами:
застѫпьнікъ нашъ б҃ъ їѣковлъ:
СЛАВ ѢДИНА

Ps 46

м҃ ѕ
ВЪ КОНЦЬ О СНО҃ХЪ КОРѢОВѢХЪ ПСАЛМЪ:-

Вьсі ѩзꙑці въсплещѣте рѫкама:
Въсклікнѣте б҃оу гласомъ радості:-

Ѣко г҃ъ вꙑшьнеі страшенъ:. Цр҃ь велеі по вьсеі землі:-

Покорі люди намъ: Ї ѩзꙑкꙑ подъ ногꙑ нашѩ:-

Їзбръра въ насъ достоѣнье сбѣ:. Добротѫ иѣковлѭ ѭже възлюби:.

Възіде б҃ъ во вьскликновеньі:
Гъ҃ въ гласѣ трѫбьнѣ:-

Поите б҃оу нашемоу
поіте:
Поіте цр҃ю нашемоу
поіте:-

Ѣко цр҃ъ велеі по вьсеі землі б҃ъ:.
Поіте разоумьно:---

Въцр҃и сѩ б҃ъ надъ вьсѣми ѩзꙑкꙑ:
Бъ҃ сѣдітъ на прѣстолѣ ст҃ѣмъ своемъ:-

Кънѩѕи людъсциі събърашѩ сѩ съ бм҃ъ авраамлемъ:
Ѣко бо҃у крѣпці землі:
ѕѣло възнѣсѩ сѩ:.

Ps 47

ПСАЛМЪ ПѢСНІ СН҃ОВЪ КОРѢОВЪ ВО-ВЪТОРѪѪ СОБОТѢ:-
м҃ з

Вельі г҃ъ и хваленъ ѕѣло: Въ градѣ б҃а нашего въ горѣ с҃тѣи его:---

Благокоренньмъ радованꙑмъ:. Въсеѩ землѩ: Горꙑ сионъскꙑ ребра сѣверова: Градъ цр҃ѣ велікааго:--

Бъ҃ въ варъхъ его знаемъ естъ:. егда застѫпаетъ и:---

Ѣко се цр҃і земни собьрашѩ сѩ:.
сънідѫ сѩ въкоупѣ:---

Ти відѣвъше тако дивішѩ сѩ:
Съмѩсѩ сѩ
подвижашѩ сѩ

трепетъ пріѩтъ ѩ:. Тоу болѣзнъ ѣко раждаѭщи:

Дх҃мъ боуръномъ съкроушітъ кораблѩ таръсисъскꙑѩ:--

Ѣкоже слꙑшахомъ тако і видѣхо въ градѣ г҃ѣ сілъ: въ градѣ б҃а нашего:
Бъ҃ основа і въ вѣкъ:
диѣпсал

Приѩсомъ бж҃е милостъ твоѭ:. Посрѣдѣ людеі твоіхъ:--

По імені твоемоу бж҃е тако и хвала твоѣ на конъціхъ землі:.
Правъдꙑ̈ ісплънъ десніца твоѣ:--

Да възвеселітъ сѩ гора сионьска:. И въздрадоуѭтъ сѩ дъщери їюдѣискꙑ:--- Сѫдобъ твоіхъ раді г҃і:

Обидѣте сиона и обьмѣте і:
Повѣдите въ стлъпѣхъ его:--

Положіте срд҃ца ваша въ силѫ его:
И раздѣліте домъ его:.

Ѣко да повѣстъ въ родѣ їномъ:
Ѣко съ естъ б҃ъ нашъ:
Бъ҃ нашъ въ вѣкъ ї вѣка:.
Тъ оупасетъ нꙑ въ вѣкъ:-

Ps 48

м҃ и
ВЪ КОНЦЪ СН҃ВЪ КОРѢОВЪ ПСАЛМЪ:-

Оуслъшіте сі въсі ѩзꙑці:.
Въушіте въсі жівѫщеі по въселенѣі::- Земъни же сн҃ві чл҃вчі въкоупѣ богатъ і оубогъ:--

Оуста моѣ възгл҃ѫтъ прѣмѫдрость: Ї пооученье срд҃ца моего разоумъ:-

Пріклонѫ въ прітъчѭ оухо мое:
Разгънѫ во пьсалътꙑри гананъе мое:---

Въскѫѭ боѭ сѩ въ денъ лютъ:
Безаконенъе пѩтꙑ моеѩ обидетъ мѩ:-

Надѣѭщеі сѩ сілѣ своеі: Ї множьствомъ богатьства своего хвалѩще сѩ:.-

Братръ не ізбавітъ
ізбавітъ лі чл҃вкъ:
Не дастъ б҃оу ізмѣнꙑ за сѩ: Ї цѣнꙑ ізбавленъѣ дш҃ѩ своеѩ:---

Ї оутвръді сѩ въ вѣкъ
живъ бѫдетъ до конъца:.

Не оузъритъ пагоубꙑ егда відитъ прѣмѫдроі оуміраѭщѩ:--
Въкоупѣ безоумънъ съ несъмꙑслънꙑмъ погꙑбнетъ:
Ї оставѩтъ тоуждіимъ богатьство свое:.--

Ї гробі іхъ і храмі іхъ въ вѣкъ:
Села іхъ вь родъ і родъ:-
Нарѣшѩ імена своѣ на земънꙑхъ:.

Ї чв҃къ въ чьсті сꙑ не рамѣ:
пріложи сѩ скотѣхъ несъмꙑслънꙑіхъ і уподобі сѩ имъ:.

Съ пѫтъ іхъ съблазнъ імъ:.
Ї по сіхъ оустѣхъ благоизволѩтъ:-

Ѣко овьцѩ въ адѣ положенꙑ сѫтъ:
Съмрътъ оупасетъ ѩ:
І оудоблѣѭтъ імъ правіі заоустра:.--
Ї помощъ іхъ обътъшаетъ вь адѣ:.
Отъ славꙑ своеѩ върінѫш сѩ:.

Обаче б҃ъ избавітъ дш҃ѫ моѭ из рѫкꙑ адовꙑ: егда пріемлетъ мѩ:

Не бои сѩ егда разбогатѣетъ чв҃къ: Ли егда оумъножітъ сѩ съ німъ слава домоу его:.--

Ижде оуміраѩі не оставітъ лі въсего: Ниже сънідетъ съ німъ слава домоу его:.-

Ѣко дш҃а его въ жівотѣ его бл҃агословествітът сѩ:.
Ї исповѣстъ ті сѩ егда благо ствріші емоу:.-

Вънідетъ до рода оц҃ъ своіхъ:
До вѣка не оузьритъ свѣта:--

Ї чл҃вкъ во-чьсті сꙑ не разоумѣ:.
Пріложі сѩ скотѣхъ несъмꙑслънъихъ ї оуподоби сѩ імъ:

Ps 49

СЛАВ
м҃ ѳ
ПСАЛОМЪ АСААФОВЪ:-
Бъ҃ бм҃ъ г҃ъ гл҃а: ї прізъва землѭ отъ въстокъ слънъца до западъ:.

Отъ сиона красата лѣпотꙑ его:--

Бъ҃ ѣвѣ прідетъ:.
Бъ҃ нашъ не прѣмлъчітъ:
Огнъ прѣдъ німъ възгоритъ сѩ:.
Ї окръстъ его боурѣ велъѣ:-

Призоветъ нб҃а съвꙑше: Ї землѭ расѫдіті люді своѩ:-

Съберѣт-е-моу прѣднꙑѩ его:. Завѣщаваѭщѩѩ завѣтъ его о жрътвахъ:-

Ї възвѣстѩтъ нб҃са правьдѫ его:
ѣко б҃ъ сѫді естъ:-

Слꙑшіте людье моі
възгл҃ѫ вамъ:
Їил҃ю съвѣдѣтелъствоуѭ тебѣ:
Ѣко б҃ъ б҃ъ твоі есмъ азъ:--

Не о жрътвахъ твоіхъ облічѭ тебе:.
Вьсесъжагаемаа же твоѣ прѣдъ мноѭ сѫтъ вꙑнѫ:-

Не пріімѫ отъ домоу твоего телецъ: Ні отъ стадъ твоіхъ козелъ-

Ѣко моі сѫтъ въсі звѣрі дѫбравъніі: Скоті въ горахъ волови:-

Познахъ въсѩ птицѩ нб҃снꙑѩ
и красота сельнаа съ мьноѭ естъ:-

Аще възлачѧ не повѣмъ тебѣ:
Моѣ бо естъ въселенаа ї исплъниье еѩ:-

Еда ѣмь мѩса юнъча: Ли кръвъ козьлѭ піѭ:--

Пожърі б҃оу жрътвѫ хвалѫ:
Ї въздаждъ вꙑшьнюмоу обѣтꙑ твоѩ:-

Ї призові мѩ въ денъ печалі твоеѩ:
Ї избавлѭ тѩ и прославиші мѩ:-

Грѣшънікоу рече б҃ъ:
вьскѫѫ тꙑ повѣдаші оправьданъѣ моѣ:.
Приемлеші завѣтъ моі оустꙑ̈ твоімї:.--

Тꙑ же възненавідѣ наказанье: Ї вꙑвръже словеса моѣ вьспѩтъ:-

Ѣще відѣаше татъ течааше съ німъ:
Ї съ прѣлюбодѣі оучѩстъе свое полагааше:--

Оуста твоѣ оумьножішѩ зълобѫ:
Ї ѩзꙑкъ твоі съплѣтааше лъщеньѣ:--

Сѣдѩ на братра своего клеветааше:
И на сн҃а мр҃е своеѩ полагааше сканъдѣлъ:--

Сі есі створілъ
омлъчаахъ:.
Вьзнепъштева безаконье:
Ѣко бѫдѫ тебѣ подобенъ:-
Облічѭ тѩ И поставлѭ прѣдъ ліцемъ твоімъ грѣхꙑ твоѩ:-

Разоумѣіте же сі забꙑваѭщеі б҃а: Еда когъда похꙑтитъ ї не бѫдетъ избавлѣѩи:-

Жрътва хвальнаа прославітъ мѩ: Ї тоу пѫтъ імъже ѣвлѭ емоу сп҃нъе мое::

Ps 50

ВЪ КОНЦЪ ПСАЛМЪ Д҃АД҃ОВ҃Ъ ВЪНГДА ПРІДЕ КЪ НЕМОУ НАТАНЪ ПР҃КЪ ЕГДА ВЬНІДЕ КЪ ВЕРЪСАВЕІ;

н҃

Помилоуі мѩ бж҃е по веліцѣі милості твоеі:
Ї по многꙑимъ щедротамъ твоімъ оцѣсті безаконньѣ моѣ:.-

Наїпаче омꙑі мѩ отъ безаконеньѣ моего:
Ї отъ грѣха моего очісті мѩ:-

Ѣко безаконнье мое азъ знаѭ:
Ї грѣхъ моі прѣдъ мноѭ естъ вꙑнѫ:--

Тебѣ едіномоу съгрѣшіхъ:
Ї зълое прѣдъ тобоѭ створихъ:-
Ѣко да оправьдіші сѩ въ словесе твоіхъ: Ї прѣпьріши вънегъда осѫдиті сѩ:.--

Се бо въ безаконеньі зачѩтъ есмъ:
Ї въ грѣсѣхъ роді мѩ маті моѣ:.-

Се бо рѣснотѫ възлюбилъ есі
безвѣстьнаа и таинаа прѣмѫдростъ твоѭ ѣвілъ ми есі:-

Окропіші мѩ ософомь
очищѫ сѩ:
Омꙑеші мѩ
паче снѣга оубѣлѭ сѩ:--

Слоухоу моемоу дасі радостъ и веселье:
Въздрадоуѭтъ сѩ кості съмѣренꙑѩ:-

Ѡтъвраті ліце твое отъ грѣхъ моіхъ:
Ї вьсѣ безаконньѣ моѣ оцѣсті:--

Ср҃дце чісто съзіжді въ мнѣ бж҃е:
Ї дх҃ъ правъ обнові въ ѫтробѣ моеі:--

Не отъвръѕі мене отъ ліцѣ твоего:
Ї дх҃а ст҃аго твоего не отꙑми отъ мне:--

Въздаждь ми радостъ сп҃нѣ твоего:
Ї дх҃мъ владꙑчънемъ: оутвръді мѩ:--

Наоучѭ безаконнꙑѩ пѫтемъ твоімъ:
Ї нечьстівії къ тебѣ обратѩтъ сѩ:-

Їзбави мѩ отъ кръві бж҃е бж҃е сп҃нѣ моего:
Въздрадоуетъ сѩ ѩзꙑкъ моі правъдѣ твоеі:-

Гі҃ оустънѣ моі отвръзеші:
Ї оуста моѣ възвѣстѩтъ хвалѫ твѫѭ:--

Ѣко аще бі вьсхотѣлъ жрътвѣ далъ бімъ оубо:
Вьсесъжагаемꙑ̈хъ же не благоволіші::-

Жрътва б҃оу дх҃ъ съкроушенъ:
Срдца съкроушена и съмѣрена б҃ъ не оучъжітъ:--

Оублажі г҃і благоволеньемъ твоімъ сиона:.
Ї да съзіждѫтъ сѩ стѣнꙑ: Їим҃ъскꙑ:-

Тогда благоволіші жрътвѫ правьдѫ: Възношеньѣ въсесъжагаемаа:-
Тогъда възложетъ на олтръ твои тельцѩ:.

Ps 51

СЛАВ ВЪ КОНЦЪ РАЗОУМОУ ДА҃ДО҃ВОУ ЕГДА ПРІДЕ. ДОІКЪ ДОУМѢАНЪ І ВЪЗВѢСТІ САОУЛОУ И РЕЧЕ ЕМОУ

ПРІДЕ Д҃АД҃Ъ ВЪ ДОМЪ АВИМЕЛЕХОВЪ:-
н҃ а

Чъто сѩ хваліші во-зълобо сильнꙑ:
Безаконнъе въсъ денъ неправьдѫ оумꙑслі ѩзꙑкъ твоі:.-

Ѣко брітва изоштрена сътворілъ есі лестъ:--

Възлюбілъ есі зълобѫ паче благостꙑнѩ: Неправъдѫ неже гл҃ті правьдѫ:-

Възлюбилъ есі въсѩ гл҃ꙑ потопьнꙑѩ: Ѩзꙑкꙑ льстивьі:--

Сего раді б҃ъ раздроушітъ тѩ до конъца:
Въстръгнетъ тѩ
и прѣселітъ тѩ отъ села твоего: И коренъ твоі отъ землѩ жівѫщихъ:
диѣпсал:-

Оузърѩтъ праведьніі ї оубоѩтъ сѩ:
Ї о немъ вьсмѣѭтъ сѩ и рекѫтъ:-

Се чв҃къ іже не положі б҃а помощъніка себѣ: Нъ оупъва на множьство богатъства своего: И вьзможе соуетоѭ своеѭ:

Азъ же ѣко масліна плодовіта въ домоу бж҃и оупъваѭ на мілостъ бж҃ѭ. въ вѣкъ і вѣкъ вѣка:-

Исповѣмъ ті сѩ въ вѣкъ ѣко створілъ есі:.
Ї тръплѫ імѩ твое ѣко благо прѣдъ прѣднꙑми твоими:

Ps 52

ВЪ КОНЕЦЪ О О МАЛЕТѣ РАЗОУМЪ Д҃АДО҃ВЪ:-
н҃ в

Рече безоуменъ въ ср҃дці своемъ
нѣстъ б҃а:
Растьлѣшѩ і омразішѩ сѩ въ безаконенꙑ
нѣстъ творѩи добра:-

Бъ҃ с б҃і прініче на сн҃ꙑ чл҃вчѩ Видѣті аще естъ разоумѣваѩ ілі вьзискаѩ б҃а:-

Въсі оуклонішѩ сѩ въкоупѣ
неключимі бꙑшѩ:
Нѣстъ творѩі добра
нѣстъ до едіного:---

Ни лі разоумѣѭтъ въсі дѣлаѭштеі безаконньѣ:
Сънѣдаѭщеі люді моѩ: въ хлѣба мѣсто б҃а не прізъвашѩ

Тоу боѣшѩ сѩ страха ідеже не бѣ страха:
Ѣко б҃ъ расꙑпа ості чл҃коуоугодънікоу:
Постꙑдѣшѩ сѩ ѣко б҃ъ оунічьжі ѩ

Къто дастъ отъ сіона сп҃нье їил҃во:
Егда възвратітъ б҃ъ плѣненье людеі своіхъ: въздрадоуетъ сѩ иѣко-въ-звеселітъ сѩ іи҃лъ:

Ps 53

ВЪ КОНЦЪ ВЪ ПѢНІХЪ РАЗОУМЪ Д҃АДО҃ВЪ: ВЪНГДА ПРІДѪ ЗЕФЕАНЕ І РѢШѨ САОУЛОУ.

НЕ СЕ ЛІ ДА҃ДЪ҃ КРЪІЕТЪ СѨ ВЬ НАСЪ:-

Бж҃е въ імѩ твое сп҃ мѩ:
И въ силѣ твоеі сѫди ми:-

Бж҃е оуслꙑші молітвѫ моѭ:
Въоуші гл҃ꙑ оустъ моіхъ:-

Ѣко тоужди въсташѩ на мѩ:.
И крѣпьци възіскашѩ дш҃ѩ моеѩ: Ї не пожішѩ б҃а прѣдъ собоѭ:
диѣпсал:-

Се бо б҃ъ помагаетъ мі:
Ї г҃ь застѫпьнікъ естъ дш҃і моеі:--

Възвраті зълаа врагомъ моімъ:
рѣснотоѭ твоеѭ потрѣбі ѩ:

волеѭ пожьрѭ тебѣ:--
Їсповѣмъ сѩ імені твоемоу г҃і
ѣко благо естъ:.

Ѣко отъ въсеѩ печалі избавілъ мѩ есі:.--
И на врагꙑ моѩ вьзьрѣ око мое:.-

Ps 54

Въ концъ въ пѣнꙑхъ разѹмъ
д҃авид҃ов҃ъ псалмъ:-

Въѹші бж҃е молітвѫ моѭ:.
Ї не прѣзърі моленъѣ моего:

Вонъмі ї ѹслꙑші мѩ:--
Въскръбѣхъ печальѭ моеѭ ї съмѩ сѩ: Ѡтъ гласа вражьѣ отъ сътѫжаньѣ грѣшьніча:--

Ѣко ѹклонішѩ на мѩ безаконнъе: Ї вь гнѣвѣ вражьдовахѫ мнѣ:--

Ср҃дце мое съмѩте сѩ во мнѣ:
И страхъ съмрътьнꙑі нападе на мѩ:--

Боѣзнъ і трепетъ пріде на мѩ:.
и покрꙑ мѩ тъма:--

И рѣхъ
къто дастъ мнѣ крілѣ ѣко голѫби:
и полещѭ и почіѭ:--

Се ѹдалихъ сѩ бѣгаѩ:
ї въдворихъ сѩ въ пѹстꙑні:
диѣпсал

Чаахъ б҃а сп҃аѭщаго мѩ:. Ѡтъ прѣнемаганьѣ дх҃а и бѹрѩ:-

Потопи г҃і і раздѣлі ѩзꙑ ихъ:.
Ѣко видѣхъ безаконенье і прѣрѣканъе въ градѣ:--

Денъ і нощъ обідетъ тѩ по стѣнамъ его:
Безаконнъе і трѹдъ посрѣдѣ его неправъда:-

И не оскѫдѣ отъ пѫті его ліхва и льстъ:

Ѣко аще мі би врагъ поносілъ прѣтръпѣлъ ѹбо бимъ:-
И аще бі ненавідѩі мне на мѩ велърѣчевалъ: Оукрꙑлъ сѩ бимъ ѹбо отъ него:--

Тꙑ же чв҃че равьнодш҃ьне: Вл҃ко моі знанъе мое -- Їже кѹпьно насаділъ мнѣ брашьна:

Въ храмѣ бж҃ы ходіховѣ іномъшленьемъ:-

Да прідетъ съмръть на нѩ
сънідѫтъ въ адъ живи:-
Ѣко зълоба въ жиліщіхъ іхъ посрѣдѣ їхъ:--

Азъ къ б҃ѹ возьвахъ і г҃ъ ѹслъша мѩ:

Вечеръ ї ютро и полѹ дъне повѣмъ:
Възвѣщѫ ѣко ѹслꙑша гласъ моі:-

Избавітъ міромъ дш҃ѫ моѭ:. Ѡтъ прібліжаѭщіихъ сѩ мнѣ:
Ѣко во мноѕѣхъ бѣахѫ съ мноѭ:--

Оуслꙑтъ б҃ъ и съмѣрітъ ѩ: сꙑ прѣжде вѣкъ:-
Нѣстъ бо імъ измѣненьѣ:
Ѣко и не ѹбоѣшѩ сѩ б҃а:---

Прострѣтъ рѫкѫ своѭ на въздание:.
Оскврънішѩ на земи завѣтъ его:--

Раздѣлішѩ сѩ отъ гнѣва ліца его:
Ї прібліжішѩ сѩ ср҃дца іхъ:.--
Оумѩкнѫшѩ словеса іхъ паче олѣа:
И та сѫтъ стрѣлꙑ:.

Вьзвръѕі на г҃ѣ печьль твоѭ и тъ тѩ прѣпитѣетъ:--
Не дастъ въ вѣкъ млъвꙑ праведьникѹ:.

тꙑ же бж҃е нізъведеши ѩ въ стѹденецъ истълѣньѣ:---
Мѫжи крьвꙑ ї льстіиві не прѣполовѩтъ дны своіхъ:-
Азъ же г҃і ѹпъваѭ на тѩ:
СЛАВ

Ps 55

ВЪ КОНЦЪ О ЛЮДЕХЪ ОУДАЛЕНЪІХЪ:
СѢД ОТЪ СТЪІХЪ ДА҃ДО҃ВИ ВЬ ТѢЛОПЬСАНЬѢ: ЕГДА ѨСѨ І ІНОПЛЕМЕНЬНІЦІ ВЪ ЕГЕПЬТѢ:--
н҃ е

Помилоуі мѩ бж҃е
ѣко попьра мѩ чл҃вкъ:
Весъ денъ борѩ сътѫжи мі:--

Попърашѩ мѩ враѕі мои весъ денъ:
ѣко мноѕі борѭщи сѩ съ мноѭ съвꙑше:.

Весъ день не оубоѭ сѩ
азъ же оупьваѭ на тѩ:---

О бѕ҃ѣ похвалѭ словеса моѣ:
На б҃а оупьваѭ
не оубоѭ сѩ
чьто створітъ мнѣ плотъ:.

Весъ денъ словеса моѣ мръзѣахѫ їмъ:.
На мѩ всѣ помꙑшленъѣ іхъ въ зъло:--

Вьселѩтъ сѩ и съкрꙑѭтъ:.
Ті пѩтѫ моѭ съхранѩтъ:--
Ѣкоже потръпѣшѩ дш҃ѫ моѭ:.
Ні о чесомъже сп҃еші ѩ:.

Гнѣвомъ люді нізбьеші ѩ:-

Бж҃е животъ моі исповѣдѣхъ тебѣ:
Положілъ есі слъзꙑ моѩ прѣдъ собоѭ: Ѣко вь обѣтовані твоемъ:---

Възвратѩтъ сѩ враѕі моі въспѩтъ. Вь нъже денъ прізовѫ тѩ:
Се познахъ ѣко б҃ъ моі есі тꙑ:---

О бѕ҃ѣ похвалѫ гл҃ъ:
О г҃і похвалѭ слово:

На б҃а оупьваѩ нне оубоѭ сѩ
чьто створітъ мнѣ чк҃ъ:---

Вь мнѣ сѫтъ бж҃е обѣті: Ѩже въздамъ хвалѣ твоеі

Ѣко ізбавілъ есі дш҃ѫ моѭ отъ съмръті: Очі моі отъ слезъ: И ноѕѣ моі отъ въспоплъзеньѣ:-
Оугождѫ прѣдъ гм҃ъ въ странѣ жівѫщіихъ:--

Ps 56

ВЪ КОНЦЪ
ІСТЪЛИ
Д҃АД҃ОВЪ ТѢЛОПАЬСАНЬЕ
ЕГДА БѢЖА ОТЪ ЛИЦА САОУЛОВА ВЪ ВРЪТОПЪ-
Н҃ Ѕ

Помилоуі мѩ бж҃е
помілоуі мѩ:
Ѣко на тѩ оупьва дш҃а моѣ:
И на сѣнъ крілоу твоею надѣѭ сѩ доіже прѣідетъ безаконенье:.--

Вьзовѫ къ б҃оу вꙑшьнюмоу:. Бо҃у благодѣавьшюмоу мнѣ:.
диѣпсал

Посъла с нб҃і и сп҃е мѩ:
дастъ поношенье попираѭщіимъ мѩ:-
Посъла б҃ъ милостъ своѭ и рѣснотѫ своѭ:

Ї избавилъ естъ дш҃ѭ моѭ:
Отъ срѣдꙑ скоуменъ посъпахъ съмѫщенъ:-
Сн҃ві чл҃чі зѫбі їхъ орѫжьѣ и стрѣлꙑ:
И ѩзꙑкъ іхъ мечъ остръ:-

Възнеси сѩ нб҃са бж҃е:
Ї по вьсеі землі слава твоѣ:--

Сѣть оуговашѩ ногама моіма:
И сълѩшѩ дш҃ѫ моѭ::.-
Ископашѩ прѣдъ лицемъ моімъ ѣмѫ:.
И вьпадѫ сѩ вь нѭ:--

Готово срд҃це мое бж҃е:.
Готово срд҃це мое:
Поѭ и вьспоѭ славѣ моеі:--

Въстані славо моѣ:
Въстані пьсалътꙑръ и гѫслі:-

Въстанѫ рано ї исповѣмъ сѩ тбѣ въ людехъ г҃і:
Въспоѭ тебѣ вь ѩзꙑцѣхъ:--

Ѣко възвелічи сѩ до нб҃съ мілостъ твоѣ:
И д-о-блакъ рѣснота твоѣ:-

Възнесі сѩ нб҃са бж҃е:
И по вьсеі земли слава твоѣ:-

Ps 57

ВЪ КОНЕЦЪ
НЕ ИСТЪЛІ
Д҃АДОВІ ВЪ КО ТѢЛОПСАНЪЕ:
н҃ з

Ѣще вь рѣснотѫ оубо право гл҃те
право сѫдіте сн҃ові чл҃вчі:-

Ибо въ ср҃дці безаконнъе дѣлаете на землі:
Неправьдѫ рѫкꙑ вашѩ съплѣтаѭтъ:-

Оутоуждені бꙑшѩ грѣшьніі отъ ложеснъ:
Заблѫдішѩ отъ чрѣва
глашѩ лъжѫ:-

Ѣростъ іхъ по образоу змииню: Ѣко аспидꙑ глоухꙑ затꙑкаѭщѩ оуші своі: Ѣже не оуслꙑшітъ гласа обаваѭщаго:-- Отъ прѣмѫдра обавьніка обаваема:.

Бъ҃ съкроушітъ зѫбꙑ їхъ: Въ оустѣхъ іхъ:
Чрѣновьнꙑѩ львовꙑ съкроушілъ естъ г҃ъ:---

Оунічьчьжѩтъ сѩ ѣко вода мимотекѫщіѣ:
Налѩчетъ лѫкъ свои доидеже изнемогѫтъ:--

Ѣко воскъ істаавъ ѡтꙑмѫтъ сѩ:
Паде огнъ на ніхъ і не видѣшѩ слънъца:-- Прѣжде даже не разоумѣѭтъ тръньѣ вашего рамѣна:

Ѣко жівꙑ ї ѣко въ гнѣвъ пожъретъ вꙑ:-

Възвеселітъ сѩ праведьнікъ егда видітъ местъ:
Рѫцѣ своі оумꙑетъ во кръві грѣшьніка:--

И речеть чл҃вкъ
аще оубо естъ плодъ праведъніка:. Естъ оубо б҃ъ сѫдѩ імъ на землі:

Ps 58

СЛАВА:-
ВЬ КОНЦЪ
НЕ ІСТЪЛІ Д҃АД҃ОВІ: ВЪ ТѢЛОПСАНЬЕ
ЕГДА ПОСЪЛА САОУЛЪ І СЪХРАНИ ДОМЪ ЕГО ОУБИТІ Ї:---
н҃ и

Їзъми мѩ отъ врагъ моіхъ бж҃е:
Ї отъ въстаѭщихъ на мѩ отъми мѩ:-

Избави мѩ отъ творѩщііхъ безаконенье:
И отъ мѫжь крьвъи сп҃і мѩ:--

Ѣко се оуловішѩ дш҃ѫ моѭ:
нападѫ на мѩ крѣпьци:--
Ни безаконенье же мое ні грѣхъ мои г҃і:

Без безаконеньѣ тѣхъ ї направіхъ:---
Въстані вь сърѣтенье мое:
ї віждь:

Ї тꙑ г҃і бж҃е сілъ бж҃е їил҃въ:- Вънъми посѣті въсѣхъ ѩзꙑкъ:
Не помилоуі въсѣхъ творѩщихъ безаконенъе:--

Възвратѩтъ сѩ на вьчеръ и възлачѫтъ ѣко песъ:.
Ї обидѫтъ гра:--

Се ті отъвѣщаѭтъ оустꙑ своімі:
Ї орѫжье вь оустьнахъ іхъ
ѣко къто слꙑша--

И тꙑ г҃і посмѣеші сѩ імъ:
оуничьжіші вьсѩ ѩзꙑкъи:.

дръжавѫ моѭ къ тебѣ съхранѭ:--
Ѣко тꙑ бж҃е застѫпьнікъ моі есі:

Бъ҃ моі милостъ его варітъ мѩ:-
Бъ҃ моі ѣвітъ мнѣ на враѕѣхъ моіхъ:

Не оуби-і-хъ егда когда забѫдѫтъ законъ твоі:--
Раждені ѩ сілоѭ твоеѭ.
Ї раздроуші ѩ защітьніче мои г҃і:---

Грѣхъ оустъ іхъ
слово оустенъ іхъ:
Ї ѩті бѫдѫтъ вь гръдꙑні своеі:---
Ї отъ клѩтвꙑ и лъжѩ възвѣстѩтъ сѩ въ конъчінѣ:.

Вь гнѣвѣ конъчінꙑ и не бѫдѫтъ:.-
Ї оувѣдѩтъ ѣко б҃ъ обладаетъ Їѣковомъ:. и конъци землѩ:-

Възвратѩтъ сѩ на вечеръ і възлачѫтъ ѣко пъсъ:
Ї обидѫтъ градъ:.

Ти разідѫтъ сѩ ѣстъ:
Аще ли же не насꙑтѩтъ сѩ ї поропъщѭтъ:--

Азъ же въспоѭ сілоѭ твоеѭ:
Ї въздрадоуѭтъ сѩ ютро о милосі твоеі:--
Ѣко бꙑстъ застѫпьнікъ моі:. Ї прібѣжіще мое вь денъ печалі моеѩ:

Помощънікъ моі есі
тебѣ въспоѭ:
Ѣко тъ бж҃е застѫпьнікъ моі есі::- Бж҃е моі милості моѣ:-

Ps 59

ВЬ КОНЦЬ
О ИЗМѢНОУѬЩІИ СѨ
ВЪ ТѢЛОПЬСАНЬЕ ДА҃ДО҃ВІ:

ВЪ ОУЧЕНЬЕ
ВЪНЕГДА ПОЖЕЖЕ МЕСОПТАМІѬ СОУРІИСКѪѪ И СОУРИѬ СОВАЛѬ: Ї ОБРАТИ СѨ ІОАВЪ І ИЗБІ ДЬБРЬ СОЛІШЬСКѪѪ: Ї҃В ТЪІСѪШТІ:-
н҃ ѳ

Бж҃е моі отърінѫлъ нꙑ есі:
И раздроушілъ нꙑ есі:
Разгнѣвалъ сѩ есі и помиловалъ нꙑ есі:-

Сътрѩсе землѭ і съмѩте ѭ:.
Ї исцѣлі съкроушенъѣ еѩ ѣко подвіжа сѩ:--

Аві людемъ своімъ жестокаа:.
Напоілъ нꙑ есі вина оумиленьѣ:--

Далъ есі боѩщіимъ сѩ тебе знаменье:. оубѣжаті отъ лица лѫка:---
диѣ:-

Да избавѩтъ сѩ възлюбленіі твоі:.
Сп҃е десніцеѭ твоеѭ твоеѭ и оуслꙑша мѩ:-

Бъ҃ възгла вь ст҃мъ своемъ:.
И вьздрадоуѭ сѩ и раздѣлѭ сікимѫ:
Ї ѫдоль селомъ размѣрѭ:---

Мои естъ галаадъ и моі естъ манасі:
Ї ефремъ крѣпость главꙑ моеѩ:---

Їюда цр҃ъ моі:
Моавь коньбъ оупьваньѣ моего:.—
На идоумѣѭ: простърѭ сапогъ мои:
Мнѣ іноплеменьніці покоришѩ сѩ:---

Къто ведетъ мѩ въ градъ остоѣньѣ Ли къто наставитъ мѩ до ідоумѣѩ:-

Не тꙑ лі бж҃е отъринѫвꙑ нꙑ:
Ї не ізідеші бж҃е вь сілахъ нашихъ:--

Даждъ намъ помощъ отъ печали:.
Ї соуетьно спн҃ье члв҃чско:-

О бѕ҃ѣ створімъ сілѫ:.
Ї тъ оуничьжітъ сътѫжаѭщѩѩ намъ:

Ps 60

ѯ҃.
ВЪ КОНЦЬ О ПѢНЪІХЪ Д҃АДОВІ:

Оуслъші бж҃е молітвѫ моѭ:

Вьнъмі моленье мое:
Отъ конець землѩ къ тебѣ возъвахъ:-
Егда оунꙑ срд҃це мое на каменъ възнесе мѩ:.-

Наставилъ мѩ есі:
ѣко бꙑстъ оупьванье мое:.
Стлъпъ крѣпості отъ ліца вражьѣ:---

Въселѭ сѩ вь селѣ твоемъ въ вѣкꙑ:
Покрꙑѭ сѩ кровомъ крілоу твоею:---
диѣ

Ѣко тꙑ бж҃е оуслꙑша молітвꙑ моѩ:.
Далъ есі достоѣніе боѩщимъ сѩ імени твоего:-

Денъ на день цр҃ю пріложіши лѣта емоу: до дьне рода и рода:-

Прѣбꙑваетъ въ вѣкъ прѣдъ бм҃ъ:
Милості і рѣснотꙑ его: къто вьзіщетъ:.-

Тако вьспоѭ імені твоемоу въ вѣкꙑ: Вьздаѩ молітвꙑ моѩ дне дне:

Ps 61

СЛАВ:-
ѯ҃ а
ВЪ КОНЦЬ ІДИТОМЪВІ ПСАЛМЪ ДАД҃ВЪ:-

Не б҃оу лі повінетъ сѩ дш҃а моѣ:
отъ того бо спн҃ье мое:

Їбо тъ б҃ъ моі cп҃лъ моі: застѫпьнікъ моі
не подвижѫ сѩ паче:.-

Доколѣ належіте на члв҃ка
оубьѣете въсі вꙑ:- Ѣко на стѣнѫ прѣклоненѫ и плотъ вьздріновенъ:

Обаче цѣнѫ моѭ съвѣщашѩ отърінѫті
тѣшѩ въ жѩждѫ:---
Оустꙑ своіми блщахѫ і:
диѣ
И ср҃дцемъ своімъ кльнѣхѫ сѩ:-

Обаче б҃оу повіні сѩ дш҃е моѣ:
Ѣко отъ того тръпѣнье мое:-

Ибо тъ б҃ъ моі сп҃лъ моі: Застѫпьнікъ моі
не прѣселѭ сѩ:-

О бѕ҃ѣ сп҃нье мое и слава моѣ:
Бъ҃ моі помощь моѣ
і оупьванье мое на б҃а:---

Надѣіте сѩ нъ вьсъ сънемъ людьі:
Їзліите прѣдь німъ ср҃дца ваша:
Ѣко б҃ъ застѫпьнікъ нашь естъ:
диѣ:

Обаче соуетъні сн҃ве члв҃чи
лъживі сн҃ві члвчі:
Въ мѣрилѣхъ не оправьдиті:-

Ті отъ соуетꙑ въкоупѣ не оупьваіте на неправъдѫ:
И на въсхꙑщенъе не желаіте:
Богатъство аще мимотѣкаетъ не прілагаіте ср҃дца:-

Единоѫ гл҃а б҃ъ
дъвое сі слꙑшахъ:

Ѣко дръжава бж҃ьѣ и твоѣ г҃і милостъ:
Ѣко тꙑ въздасі комоужьдо по дѣломъ его:-

Ps 62

ПСАЛМЪ Д҃АД҃ОВЪ:
ВЬНЕГДА БѢ ВЪ ПОУСТЪІНІ ІД҃ОУМѢИСЦѢІ:-
ѯ в҃

Бж҃е бж҃е моі къ тебѣ оутръѭѫ
въждѩда на тѩ дш҃а моѣ:.-
Коль. множіцеѭ тебѣ плоть моѣ: Вь землі поустѣ ї непрѣходьнѣ ї безводьнѣ:---

Тѣко вь ст҃ѣмъ ѣвіхъ сѩ тебѣ: Видѣті сілѫ твоѭ и славѫ твоѭ:-

Ѣко лоучьші милостъ твоѣ паче жівота: Оустьнѣ мо похваліте тѩ:-

Тако бл҃щ тѩ: вь животѣ моемъ:
Ї о имені твоемъ въздеждѫ рѫцѣ моі:-

Ѣко тоука и масті исплъні сѩ дш҃а моѣ:
Ї оустьнѣ радості
въсхвалѩтъ тѩ оуста моѣ:--

Ѣще помьнѣхъ тѩ на постелі моеі:
На оутрънѣіхъ пооучаахъ сѩ въ тѩ:---

Ѣко бꙑстъ помощъникъ моі:.
Ї въ кровѣ крилоу твоею въздрадоуѭ:---

Прільпе дш҃а моѣ по тебѣ:
Мѩ же пріѩтъ десні твоѣ:.-

Ті же въсоуе іскашѩ дш҃ѩ моеѩ: Да вънідѫтъ вь прѣисподьнѩѩ землі:---

Прѣдадѩтъ сѩ вь рѫцѣ орѫжью:
чѩсті лісомъ бѫдѫтъ:.-

Цр҃ъ же вьзвеселітъ сѩ о бѕ҃ѣ
похвалітъ сѩ вьсѣкъ клънꙑї сѩ імъ:.-
Ѣко заѩсѩ сѩ оуста гл҃ѭщимъ неправъдѫ:

Ps 63

ВЪ КОНЦЬ
ПСАЛМЪ ДА҃ДВЪ
ѯ г҃

Оуслꙑші бж҃е гласъ моі: егда молѭ сѩ къ тебѣ:
Отъ страха вражіѣ ізъмі дш҃ѫ моѭ:-

Покрꙑи мѩ отъ сонъма зълобивꙑхъ: Ї отъ множьства дѣлаѭщіихъ неправьдѫ:- Їже изострішѩ ѣко орѫжье ѩзꙑкꙑ своѩ:

Налѩшѩ лѫкъ своі: И вещь горькѫ Състрѣлѣті вь таинꙑхъ непорочьна:.

Вьнезаапѫ състрѣлѣѭтъ и не оубоѩтъ сѩ:-

Оутвръдишѩ себѣ слово лѫкавьно:
повѣдѣшѩ съкрꙑ сѣті:
Рѣшѩ
къто оузьрітъ ѩ

Испꙑташѩ безаконенье:
Їщезѫ испꙑтаѭщеі: Испꙑтаньѣ:--
Пристѫпитъ чл҃вкъ.
и срд҃це глѫбоко:

И възнесетъ сѩ бъ҃:-
Стрѣлꙑ младьнець бꙑшѩ ѣзвꙑ ихъ:

Їзнемогѫ вь ніхъ ѩзꙑці ихъ:.-
Съмѩсѩ сѩ вьсі відѩщеі ѩ:

Ї оубоѣ сѩ вьсѣкъ чл҃къ:-
Ї възвѣстішѩ дѣла бж҃ьѣ:
Ї тварь сего разоумѣшѩ:--

Възвеселітъ сѩ правьдьнікъ о г҃і:
Ї оупъваетъ на нь:-
Ї похвалѩтъ сѩ вьсі праві срд҃цемъ:-

Ps 64

СЛАВ
СѢД
ВЪ КОНЦЪ
ПСАЛМЪ ДА҃ДО҃ВЪ
ПѢСНЪ ІЕРЕМІѨ:
ЇЗЕКИЮ ЛЮДЕМЪ ПРѢСЕЛЕНЬЕ ЕГДА ХОТѢАХѪ ІЗИТІ:-
ѯ д҃

Тебѣ подобаетъ пѣснъ бж҃е въ сионѣ:
Ї тебѣ въздастъ сѩ обѣтъ вь еїи҃мѣ:.:--

Оуслꙑші молітвѫ моѭ:
Въ тебѣ вьсѣ плоть прідетъ:-

Словеса безакьнъникъ прѣмогѫ нꙑ:
И нечьсті нашѩ тꙑ оцѣстіші:-

Блаженъ егоже избръра и пріѩтъ:
Въселитъ сѩ вь дворѣхъ твоіхъ:--
Їсплънімъ сѩ благꙑхъ домоу твоего:

Ст҃а цр҃кꙑ твоѣ дівьна правьдѫѭ:-
Оуслꙑши нꙑ бж҃е сп҃лю нашъ: Оупъванье вьсѣхъ кьнецъ землѩ И сѫщіихъ вь морі далече:-- Готоваѩ горꙑ крѣпостъѭ своеѭ: прѣпоѣсанꙑ сілоѭ:- Съмѫщаѩ глѫбинѫ морьскѫѫ:. Шюмоу влънъ его:

къто протівѫ станетъ:--

Възмѩтѫтъ сѩ ѩзꙑці:
И оубоѩтъ сѩ живѫщеі въ коньціхъ: Отъ знаменеі твоіхъ:-
Исходъ оутроу и вечероу оукрасіши:

Посѣтілъ есі землѩ и оупои ѭ
оумножілъ есі обогатіті ѭ:---
Рѣка бж҃ьѣ наплъні сѩ водъ:
Оуготова пищю імъ:.
Ѣко тако естъ оуготованье твое:--

Браздꙑ еѩ напои
оумьно-жи-та еѩ: Въ каплѣхъ еѩ:
възвеселитъ сѩ въсьѣѭщі:.--

Бла҃гсіші вѣньць лѣтоу благсісті твоеѩ:
Ї полѣ твоѣ насꙑтѩтъ сѩ тоука:--

Разботѣѭтъ красънаа поустꙑнѩ:
Ї радостіѭ хлъмі прѣпоѣшѭтъ сѩ:-

Облѣшѩ сѩ овьні овьчи:
Ї ѫдольѣ оумьножѩтъ пъшеніцѫ
Възѫвѫтъ
ібо вьспоѭтъ:-

Ps 65

ѯ е҃
ВЬ КОНЦЪ
ПСАЛМЪ ПѢСНІ О ВЪСКРѢШЕНІІ Д҃АД҃ОВЪ: БЕЗІМЕННЪ

Въсклікнѣте гв҃і вьсѩ землѩ:
Поіте же їмѩні его его
дадите славѫ: и хвалѫ емоу:

Рьцѣте б҃оу
колъ страшьна дѣла твоѣ:
Въ мъножьствіи сілꙑ твоеѩ: Сълъжѭтъ тебѣ враѕі твоі:---

Въсѣ землѣ да поклоні-т-і сѩ і поетъ тебѣ:
Да поѭтъ же їмені твоемоу вꙑшьнеі:
диѣ-:псал:

Прідѣте и відіте дѣла бж҃ьѣ:
Коль страшенъ паче сн҃ъ чл҃чъ Обращаѩи море вь соушѫ:

Въ рѣцѣ проідѫтъ ногами:---
Тоу възвеселимъ сѩ о ньмъ обладаѭщіимъ силоѭ своеѫ въ вѣкꙑ:-

Очи его на ѩзꙑкꙑ призираете:.
Прогнѣваѫщеи да възнесѩтъ сѩ въ себѣ:-
диѣ-

Блг҃сіте ѩзꙑци б҃а нашего:. Ї слꙑшанъ сътворите гласъ хвалꙑ его:- Положьшаего дш҃ѫ моѭ вь животъ: и не давьшаго во съмѩтенье ногоу моею:---

Ѣко искоусілъ нꙑ есі бж҃е:
Раждеже нꙑ ѣкоже раждіѕаетъ сѩ съребро:--

Въведе нꙑ вь сѣтъ:
Положілъ есі: Скръбъ на хрьбътѣ нашемъ:.---

Възведе чл҃кꙑ на главꙑ нашѩ:
Проидомъ сквозѣ огнъ і водѫ:
Ї изведе нꙑ вь покоі:---

Вьнідѫ въ домъ твоі:. съ вьсесъжагаемꙑимі:
Въздамъ тебѣ обѣтꙑ моѩ: Ѩже издрѣсте оустьнѣ мо:.

Ї гл҃ашѩ оуста моѣ въ печалі моеї:-

Вьсесъжагаемꙑѩ можданꙑ ї възнесѫ тебѣ съ каділомъ овьнꙑ:
Възнесѫ тебѣ волꙑ и козълꙑ:-
диѣ

Прідѣте
оуслꙑшіте і повѣмъ вамъ:. Вьсі боѩщіи сѩ б҃а: елико створі дш҃і моеи:--

Къ немоу оустꙑ моіми возъвахъ:-
Ї възнѣсъ подъ ѩзꙑко-м-оимъ:-

Неправьдѫ аще позърѣахъ въ срд҃ці моемъ: Не оуслꙑші мене г҃і:--

Сего раді оуслꙑша мѩ б҃ъ:
Вънѩтъ гласъ молітвꙑ моеѩ:--

Бл҃агснъ б҃ъ їже не оставітъ молитвꙑ моеѩ: И милості своеѩ отъ мне:

Ps 66

ВЬ КОНЦЬ
ПѢСНІ ВЪ ПѢНЬІХЪ
ПСАЛМЪ БЕЗ НАПСАНЬѢ:-
ѯ ѕ҃

Бж҃е оущедрі нꙑ.
ї бл҃агс нꙑ
просвѣті ліце твое на нꙑ:
и помилоуі нꙑ:-
диѣпсал:

Да познаемъ на земі пѫть твои:. Въ вьсѣхъ ѩзꙑцѣхъ сп҃нье твое:-

Їсповѣдѩтъ сѩ тебѣ людье бж҃е:.
Исповѣдѩтъ сѩ тебѣ людье вьси:.-

Възвеселѩтъ сѩ и вьздрадоуѭтъ сѩ ѩзꙑці:
Ѣко сѫдиші людемъ въ правость
диѣпсал
Ї ѩзꙑкꙑ на земі наставиши:
псал

Исповѣдѩтъ сѩ тебѣ людье бж҃е:
Їсповѣдѩтъ сѩ тебѣ людье вьсі:

Землѣ дастъ плодъ свои
бл҃агс нꙑ бж҃е:-

Бж҃е нашъ бл҃агс нꙑ бж҃е
и оубоѩтъ сѩ тебе вьсі коньці землѩ

Ps 67

СЛАВ
ѯ з҃
ВЬ КОНЦЬ
ПѢСНІ
ПСАЛМЪ ДАДОВЪ:-

Въскръснетъ б҃ъ и разидѫтъ сѩ враѕи его
и бѣжѩтъ отъ ліца его въси ненавідѩщеі его:--

Ѣкоже іщазаетъ дꙑмъ. тако ищезнѫтъ:
Ѣко таетъ воскъ отъ ліцѣ огнѣ:--- Тако погꙑбнѫтъ грѣшъніці отъ лица бж҃ьѣ:
И праведъніці възвеселѩтъ сѩ:
диѣпсал:-

Ї вьздрадоуѭтъ сѩ прѣдъ бм҃ъ:.
Ї насладѩтъ сѩ вь весельі его:-

Поіте б҃оу
вьспоіте имні его:
Пѫть створите вьшедъшюмоу на западъ:-
Гь҃ імѩ емоу
радоуите сѩ прѣдъ нимъ:.

Съмѩтѫтъ сѩ отъ ліца его:. Оц҃а сіръихъ: и сѫдьѩ вьдовиць:-
Бъ҃ вь мѣстѣ ст҃ѣмъ своемъ:

Бъ҃ вьсѣлѣетъ иномꙑслънꙑѩ вь домъ: Їзводѩ окованꙑѩ мѫжьсствомъ: Тако прогнѣваѭщѩѩ живѫщѩѩ въ гробѣхъ:-

Бъ҃ егда исхождаше прѣдъ людъми своіми землѣ егда мимохождаше вь поустꙑні: Землѣ потрѩсе сѩ

ибо нб҃са канѫшѩ:.-- Отъ лица б҃а сінаина:. отъ ліца б҃а їил҃ева:.
диѣпсал

Дьждъ воленъ отълѫчиші бж҃е достоѣнью твоемоу:
Ї изнеможе
тꙑ же ѭ съвръші:-

Животънаа твоѣ животъ на неї:-
оуготова благстіѭ своеѭ нищюмоу б҃ъ:-

Гь҃ дастъ гл҃ъ благовѣстьствоуѭщіимъ силоѭ многоѭ:

Цр҃ъ силъ вьзлюбленаго лѣпотѣ:.
Домоу раздѣліті корістъ:--

Ѣще посъпите мюждю прѣдѣлꙑ:
крілѣ голѫби посъребренѣ: ї: і междюрамье его вь льщаніі златѣ:
диѣпсал

Егда разнъствітъ нб҃снꙑи цр҃ъ на неі: Оснѣжѩтъ сѩ вь соломоунѣ:.-

Гора бж҃ьѣ гора тоучьна: гора оусꙑрена: гора тоучьна:.--

Въскѫѭ непьщюете горѫ оусꙑренѫ:
Гора ѭже благоволі б҃ъ жіті вь неі:
Ибо г҃ь вьселитъ сѩ до коньца:-

Колесніца бж҃ьѣ тъмами тьмꙑ: тꙑсѫщѩ гобьзоуѭщихъ:
Гь҃ въ ніхъ вь сінѣ въ ст҃ѣи:.-

Възіде на вꙑсотѫ
плѣнілъ есі плѣнъ:.
Пріѩтъ даанъѣ въ чл҃вцѣхъ:
Їбо протівѩщѩѩ сѩ вьсе-....................

Ps 68

СЛАВА
ПЬСАЛМЬ И҃҃
ВЪ КОНЕЦЬ
О ІЗМѢНЬШІХЪ СѨ ДА҃ДОУ
ѯ и҃

Сп҃сі мѩ бж҃е
ѣко вьнідѫ водꙑ до дш҃ѫ моеѩ.-

Оуглебъ въ тімѣни глѫбінꙑ.-
ї нѣстъ постоѣньѣ.-
Прідъ въ глѫбінꙑ морьскꙑѩ і боурѣ потопі мѩ.-

Оутроуд.хъ сѩ вопіѩ
ізмлъче грътань моі.-
Їштезете очі моі оупьваѭштю мі на б҃а моего.-

Оумъножішѩ сѩ паче власъ главꙑ моеѩ ненавідѩштеі мене спꙑті.-
Оукрѣпішѩ сѩ враѕі моі їззгонѩштеі мѩ бес правъдꙑ.-
їжехъ не въсхꙑштаахъ тогда въздахъ.-

Бж҃е тꙑ оувѣдѣ безоумье мое.-
Ї прѣгрѣшеніѣ моѣ отъ тебе не оутаішѩ сѩ.-

Да не постꙑдѩтъ сѩ о мьнѣ тръпѩштеі тѩ г҃і г҃і сілъ.-
Ні посрамлѣѭтъ же сѩ о мьнѣ іскѫштеі тебе бж҃е їил҃въ.-

Ѣко тебе раді пріѩсъ поношеніе.-
покрꙑ срамота лице мое.-

Тоуждь бꙑхъ братрі моеі.- ї страненъ с҃номъ матері моеѩ.-

Ѣко жалость домоу твоего сънѣстъ мѩ.-
ї поношеніѣ поносѩштеіхъ тебѣ нападѫ на мѩ.- .-

Ї прікрꙑхъ постомь дш҃ѫ моѭ.-
Ї бꙑстъ въ поношеніе мьнѣ.-

Ї положіхъ одѣнье мое въ врѣште.-
ї бꙑхъ імъ въ прітъчѫ.-

Ѡ мьнѣ глоумлѣхо сѩ сѣдѩштеі въ вратѣхъ.-
ї о мьнѣ поѣхѫ пьѭште вино.-

Азъ же молітвоѭ моеѭ къ тебѣ г҃і.- въ врѣмѩ благоволеніѣ бж҃е.-
Въ мъножьствѣ мілості твоеѩ.- оуслꙑші мѩ въ рѣснотѣ сп҃а твоего.-

сп҃і мѩ отъ бреніѣ да не оуглъбѭ.-
Їзбаві отъ ненавідѩштіхъ мѩ.- ї отъ глѫбокꙑхъ водъ.-

Да не потопітъ мене боурѣ водьнаѣ.- ні пожъретъ мене глѫбіна.- ні съведетъ о мьнѣ ровьнікъ оустъ своіхъ.-

Оуслꙑші мѩ г҃і
ѣко блага естъ мілость твоѣ.-
по мъножьствоу штедротъ твоіхъ прізьрі на мѩ.-

Не отъвраті ліца твоего отъ отрока твоего.-
Ѣко скръблѫ
ѩдро оуслꙑші мѩ.-

Вонъмі дш҃і моеї ї отъмі ѭ.-
Врагъ моіхъ раді избаві мѩ.-

Тꙑ бо съвѣсі поношеніе мое ї стоудъ моі ї срамотѫ моѭ.-
Прѣдъ тобоѭ сѫтъ вьсі сътѫжаѭштеі мьнѣ.-

Поношеніѣ прічаѣ дш҃а моѣ і страсті.-
і жьдахъ иже со мъноѭ поскръбітъ і не бѣ.- Ї оутѣшаѭшта і не обрѣтъ.-

Ї дашѩ въ ѣдъ моѭ злъчь.-
і въ жѩждѫ моѭ напоішѩ мѩ оцьта.-

Бѫді трепеза прѣдъ німі вь сѣть.- Ї възданіе і во съблазнь -

помрачісте сѩ оч-і-хъ да не відѩтъ.-
Ї хріветъ іхъ отънѫдь сълѩці.-

Прольі на нѩ гнѣвъ твоі.-
ї ѣрость гнѣва твоего да іметъ ѩ.-

Бѫді дворъ їхъ поустъ.-
ї вь селѣхъ їхъ не бѫді иже жіветъ.-

Зане егоже ті поразі ті погънашѩ.-
Ї къ болѣзні ѣзвъ моіхъ пріложішѩ.-

Пріложішѩ безаконеніе къ безаконенію іхъ.-
Ї да не вьнідѫтъ въ правъдѫ твоѭ.-

Да потрѣбѩтъ сѩ отъ кънігъ жівѫштіхъ.- Ї съ праведьнꙑмі не напішѫтъ сѩ.-

Нішть ї болѩ есмь азъ.-
сп҃ніе твое бж҃е пріѩтъ мѩ.-

Въсхвалѫ імѩ б҃а моего съ пѣсніѭ.-
Възвелічѫ і въ хваленьі.-

Ї годѣ бѫдетъ б҃оу паче тельца юна.- рогꙑ їздѣѭшта і пазнегъті.-

Да оузьрѩтъ нішті ї възвеселѩтъ сѩ.-
Възіштѣте б҃а і жіва бѫдетъ дш҃а ваша.-

Ѣко оуслꙑша ніштѩѩ г҃ь.- Ї окованꙑхъ своіхъ не оучічьжітъ.-

Да въсхвалѩто-і небеса і землѣ.- море і вьсѣ двіжѩштіѣ сѩ вь немь

Ѣко б҃ъ сп҃сетъ сіона.-
Ї съзіждѫтъ сѩ граді їюдѣісті.-
Ї вьселѩтъ сѩ і тоу і наслѣдетъ і

ї сѣмѩ рабъ твоіхъ оудръжітъ і.-
Ї любѩште-і-мѩ твое въселѩтъ сѩ во нъ

Ps 69

ѯ҃ ѳ҃
ВЪ КОНЕЦЬ
Д҃АДОУ ВЪСПОМІНАНІЕ
ЗАНЕ СП҃Е МѨ ГЬ҃.-

Бж҃е въ помошть моѭ вонъмі.-
Гі҃ помошті мьнѣ потъшті сѩ.-

Да постꙑдѩтъ сѩ і посрамлѣѭтъ сѩ іскѫштеі дш҃ѩ моеѩ.-
Да възвратѩтъ сѩ вьспѩть.- ї постꙑдѩтъ сѩ хотѩштеі моемоу зълоу.-

Да възвратѩтъ сѩ абіе стꙑдѩштеі сѩ гл҃ѭштеї мнѣ благо же благо же.-

Въздрадоуѭтъ же сѩ ї възвеселѩтъ сѩ о тебѣ вьсі їскѫштеі тебе г҃і.-
Ї гл҃ѭтъ воінѫ възвеличітъ сѩ г҃ь.- любѩщеі сп҃ніе твое.-

Азъ же нішть есмь ї оубогъ
бж҃е помоѕі мі
Помоштьнікъ моі їзбавітелъ моі есі тꙑ.-
г҃ї не замѫді.-

Ps 70

СЛАВА
СѢ҃НА
ДА҃ВЪ ПЪС҃ЛМЪ СЪІНОМЪ ЇОНАВЛЪ І ПЛѢНЕНЪІМЪ ПРѢЖДЕ

На тѩ г҃і оупъвахъ
да постꙑждѫ сѩ въ вѣкꙑ.-

Правъдоѭ твоеѭ їзбаві мѩ.-
Пріклоні къ мьнѣ оухо твое ї сп҃і мѩ.-

бѫді мнѣ въ б҃а заштітітелѣ.-
ї вь мѣсто твръдо съпасті мѩ.-
Ѣко оутвръжденіе мое ї прібѣжіште мое есі тꙑ.-

бж҃е моі ізбаві мѩ їз-д-рѫкꙑ грѣшьнаго.- їз-д-рѫкꙑ законопрѣстѫпьнаго ї обідѩштаго.-

Ѣко тꙑ есі тръпѣніе мое г҃і.- г҃ь оупъваніе мое отъ юності моеѩ.-

На тѩ оутвръдіхъ сѩ отъ ѫтробꙑ ї чрѣва матері моеѩ.-
тꙑ есі моі покръвітель.-
Ѡ тебѣ пѣніе мое вꙑнѫ.-

ѣко чюдоу бꙑхъ многꙑмъ.-
ї тꙑ помоштьнікъ моі крѣпокъ.-

Да ісплънѩтъ сѩ оуста моѣ похвалꙑ.- Ѣко да въспоѭ славѫ твоѭ вьсь день вельлѣпотѫ твоѭ.-

Не отъвръѕі мене въ врѣмѩ старості.-
егда ізнемагаетъ крѣпость моѣ не оставі мене.-

Ѣко рѣшѩ враѕі моі мьнѣ.-
ї стрѣгѫштеі дш҃ѫ моѭ съвѣшташѩ въкоупѣ.- Гл҃ѭште

б҃ъ оставілъ і естъ.-
поженѣте
імѣте і.-
Ѣко нѣстъ їзбавьніка емоу.-

Бж҃е моі не оудалі сѩ отъ мене-
бж҃е моі въ помошть моѭ вонъмі.-

Да постꙑдѩтъ сѩ іштезнѫтъ.- оклеветаѭштеі дш҃ѫ моѭ.-
Одеждѫтъ же сѩ стоудомь і страмомь їскѫштеі зъла мьнѣ.-

Азъ же вꙑнѫ оупъваѭ на тѩ.-
Ї приложѫ на вьсѫ похвалѫ твоѭ.-

оуста моѣ възвѣстѩтъ правъдѫ твоѭ.- вьсь дьнь сп҃ніе твое.-
Ѣко не познахъ къніжьніка.-

вънідѫ въ сілѣ гн҃і.-
Гі҃ помѣнѫ правъдѫ едіного те.-

б҃ъ мои імъже наоучі мѩ.- отъ юності моеѩ
і до нꙑнѣ възвѣштѫ чюдеса твоѣ.-

Ї до старості матерьства.- бж҃е моі не оставі мене.- доньдеже възвѣштѫ мꙑшьцѫ твоѭ родоу семоу грѩдѫштюмоу.-

Сілоѭ твоеѭ ї правъдѫ твоѭ.-
б҃ъ вꙑшьнихъ ѣже сътворі велічьствіѣ.-
бж҃е къто подобенъ тебѣ.-

Еліко авілъ есі мьнѣ скръбі мъногꙑ зълꙑ.- ї обрашть жівілъ мѩ есі.- ї отъ бездьнъ земли древле възведе мѩ

Оумъножілъ есі на мнѣ велічество твое.-
ї обрашть оутѣшілъ мѩ есі.-
ї отъ безденъ землѩ пакꙑ възведе мѩ.-

Їбо азъ їсповѣмь сѩ тебѣ въ людехъ г҃ї.- въ сѫдѣхъ пъсаломьскꙑхъ
рѣснотѫ твоѭ бж҃е въспоѭ тебѣ въ глѫслехъ свѩтъ їилвъ.-

Въздрадоуете сѩ оустьнѣ моі егда въспоѭ тебѣ.- і дш҃а моѣ ѭж-е-сі избавілъ.-

Пакꙑ же і ѩзꙑкъ моі вьсь дьнь пооучітъ сѩ правьдѣ твоеі.- Егда постꙑдѩтъ сѩ і срамѩтъ сѩ іскѫштеі зьла мьнѣ.--

Ps 71

о҃ а
ВЬ КОНЕЦЬ
ПЪСАЛОМЪ Д҃АВЪ ВЪ СОЛОМОУНѢ.-

Бж҃е сѫдъ тво цѣсарю даждь.- ї правъдѫ твоѭ сн҃оу цѣ҃рю.- сѫдіті людемъ твоімъ въ правъдѫ.- ї ніштімъ твоімъ въ сѫдъ.-

Да примѫтъ горꙑ міръ людеі.- ї ѡлъмі правъдѫ.-

Сѫдітъ ніштимъ людьскꙑмъ.-
і сп҃етъ снꙑ оубогꙑхъ.-
Ї съмѣріть клеветьніка

і прѣбѫдетъ съ слъньцемь.- ї прѣжде лоунꙑ рода родъ.-

Сънідетъ ѣко дождь на роуно.- ї ѣко каплѣ капѫштіѣ на землѫ

Вьсіѣетъ въ дьні его правъда.-
І мъножъство міроу доіждеже отꙑметъ сѩ лоуна.-

Ї обладаетъ отъ морѣ і до морѣ.- і отъ рѣкꙑ до конеца вьселенꙑѩ.-

Прѣдо нь пріпадѫтъ етюпѣні моурі.-
Ї враѕі его пръсть поліжѫтъ.-

Цѣсарі тарьсьсіції отьці дарꙑ прінесѫтъ.-
цѣ҃рі аравьстїі саво дарꙑ прінесѫтъ.-

Ї поклонѩтъ сѩ емоу цѣ҃рі земльстії.-
вьсі ѩзꙑці поработаѭтъ емоу-

Ѣко ізбавілъ еестъ нішта отъ сілъна.- і оубога емоуже бѣ помоштьніка.-

Поштедітъ нішта і оубога.- ї дш҃ѩ оубогꙑхъ сп҃етъ.-

Ѡтъ ліхвꙑ и отъ неправъдꙑ ізбавітъ дш҃ѩ іхъ.-
і честьно їмѩ его прѣдъ німі.-

Ї жівъ бѫдетъ
дастъ сѩ емоу отъ золъта аравііска.-
і помолѩтъ сѩ емоу вꙑнѫ.-
вьсь день благоствітъ і.-

Бѫдетъ оутвръжденіе на землі на връхоу гогоръ.-
ньсѣ прѣвьзнетъ сѩ паче ливана плодъ его.-
ї процвьтетъ отъ града ѣко трѣва земьнаѣ.-

Бѫді їмѩ его бл҃ствено въ вѣкꙑ.-
в҃ї
прѣжде слъньца прѣбꙑваетъ імѩ его.-
Ї възблагоствѩтъ сѩ о немь вьсѣ колѣна земьскаѣ.-
Вьсі ѩзꙑці оублажѩтъ і.-

Бл҃ственъ г҃ь б҃ъ іи҃лвъ.- творѩі чюдеса едінъ.-

Ї бл҃ствено імѩ славꙑ его.- въ вѣкъ і вѣкъ вѣкоу.-
Ї наплънітъ сѩ славꙑ его вьсѣ землѣ.-
бѫдетъ
бѫдетъ.-
Слава

Ps 72

о҃ в҃
КОНЬЧА СѨ
ПѢСНІ ДАВ҃ЪІ МНОЖАІШѨѨ СН҃А ИЕСЕОВА
ПЪСАЛОМЪ АСАФОВЪ.-

Коль дробръ б҃ъ іил҃евъ правꙑмь сръдьцемь.-

мнѣ же мала не подвіжасте сѩ ноѕі.-
мала не пролишѩ сѩ стопꙑ моѩ

Ѣко въздревьновахъ на безаконьнꙑѩ міръ грѣшьнікъ відѩ.-

Ѣко нѣстъ въсклоненіѣ во съмрът-і-хъ.- ї оутвръжденіѣ въ ранахъ іхъ.-

Въ троудѣхъ чловѣчіхъ не сѫтъ.-
і съ чл҃кꙑ не пріимѫтъ ранъ.-

Сего раді оудръжа ѩ гръдꙑні до коньца.-
Ѡдѣшѩ сѩ неправъдоѭ ї нечестіѭ своеѭ.-

Їзідетъ ѣко ис тоука неправъда іхъ.-
прѣідѫтъ въ любьве сръдьцю.-

Помꙑслишѩ і гл҃шѩ во зълобѣ.-
неправъдѫ въ вꙑсотѣ глш҃ѩ.-

Положішѩ на нб҃сі оуста своѣ.-
ї ѩзꙑкъ іхъ прѣіде по землі.-

Сего раді обратѩтъ сѩ людие моі сѣмо.-
И дьнь исплънь обрѩштѫтъ сѩ въ ніхъ.-

Ї рѣшѩ
како оувѣдѣ б҃ъ.-
ї
ѣште естъ разоумъ вꙑшьнімъ.-

Се сі грѣшьніці і гобьзьствоуѭште.-
въ вѣкъ оудръжашѩ богатьство.-

Ї рѣхъ оубо
въсоуе оправьдихъ сръдьце мое.- ї оумꙑхъ въ неповінънꙑхъ рѫцѣ моі.-

Ї бꙑхъ тепенъ вьсь день.-
ї облічьнікъ моі на оутрьѣ.-

Ѣште гл҃хъ повѣмъ тако.- се родоу сн҃овъ твоіхъ іскоусіхъ емоуже обѣштахъ сѩ.-

і непьштевахъ разоумѣті.-
Се троудъ естъ прѣдо мноѭ доідеже вънідѫ въ свѩтіло бж҃е.- і разоумѣѭ въ послѣдьнѣа іхъ.-

Ѡбаче за льштеніѣ іхъ положілъ імъ есі зъла.-
нізъложілъ ѩ есі вънегда разгъдѣшѩ.-

Како бꙑшѩ въ запоустѣніе вънезаапѫ.-
ісконьчашѩ сѩ
погꙑбѫ за безаконеніе свое.-

ѣко сонъе въстаѭштаго.- Гі҃ въ градѣ твоемъ ікоунѫ іхъ оунічьжішѩ.-

Ѣко разгорѣ сѩ сръдьце мое ѫтроба моѣ ізмѣтъ сѩ

Ї азъ оунічьженъ і не разоумѣхъ.-
ѣко скотъ бꙑхъ оу тебе.-

і азъ вꙑнѫ съ тобоѭ
Дръжалъ есі рѫкѫ деснѫѭ моѭ.-

і съвѣтомь твоімь наставілъ мѩ есі.-
і съ славоѭ пріѩтъ мѩ.-

Чъто бо мі естъ на нб҃сі.-
і отъ тебе чъто въсхотѣхъ на землі.-

Їштезе сръдьце мое і плоть моѣ.-
б҃ъ сръдьца моего і чѩсть моѣ б҃ъ въ вѣкъ.-

Ѣко се оудалѣѭштеі сѩ отъ тебе погꙑбѭтъ.-
Потрѣбілъ есі вьсего любꙑ дѣѭѭшта отъ тебе.-

Мьнѣ же прілѣплѣті сѩ бѕ҃ѣ благо естъ.- Полагаті на г҃ѣ оупъваніе мое.- Да ісповѣмь вьсѩ хвалꙑ твоѩ.- Въ вратѣхъ дръштері сіоні.-

Ps 73

о҃ г҃
РАЗОУМЪ АСАФОВЪ

Въскѫѭ бж҃е отърінѫ до коньца.-
прогнѣва сѩ ѣрость твоѣ на овьцѩ пажіті твоеѩ.-

Помѣні сънемъ твоі їже сътѩжа їспръва.-
їзбавілъ есі жезъ достоѣніѣ твоего.- Гора сіонъ сі въ нѫже въселілъ сѩ есі.-

въздвігні рѫцѣ твоі на гръдꙑнѩ іхъ въ коньці.- Елико лѫкавънова врагъ о св҃тѣемь твоемь.-

Ї въсхвалишѩ сѩ ненавідѩштеі тебе.- Посрѣдѣ праздьніка твоего.-
Положішѩ знаменіѣ своѣ знаменіѣ
і не познашѩ.-

ѣко въ ісходъ прѣвꙑше.-
Ѣко въ добровѣ дрѣвьнѣ секꙑрамі расѣшѩ двьрі его.-

въкоупѣ сѣчівомь і оскръдомь раздроушішѩ і.-

Въжѣшѩ огнемь свѩтіло твое.-
въ землі оскврънішѩ село імені твоего.-

Рѣшѩ въ сръдьці своемь
ѫжікꙑ іхъ въкоупѣ.-
Прідѣте
і да і оставімь вьсѩ праздьнікꙑ бж҃ѩ отъ землѩ.-

Знаменеі нашіхъ не відѣхомъ.-
нѣстъ кътомоу порока і насъ не познатъ потомь.-

Доколѣ г҃і поносітъ врагъ.-
раздражаетъ протівьнꙑ імѩ твое до конъца.-..

Въскѫѭ възвраштаеші рѫкѫ твоѭ.- і десніцѫ твоѭ отъ срѣдꙑ ѣдръ твоіхъ до коньца.-

Бъ҃ же цѣсарь нашь прѣжде вѣка.-
съдѣла спн҃іе посрѣдѣ землѩ.-

Тꙑ оутвръді сілоѭ твоеѭ море.-
тꙑ съкроуші главꙑ змьемъ въ водѣ.-

Тꙑ сътлъче главѫ змьевѫ.-
далъ есі брашьно людемъ етюпьскомъ.- МОУРОМЪ

Тꙑ растръже істочьнікꙑ и потокꙑ.-
тꙑ исѫчі рѣкꙑ наводьненꙑѩ.-

Твоі естъ дьнь і твоѣ естъ ношть.-
тꙑ съвръші зорѩ і слъньце.-

Тꙑ сътворі вьсѩ прѣдѣлꙑ землі.-
лѣто і веснѫ тꙑ созъда
помѣні сего.-

Врагъ поносі г҃ю.-
ї людіе безоумьні раздражішѩ імѩ твое.-

Не прѣдаждь звѣремъ дш҃ѩ ісповѣдаѭштѩ сѩ тебѣ.-
дш҃ь оубогꙑхъ твоіхъ не забѫді до коньца-

Прізьрі на завѣтъ твоі.-
Ѣко наплънішѩ сѩ омраченіі землі домовъ неправьденъ.-

Да не възвратітъ сѩ съмѣренъ і срамленъ.-
нішть і оубогъ въсхвалитъ імѩ твое.-

Въскръші бж҃е
сѫді пьрѫ твоѭ.-
помѣні поношеніе твое еже естъ отъ безоумьнаго вьсь день.-

Не забѫді гласоу молитвьнікъ твоіхъ.-
гръдꙑні ненавідѩштіхъ тѩ възіде вꙑинѫ.-
СЛАВА

Ps 74

о҃ д҃
ВЪ КОНЕЦЬ НЕ ЇСТЬЛІ АСАФОВЪ.-
ПЪСАЛОМЪ ПѢСНІЇ.-

Їсповѣмъ сѩ тебѣ бж҃е.-
ісповѣмь сѩ і прізовѫ імѩ твое.-
Повѣмь вьсѣ чюдеса твоѣ.-

егда прімѫ врѣмѩ.- азъ правотꙑ сѫждѫ.-

Растаѣ сѩ землѣ і вьсі жівѫштеі на неі.-
азъ оутвръдіхъ стлъпꙑ еѩ.-

Рѣхъ законопрѣстѫпьнікомъ.-
не прѣстѫпаіте закона.-
ї съгрѣшаѭштеімъ не възносіте рога.-

Ні въздвіжіте на вꙑсотѫ гога вашего.-
ї и гл҃іте на б҃а неправъдꙑ.-

Ѣко ні отъ ісходішть ні отъ западъ.- ні отъ поустъ горъ.-

ѣко б҃ъ сѫді естъ.-
Сего съмѣрітъ.- а сего възнесітъ.-

Ѣко чѣша въ рѫцѣ гн҃і.- Віна не растворена їсплънь раствореніѣ.-
Ї оуклоні отъ сеѩ въ онѫ.-
Ѡбаче дрождьѩ его не скрꙑдашѩ сѩ.-
Іспіѭтъ вьсі грѣшьні земи.-

Азъ же въздрадоуѭ сѩ въ вѣкъ.-
въспоѭ б҃оу іѣковью.-
Ї вьсѩ рогꙑ грѣшьнікъ съломлѭ.-
і възнесетъ сѩ рогъ праведьнаего.-

Ps 75

о҃ е҃
ВЪ КОНЕЦЬ
ВЪ ПѢНІИХЪ
ПЪСАЛОМЪ АСАФОВЪ
ПѢСНЬ КЪ АСУРІЮ.-

Знаемъ въ іюдѣі б҃ъ.-
въ їи҃лі веліе имѩ его.-

Ї бꙑстъ въ мірѣ мѣсто его.-
ї жілишт-е-го въ сіонѣ.-

Тоу съкроуші крѣпость локъ.- штітъ і орѫжье ізбьрано.-

Просвѣштаеші тꙑ дівьно отъ горъ вѣченъ.-

Възмѩсѩ сѩ вьсі неразоумьні сръдьцемь.-
Оусънѫшѩ съномь своімь.-
Ї не обрѣтѫ нічесоже..-
вьсі мѫжі богатьства рѫкама своіма.-

Ѡтъ запрѣштеніѣ твоего бж҃е іѣковль.- въздрѣмашѩ сѩ въсѣдъшеі на конѩ.-

Тꙑ страшьнъ есі і къто протівітъ сѩ тебѣ.-
отътолі гнѣвъ твои.

с нб҃і оуслꙑшанъ створилъ естъ сѫдъ::-
Землѣ оубоѣ сѩ и оумлъча.

вьнегда воскръснетъ на сѫдъ б҃ъ. да оупасетъ вьсѩ кротъкꙑѩ землі::-
дїѣпъсалъма.-

Ѣко помъїшленіе чл҃че ісповѣстъ сѩ тебѣ./
ї отълѣкъ помꙑшленьѣ оупразніті сѩ тебѣ.-

Помолите сѩ і въздадіте г҃ю б҃оу нашемоу.-
вьсі сѫштеі окръстъ его прінесѫтъ дарꙑ.- Страшьноумоу і отъемлѭштю доухꙑ кънѩѕемъ.- страшьноумоу паче цѣсарь земьнꙑхъ.-

Ps 76

о҃ ѕ҃
ВЪ КОНЕЦЬ
О ІДІТОУМѢ
ПЪСЛОМЪ АСАФОВЪ.-

Гласомь моімь къ г҃ю возъвахъ.-
гласомь моімь къ б҃оу і вънѩтъ мі.-

Въ день печали моеѩ б҃а възіскахъ.-
Рѫкама моіма ноштьѭ оутѣшеніе прѣдъ німь і не прѣльштенъ бꙑхъ.-
Ѡтъвръже сѩ оутѣшіті сѩ дш҃а моѣ.-

помѣнѫхъ б҃а і възвеселихъ сѩ.-
заідъ мꙑсльѭ Въ скръбехъ і не прѣможе дх҃ъ моі.-

варісте стражьбꙑ очі моі.-
ДІѢПЪСАЛЪМА
Съмѩсъ сѩ і не гл҃ахъ.-

помꙑсліхъ дьні пръвꙑѩ.-
і лѣта вѣчьнаѣ помѣнѫхъ і пооучіхъ сѩ.-
ли помꙑшлѣше

Ноштьѭ сръдьцемь глоумлѣхъ сѩ.-
і клъцаше дх҃ъ моі.-

Еда въ вѣкъ отърінетъ г҃ь.- ї не пріложітъ въблаговолиті пакꙑ.- Ли до коньца мілостъ своѭ отъсѣчетъ.-

съконьча гл҃ъ отъ рода въ родъ.-

Еда забѫдетъ поміловаті б҃ъ.- Ли оудръжітъ въ гнѣвъ своі штедротꙑ своѩ.-

Ї рѣхъ
нꙑнѣ начѩсъ.-
сі ізмѣна десніцѩ вꙑшьнѣго.-

Помѣнѫхъ дѣла гн҃ѣ.-
ѣко помѣнѫ отъ зачѩла чюдеса твоѣ.-

Ї пооучѫ сѩ во вьсѣхъ дѣлѣхъ твоіхъ.-
ї на оучінанііхъ твоїхъ поглоумлѫ сѩ:

Бж҃е вь ст҃ѣмь пѫть твої:
Къто б҃ъ велеї ѣко б҃ъ нашъ:-

тꙑ есі б҃ъ творѩї чюдеса
Сказалъ есі въ людехъ сілѫ твоѭ.-

їзбавілъ есі мꙑшьцеѭ твоеѭ люді твоѩ.- сн҃ꙑ їѣковлѩ їосіфовꙑ.-
ДІѢПЛМА

Відѣшѩ тѩ водꙑ бж҃е.-
Відѣшѩ тѩ въдꙑ ї оубоѣшѩ сѩ.-
съмѫтішѩ сѩ бездьнꙑ мъножъство шюма водъ.-

Гласъ дашѩ облаці
їбо стрѣлꙑ твоѩ прѣходѩтъ.-

гласъ грома твоего въ колесі.-
Ѡсвѣтішѩ млъньѩ твоѩ въселенѫѭ.-
Подвіжа сѩ ї трепетьна бꙑстъ землѣ.-

Въ морі пѫть твоі.-
ї стьѕѧ твоѩ вь водахъ многахъ.
Ї стопꙑ твоѩ не запънѫтъ сѩ.-

Їзвелъ есі ѣко овьцѩ люді твоѩ рѫкоѭ мосѣовоѭ ї аронеѭ.-

Ps 77

о҃ з҃
СЛАВА
СѢДІЛЬНО
РАЗОУМЪ АСАФОВЪ.-

Вънъмѣте людие моі законъ моі.-
пріклоніте оухо ваше въ гл҃ꙑ оустъ моіхъ.-

Ѡтвръзѫ въ прітьчахъ оуста моѣ.-
Провѣштаѭ гананіѣ їспръва.- Елико слꙑшахомъ ї разоумѣхомъ ѣ.- Ї отьці наші повѣдѣшѩ намъ.-

Не оутаі сѩ отъ чѩдъ іхъ
въ родъ їнъ.- Възвѣштаѭште хвалꙑ гн҃ѩ ї сілꙑ его.- Ї чюдеса его ѣже сътворі.-

Ї въздвіже съвѣдѣніе въ іѣковѣ.-
И законъ положі въ їи҃лі.- Елико заповѣдѣ оц҃емъ нашімъ.- съказаті ѣ сн҃омъ своімъ.- Да познаетъ родъ інъ.-

сн҃ові родѩштеі сѩ.- ї въстанѫтъ повѣдѣті ѣ сн҃омъ своімъ.- Да положѩтъ на б҃а оупъваніе свое.- Ї не забѫдѫтъ дѣлъ бж҃еї.- Ї заповѣди его възіштѫтъ.- Да не бѫдѫтъ ѣко отьці ихъ.- Родъ стопьтівъ и прогнѣваѩі.- Родъ іже не ісправі сръдьца своего.- Ї не въвѣрі съ бм҃ь дх҃а своего.-

Сно҃ві ефѩмові налѩцаѭштеі і стрѣлѣѭште лѫкꙑ.- Възватішѩ сѩ въ день брані.-

Не съхранішѩ завѣта бж҃ѣ.-
и въ законѣ его не ізволишѩ ходіті.-

Ї забꙑшѩ благодѣть его.- ї чюдеса его ѣже ѣв-і мъ.- прѣдъ оц҃і їхъ ѣже сътворі чюдеса.- Въ землї егоупетьстѣ на поли танеосѣ.-

імѩ полю заниосъ

Развръже море ї проведе ѩ.-
Прістави водꙑ ѣко въ мѣсѣ.-

Ї въведе ѩ облакомь въ дьне.- Ї вьсѭ ношть въ просвѣштеніе ог҃ню.-

пробі Развръзе камень въ поустꙑні и напоі ѩ.- Ѣко въ безводьнѣ мъноѕѣ.-

Їзведе водꙑ їс камене.-
ї нізъведе ѣко рѣкꙑ водꙑ.-

ї пріложішѩ пакꙑ съгрѣшіті емоу.-
Прогнѣвашѩ вꙑшьнѣго въ безводьнѣ.-

Їскоусішѩ б҃а въ сръдьціхъ своіхъ. въспросіти брашьнъ д҃шамъ на своімъ.-

Ї гл҃ашѩ на б҃а ї рѣшѩ.-
Еда възможетъ б҃ъ оуготоваті трьпезѫ въ поустꙑні.-

Понеже проразі камень ї потѣшѩ водꙑ.-
І потоці наводьнішѩ сѩ.-
Егда хлѣбъ можетъ даті.- Ли оуготовіті трепезѫ людемъ своімъ.-

Сего раді слꙑша г҃ь і раздражі сѩ.-
Ї огнь възгорѣ сѩ въ іѣковѣ і гнѣвъ-зіде на іи҃лѣ.-

Зане ѩсѩ вѣрꙑ б҃оу.- ні оупъвашѩ на с҃пні-е-го.-

Ї заповѣдѣ облакомъ съше.-
Ї двьрі неб҃сі отвръзе.-

Ї одъжді імъ мана ѣсті.-
ї хлѣбъ небесьнꙑ дастъ імъ

хлѣбъ агл҃ъ ѣстъ чл҃къ-
брашьно посъла імъ д-о-більѣ.-

Въздвіже югъ до небесі.-
Ї наведе сілоѭ своеѭ западенъ.-

Ї одъжді на нѩ ѣко прахъ плъті.- ї ѣко пѣсокъ морескъ пьтіцѩ перьнатꙑ.-

Ї падѫ посрѣдѣ стана іхъ.- Ѡкръстъ очьшта їхъ.-

Ї ѣсѩ і насꙑтішѩ сѩ ѕѣло.-
ї похоті іхъ прінемсе імъ

Не лишішѩ сѩ отъ похоті своеѩ.-
ї одъначе брашьноу сѫштю оустѣхъ іхъ.- Ї гнѣвъ бж҃і възіде на нѩ.-

и оубі въ мъножаішѩѩ въ ніхъ.-
Їзбъранꙑмъ іил҃емь запѩть.-

Надо вьсѣмі сімі съгрѣшішѩ пакꙑ емоу.-
Ї не ѩсі вѣрꙑ чюдесемъ емоу.-

Ї сконьчашѩ сѩ въ соуетѣ дьні ихъ.- ї лѣта іхъ со тъштаніемь.-

Егда оубівааше ѩ.- тогда възіскаахѫ его.-
і обраштахѫ сѩ і рано пріхождахѫ къ б҃оу.-

Ї помѣношѩ ѣко б҃ъ помоштьнікъ моі естъ.- ї б҃ъ вꙑшьне-і-збавітелъ імъ естъ

Възлюбішѩ і оустꙑ своімі.-
и ѩзꙑкомь своімь солъгашѩ емоу.-

Сръдьце же іхъ не бѣ право съ німь.-
ні вѣрішѩ сѩ въ заповѣди его.-

Тъ же естъ мілостівъ і оцѣсти грѣхъ-і-хъ.- ї не погоубі іхъ.-
Ї оумъножітъ възвратиті ѣрость своѭ.- ї не раждежетъ вьсего гнѣва своего.-

Ї помѣнѫ ѣко плоть сѫтъ.- дх҃ъ ходѩ ї не обраштаѩ сѩ.-

Коль кратꙑ прогнѣвашѩ ї въ поустꙑни.-
Раздражішѩ ї въ земли безводьнѣ.-

Ї братішѩ сѩ
їскоусішѩ б҃а.-
ї ст҃аго їил҃ева прогнѣвашѩ.-

Не помѣнѫшѩ рѫкꙑ его.- дьнь въ нъже їзбаві ѩ із-д-рѫкꙑ сътѫжаѭштаго.- Ѣкоже положі въ егоуптѣ знаменіѣ.- Ї чюдеса своѣ на поли танеосѣ.-

Ї правраті въ кровъ рѣкꙑ їхъ.- ї тѫчьнꙑѩ іхъ.- джевьнꙑѩ ѣко да не піѭтъ.-

Посъла на нѩ песьѩ моухꙑ и поѣсѩ ѩ.- ї жѣбꙑ и погоубі ѩ.-

Ї дастъ ересеви плодъ їхъ.- звѣрь Ї троухъ прѫгомъ.-

Їзбі градомь віна їхъ.- і чръніцѩ їхъ сланоѭ.-

Ї прѣдастъ градоу скотъ іхъ.- і имѣніе іхъ огню.-

чръніцѩ
Посъла на нѩ гнѣвъ ѣрості своеѩ.- ѣрость і гнѣвъ і скръбь.- посълананіе агелꙑ лютꙑ.-

Пѫть сътворі стьѕѫ гнѣвоу своемоу.- не поштѩдѩ отъ съмръті д҃шѩ іхъ.-
Ї скотъ іхъ во съмръті затворі.-

Ї побі вьсѩ пръвѣньцѩ въ землі егоупотьстѣ.- Начѩтокъ въсѣкого троуда їхъ въ селѣхъ хамовѣхъ.-

Ї двіже ѣко овьцѩ люди своѩ.-
Ї възведе ѩ ѣко стадо въ поустꙑнѭ.-

Ї наставі ѩ на оупъваніе і не оусташішѩ сѩ.-
ї врагꙑ їхъ покрꙑ море.-

Ї въведе ѩ въ горѫ ст҃ꙑнѩ своеѩ.- горѫ сі-ѭ-же сътѩжа десніца его.-

Їзведе отъ лица іхъ ѩзꙑкꙑ.-
і по жрѣбію раздѣли імъ земѭ.- ѫжемь дѣломѣрьнꙑмъ.-
Ї въсели въ селѣхъ іхъ колѣна іил҃ева.-

Їскоусішѩ і прогнѣвашѩ б҃а въшьнѣго.-
і съвѣдѣніѣ его не съхранішѩ.-

Ї възвратішѩ сѩ і отъвръгѫ сѩ ѣкоже отъці іхъ.-
правратішѩ сѩ въ локъ развраштенъ.-

Ї прогнѣвашѩ і на хлъмѣхъ своіхъ.-
Ї въ істоуканьнꙑхъ своіхъ раздражішѩ і.-

Слꙑша б҃ъ і прѣзьрѣ.-
ї оунічьжі ѕѣло іил҃ѣ.-

Ї отърінѫ скініѭ селомьскѫ крінѫ.- село въ немьже въсели сѩ въ чл҃вѣцѣхъ.-

Ї прѣдастъ въ плѣнъ крѣпость іхъ.- і добротѫ іхъ въ рѫцѣ вражьі.-

Ї затворі въ орѫжі люді своѩ.-
и достоѣніе свое прѣзьрѣ.-

Юношѩ іхъ поѣстъ огнь.-
і дѣвъ-і-мъ не посѣтованꙑ бꙑшѩ.-

Їерѣі іхъ орѫжиемь падѫ.-
і въдовіцѩ іхъ не оплаканꙑ бꙑшѩ.-

Ї въста ѣко съпѩі гь.- і ѣко сіленъ шюменъ отъ віна.-

Ї поразі врагꙑ іхъ въспѩть.-
поношеніе вѣчьно дастъ імъ.-

Ї отърінѫ село іосіфово.-
ї колѣна ефремова не ізбьра.-

Їзбьра колѣно іюдово.- горѫ сіонъ ѭже възлюбі.-

Ї созъда ѣко інорогъ св҃ѩтнѫ своѭ въ землі
онова ѭ въвъ вѣкъ.-

Їзбьрара да҃да раба своего.-
ї поѩтъ і отъ стадъ овьчіхъ.-

Ѡтъ доілиць поѩто-і.- Пасті иѣкова раба своего.- їи҃лѣ достоѣніе свое.-

Ї оупасі ѩ въ незълоба сръдьца своего.-
Ї въ разоумѣхъ рѫкѫ своею наставілъ ѩ естъ.-
СЛАВА.-

Ps 78

о҃҃҃ и҃҃҃
ПЪСАЛОМЪ АСАФОВЪ.-

Бж҃е прідѫ ѩзꙑці въ достоѣніе твое.-
Ѡскврънішѩ ціръковь ст҃ѫѭ твоѭ.-
Положішѩ іл҃ема ѣко овоштьное хранілиште.-

Проложішѩ троупіе рарабъ твоіхъ.- брашьно пьтіцамъ небс҃нꙑмъ.- плъті прѣподобьнꙑіхъ твоіхъ звѣремъ земьнꙑмъ.-

Пролишѩ кръви іхъ ѣко водѫ окръстъ іел҃іма.-
і не бѣ пограбаѩі.-

Бꙑхомъ поношенію сѫсѣдомъ нашімъ.- Подрѣжаніе і порѫганіѣ сѫштімъ окръстъ насъ.-

Доколѣ г҃і гн҃ѣваеші сѩ въ конець.-
Раждежетъ сѩ ѣко огнь ръвеніе твое.-

Пролѣі гнѣвъ твоі на ѩзꙑкꙑ не знаѭштѩ тебе.- и на цѣ҃ст҃ва ѣже імені твоего не прізꙑвашѩ.-

Ѣко поѣсѩ іѣкова і мѣсто его опоустишѩ.-

Не помѣні нашіхъ безаконенеі пръвꙑхъ.-
Ѩдро варѩтъ нꙑ мілості твоѩ г҃і.-
Ѣко обьніштахъ ѕѣло.-

помоѕі намъ бж҃е сп҃лю нашъ.-
Славꙑ раді імені твоего г҃і ізбаві нꙑ.-
Ї оцѣсті грѣхꙑ нашѩ імені твоего раді.-

Еда когда рекѫтъ ѩзꙑці
къді естъ б҃ъ їхъ.-
ї оувѣстъ сѩ въ ѩзꙑцѣхъ.- прѣдъ очіма нашіма.- месть кровьви рабъ твоіхъ пролитъѩ.-

Да вьнідетъ прѣдъ тѩ въздꙑханіе окованꙑхъ.-
По величью мꙑшьцѩ твоеѩ.- сънабьді сн҃ꙑ оумръштвенꙑхъ.-

Въздаждь сѫсѣдомъ нашімъ.- седмерицеѭ въ нѣдра іхъ.- Поношениемь імьже поносішѩ тебѣ.- г҃і.-

мꙑ же людие твоі і овьцѩ пажіті твоеѩ.- Їсповѣмь сѩ тебѣ въ вѣкъ.-
въ родъ і родъ възвѣстімъ хвалꙑ твоѩ.-

Ps 79

о҃ ѳ҃
ВЪ КОНЕЦЬ
О ІЗМѢНѨШТІХЪ СѨ
СЪВѢДѢНЬЕ
АСАФОВЪ ПЪСАЛОМЪ
СОУРІ РІОА.-

Пас҃ꙑ-и-іл҃ѣ вънъмі.- водѩ ѣко овьчѩ їосіфа.-
сѣдѩі на хіроувімѣ ѣві сѩ.- Прѣдъ ефремомь і вениѣміномь. і нмасіо.-

Въздвігні сілѫ твоѭ і пріді да нꙑ спе҃ші.-

бж҃е обраті нꙑ ї просвѣті лице твое і съпасемъ сѩ.-

Гі҃ бж҃е доколѣ гнѣваеші сѩ на молитвѫ рабъ твоіхъ.-

Натровеші нꙑ хлѣба слезьна.-
Ї напоіші нꙑ слезъ въ мѣрѫ.-

Положілъ нꙑ есі въ прѣканіѣ сѫсѣдомъ нашімъ.-
І враѕі наші продрѣжашѩ нꙑ.-

Гї҃ бж҃е сілъ обраті нꙑ.- ї просвѣті лице твое на нꙑ і сп҃ені бѫдемъ.-
діѣпъсалма

Віноградъ із егоупьта прѣнесе.-
вꙑгъна ѩзꙑкꙑ и насаді і.-

Поть сътворі прѣдъ німь.-
Ї насаді кореніѣ его і їсплъни землѫ.-

Покрꙑ горꙑ сѣнь его.- ї лозье его кедрꙑ бж҃ѩ.-

Прострѣ розгꙑ его до мѣрѣ.- і до рѣкꙑ отърасли его.-

Въскѫѭ разорі оплотъ его.-
ї бімаѭтъ і вьсі прѣходѩштеі пѫтемь.-

Ѡзоба і вепрь отъ лѫга.-
їнокъ дивьеї поѣлъ естъ.-

Бж҃е сілъ обраті.-
Ї прізьрі съ небесі ї виждъ.-
Ї посѣті вінограда своего.-

ї съвръші іже насаді десніца твоѣ.- ї на сн҃а егоже оукрѣпілъ есі себѣ.-

Пожеженъ огнемъ ї раскопанъ.-
Отъ запрѣштеніѣ лица твоего погꙑбнѫтъ.-

Бѫді рѫка твоѣ на мѫжа деніцѩ твоеѩ.- Ї на сн҃а чл҃ча егоже оукрѣпілъ есі себѣ.-

І не остѫпімъ тебе.-
жівіші нꙑ і їмѩ твое прізовемъ.-

Гі҃ бж҃е сілъ обраті нꙑ.- І просвѣті ліце твое і сп҃ні бѫдемъ.-

Ps 80

п҃҃҃
ВЪ КОНЕЦЬ
ПЪСАЛОМЪ О ТОЧІЛѢХЪ АСАФОВЪ ВЪ ПѨТЬ СОБОТѢ.-

Радоуіте сѩ б҃оу помоштьнікоу нашемоу.-
въсклікнѣте б҃оу їѣкловлю.-

Пріїмѣте пъсаломъ ї дадите тоумьпанъ.- Пъсалтꙑрь красенъ і съ гѫсльмі.-

Въстрѫбіте на новъ мѣсѩць трѫбоѭ.- въ нарочіте день праздьніка вашего.-

Ѣко повелѣніе іи҃лево естъ.- Ї сѫдъ б҃а їѣковлѣ.-

Съвѣдѣніе на іосіфѣ положі е.- егда вьзіде отъ землѩ егоупьтьскꙑ.-
Ѩзꙑка егоже не зна оуслꙑша і.-

отъѩтъ отъ брѣменъ хрібетъ іхъ.-
рѫцѣ его въ коші поработасте.-

Въ скръбі прізъва мѩ ї избавіхъ тѩ.-
оуслꙑшахъ тѩ въ таінѣ боурьнѣ.-
Їскоусіхъ тѩ на водѣ прѣрѣньѣ.-
діѣпсалма

Слꙑшіте людие моі і засъвѣдѣтельстоуѭ вамъ.- їи҃лю ѣште мене послоушаеші.-

да не бѫдетъ въ тебѣ бъ новъ.- ні поклоніші сѩ б҃оу тоуждемоу.-

Азъ бо есмь г҃ь б҃ъ твоі.- Їзведоі тѩ отъ земьѩ егоупьтьскꙑ̈.-
Рашірі оуста твоѣ
їсплънѫ ѣ.-

Ї не послоушашѩ людиі моі гласа моего.-
Їи҃лъ не вьнѩтъ мнѣ.-

Ї отъпоустіхъ ѩ похотемъ сръдьць іхъ.-
поідотъ въ начінанііхъ своіхъ.-

Ѣште бішѩ людіе моі послоушали мене.- Їи҃лю въ поті моѩ ѣште бі ходилъ.- Ні о чемьже оубоу врагъ іхъ съмѣрілъ бімь.- Ї на сътожаѭштѩѩ імъ възложілъ бімь рѫкѫ моѭ.-

Враѕі г҃і солъгашѩ емоу.-
ї бѫдетъ врамѩ іхъ въ вѣкъ.-

Ї натроу ѩ отъ тоука пъшенічьна.-
і отъ камені меда насꙑті ѩ.-

Ps 81

п҃ а҃
СЛАВА
ВЪ КОНЕЦЬ
ПЪСАЛОМЪ АСАФОВЪ

Бъ҃ ста въ сонъмѣ
б҃ъ.- прѣсрѣдѣ же б҃ꙑ̈ расѫдітъ.-

Доколѣ сѫдите неправъдѫ.- ї лицъ грѣшьнічь обіноуете сѩ.-
ДІѢПЪЛМА

Сѫди сіроу і ніштю
съмѣрена і оубога оправьдите.-

їзъмѣте оубога ї нішта.-
Їз-д-рѫкъ грѣшьнічъ ізбавіте і.-

Не оувѣдѣшѩ ні разоумѣшѩ.-
Въ тъмѣ ходѩтъ.-
да подвіжѩтъ сѩ вьсѣ основаніѣ землѩ.-

Азъ рѣхъ
бѕ҃і бѫдѣте.- і сн҃ові вꙑшьноумоу вьсі.-

Вꙑ же ѣко чловѣчі оуміраете.- ї ѣко едінъ отъ кънѩѕь подаете.-

Въскръсні бж҃е
сѫді землі.-
ѣко тꙑ насладиші во въсѣхъ ѩзꙑцѣхъ.-

Ps 82

п҃҃ в҃҃
ПѢСНЬ
ПЪСАЛОМЪ АСАФОВЪ

Бж҃е къто оуподобітъ сѩ тебѣ.-
не прѣмлъчі ні оукроті б҃ъ-

Ѣко се враѕі твоі въшюмѣшѩ.- Ї ненавідѩштеі тебе въздвігѫ главѫ.-

На люді твоѩ лѫкавьновашѩ колеѭ.-
і съсъвѣшташѩ на св҃тꙑѩ твоѩ.-

Рѣшѩ
прідѣте і потрѣбімъ ѩ отъ ѩзꙑкъ.-
і не помѣнетъ сѩ імѩ їи҃лево кътомоу.-

Ѣко съвѣшташѩ іномꙑшленіемь къ себѣ.-
на тѩ завѣтъ зѣшташѩ.- Села ідоумѣіскаѣ ізмаїлитѣне.- моѣвъ ї агарѣнѣ.- Гевали і мамънъ і амалікъ іноплеменьниці лікъ іноплеменьниці съ жівѫштімі в іторѣ

діѣпь

Їбо і ѣсоуръ съ німі пріде.-
бꙑшѩ въ застѫпленіе сн҃омъ лотовомъ.-

Сътворі имъ ѣко і мадіѣмоу ї сисарѣ.- Ѣко іавінові въ потоцѣ кісовѣ.-

Потрѣбішѩ сѩ въ ѩньдорѣ.-
бꙑшѩ ѣко гноі земьноі.-

Положі кънѩ іхъ ѣко ї орова ї зива і зевеа і салъманоу.- Вьсѩ кънѩзѩ іхъ.- Їже рѣшѩ

да наслѣдімъ себѣ свѣтіло бж҃іе.-

б҃ъ моі положі ѩ ѣко коло.- ѣко стебліе прѣдъ лицемь вѣтроу.-

Ѣко огнь ї попалѣетъ дѫбровꙑ.- ѣко пламень пожѣгаѩі горꙑ.- Тако поженеші ѩ боуреѭ твоеѭ.- ї гнѣвомъ твоімь съмѩтеші ѩ.-

Їспъні лица іхъ досажденіѣ.-
Ї възіштѫтъ імені твоего г҃і.-

Да постꙑдѩтъ сѩ і съмѩтѫтъ сѩ въ вѣкъ вѣкоу.- ї посрамѩтъ сѩ і погꙑбнѫтъ.-

ї познаѭтъ ѣко імѩ тебѣ г҃ь.-
тꙑ едінъ вꙑшьнеї по вьсеі землі.-

Ps 83

п҃҃҃ г҃҃҃
ВЪ КОНЕЦЬ
О ТОЧІЛѢХЪ
СНОМЪ КОРЕОВОМЪ ПЪСАЛОМЪ

Коль възлюблена селъ твоѣ г҃і сілъ.-

желаетъ ї сконьчаваетъ сѩ дш҃а моѣ.- Въ дворꙑ гн҃ѩ.-
Сръдьце мое ї плоть моѣ въздрадовасте сѩ о бѕ҃ѣ жівѣ.-

Їбо пьтіца обрѣте себѣ храмінѫ.- ї грълица гнѣздо себѣ їждеже положі пьтеньцѩ своѩ.- Ѡлтарѩ твоѩ г҃і сілъ.- цѣсарь моі б҃ъ моі.-
ДІ

Блажені жівѫштеі въ домоу твоемь.-
въ вѣкъ вѣкомъ въсхвалѩтъ сѩ.-

Блаженъ мѫжъ емоу-ж-е-стъ застѫплені-е-моу отъ тебе.-
Въхожденіѣ въ сръдьце свое завѣшта.- Въ ѫдоль плачевьнѫѭ въ мѣсто еже положі.-

Їбо бл҃ственіѣ дастъ законодаѩі.-

Поідѫ отъ сілꙑ въ сілѫ
авѩтъ сѩ б҃ъ бм҃ъ въ сіонѣ.-
Діѣплъма

Гі҃ б҃ъ сілъ оуслꙑші молитвѫ моѭ.-
Въноуші б҃же іѣковлъ.-
д҃іѣ

Заштітьніче нашь віждь бж҃е.- Ї прізьрі на лице х҃а твоего.-

Ѣко лоуче дьнь едінъ въ дворѣхъ твоіхъ паче тꙑсѩштъ.-
Їзволихъ прімѣтаті сѩ въ домъ б҃а моего паче.- неже жіті въ селѣхъ грѣшьнічіхъ.-

Ѣко мілость истінѫ любітъ г҃ь.
б҃ъ бл҃годѣть и славѫ дастъ::-.
Гь҃ не лішітъ добра. ходѩштіхъ незълобоѭ::-

Гь҃ б҃ъ сілъ блаженъ мѫжь оупъваѩи на тѧ:-

Ps 84

п҃҃҃ д҃҃҃҃
ВЪ КОНЕЦЬ
СН҃О КОРЕОВЪ. псаломъ::-.

Благоволілъ есі г҃і землѭ твоѭ.
възвратілъ есі плѣнъ иѣковль::-

Ѡтъпоустілъ есі безаконеніе людеі твоихъ.
Покръ вьсѩ грѣхъ-и-хъ::-.
ДІ҃Ѣ

еї҃
Оукротілъ есі вьсь гнѣвъ твоі:-
Възвратілъ сѩ есі отъ гнѣва ѣрості твоеѩ

Ѡбраті нꙑ бж҃е сп҃неі нашіхъ-.
і възвраті ѣростъ твоѭ отъ насъ.-.

Еда вь вѣкꙑ прогнѣваеші сѩ на нꙑ:-. Лі простьреші гнѣвъ твоі отъ рода въ родъ.-

Бж҃е тꙑ обрашть сѩ жівіші нꙑ.-:
Ї людіе твоі възвеселѩтъ сѩ о тебѣ..-.-.

Аві намъ г҃і мілость твоѭ..-
Ї сп҃ніе твое даждь намъ-.

Оуслꙑшѫ чьто речетъ о мнѣ г҃ь б҃ъ.-... Їде речетъ міръ на люди своѩ Ї на прѣподобьнꙑѩ своѩ:-:. Ї на обраштаѭштѩѩ сѩ сръдьцемь къ немоу-.--

Ѡбаче близъ боѩштімъ сѩ его спніе его:-: въселиті славѫ въ землѭ нашѫ-...

Мілость и рѣснота сърѣтете сѩ-
правъда и міръ обобъзасте сѩ

Рѣснота отъ землѩ въсіѣ.-.
І правъда съ нб҃сі прініче-.

Ї б҃ъ дастъ благость-..
И землѣ наша дастъ плодъ своі-..

Правъда прѣдъ нимь ідетъ-. І положітъ въ пѫть стопꙑ своѩ-...

Ps 85

е҃҃҃
е҃҃҃і
СЛАВ
СѢЛНО
МОЛИТВА ДА҃ВА
Пріклоні г҃і оухо твое и оуслꙑші мѩ.-
Ѣко нішть есмь азъ.-.

Съхрані дш҃ѫ моѭ
ѣко прѣподобенъ есмь.-:.
Сп҃сі раба твоего бж҃е моі оупъваѭштааго на тѩ.-:

Помілоуі мѩ г҃і
ѣко къ тебѣ възовѫ вьсь день-..

Възвеселі дш҃ѫ раба твоего-.
Ѣко къ тебѣ г҃і възѩхъ дш҃ѫ моѭ.-.

Ѣко тꙑ г҃і бл҃аг҃ъ і кротокъ.-. Ї прѣмілостівъ вьсѣмъ прізꙑваѭштимъ тѩ-...

Въоуші г҃і молитвѫ моѭ-..
Ї вънъми гласъ моленіѣ моего-..

Въ день печали моеѩ возъвахъ къ тебѣ.
ѣк оуслꙑша мѩ.-.

Нѣстъ подобьна тебѣ въ бѕ҃ѣихъ г҃і.-.
Ї нѣстъ по дѣломъ твоімъ-...

Вьсі ѩзіці елико сътворі прідѫтъ.-. Ї поклонѩтъ ссѩ прѣдъ тобоѭ г҃і.-. Ї прославѩтъ їмѩ твое.-.

ѣко велеі есі тꙑ творѩ чюдеса.-.
тꙑ есі б҃ъ единъ-...

Наведи мѩ г҃і на пѫть твоі.-.
Ї поідѫ въ рѣснотѣ твоеі.-.
Да вьзвеселитъ сѩ сръдьце мое-..... по Боѣті сѩ імені твоего

Їсповѣмь сѩ тебѣ г҃і б҃же моі.- вьсѣмь сръдьце-м-оімь-..
Ї прославлѭ имѩ твое въ вѣкꙑ-..

Ѣко мілость твоѣ велиѣ на мьнѣ естъ.
Їзбавілъ е д҃шѫ моѭ отъ ада прѣисподьнѣго.-.

Бж҃е законопрѣстѫпьніці въсташѩ на мѩ.-.
Ї сънемъ крѣпъкꙑихъ възіска д҃шѩ моеѩ-..
Ї не прѣдъложішѩ тебе прѣдъ сѫбоѭ-..

Ї тꙑ г҃і б҃же моі штедръ ї прѣмілостівъ-.. тръпѣлівъ ї прѣмілостівъ и рѣснотівънъ-

прізьрі на мѩ і помілоуі мѩ-
Даждь дръжавѫ твоѭ отрокоу твоемоу.-.
Ї сп҃сі с҃на рабꙑ твоеѩ-..

Сътворі со мъноѭ знаменіе въ благо.-.
Ї оузьрѩтъ ненавідѩштеі мене и постꙑдѩтъ сѩ-..
Ѣко тꙑ г҃і поможе мі.-.
И оутѣшілъ мѩ есі-..

Ps 86

ѕ҃҃ п҃҃
CН҃ОВЪ КОРЕОВОВЪ ПЪСАЛОМЪ-..
Ѡснованіѣ іхъ на горахъ св҃тꙑхъ-..

Любітъ г҃ь врата сіонѣ- паче вьсѣхъ селъ иѣковль.-.

Прѣславьно г҃ла сѩ о тебѣ граде б҃жьі.-.
ДІѢПЪСАЛМА--..

Помѣнѫ равъ і вавоульна-- Съвѣдѫштаа мѩ-..
Ї се іноплеменьніці и тоуръ-....
Ї людие етюпьсці сі бꙑшѩ тоу-..

Маті сіоно речетъ
чловѣкъ-. Ї чловѣкъ роди сѩ вь немь.-
Ї тъ основа і вꙑшьнеі-..

Гь҃ повѣстъ во кънигахъ людемъ и кънѩѕемъ-.. сі бꙑвъшіімъ въ немь-.. Ѣко веселѩштіимъ сѩ вьсѣмъ

жілиште въ тебѣ-..-..

Ps 87

ПЪСАЛОМЪ С҃НОМЪ КОРЕОВОМЪ--
ВЪ КОНЕЦЬ
О МАІЛИТѢ
ОТЪВѢШТІ
СНОВО РАЗОУМЬНО ЕМАНОУ ЇИЛ҃ИТѢНІНОУ-.

з҃҃҃ п҃҃҃҃
Гі҃ б҃же сп҃ніѣ моего- въ день возъвахъ и въ ношти прѣдъ тобоѭ-.

Да вьнідетъ прѣдъ тѩ молитва моѣ-..
пріклоні оухо твое къ моленію твоемоу-..

Ѣко ісплъні сѩ золъ д҃ша моѣ ї жівотъ моі адѣ пріближі сѩ-

Прімѣненъ бꙑхъ съ нізъходѩштиімі въ ровъ-..
бꙑхъ ѣко чловѣкъ бес помошті оу мрътвꙑхъ свободь-.. Ѣко ѣзвьні съпешті въ гробѣхъ іхъже нѣсі помѣнѫлъ къ томоу-..

Ї и ті отъ рѫкꙑ твоеѩ отъріновені бꙑшѩ

Положішѩ мѩ въ ровѣ прѣісподьнімь-.. Въ темьнꙑхъ въ сѣни съмрътьнѣ-..

На мѩ оутвръди сѩ ѣростъ твоѣ-..
Ї вьсѩ влънꙑ твоѩ наведе на мѩ-..

Оудалилъ есі знаніѣ моѣ отъ мене-..
положишѩ мѩ въ мръзость себѣ-..
Прѣданъ бꙑхъ и не ісхождаахъ-..

ѡчі моі изнеможете отъ ніштетꙑ-..
зъвахъ къ тебѣ г҃і вьсь день-.
Въздѣхъ рѫцѣ моі-..

Еда мрътвꙑмь сътворіші чюдеса-.. Ли баліѩ въскрѣсѩтъ исповѣдѩтъ сѩ- тебѣ-..

Еда повѣстъ къто въ гробѣ мілость твоѭ-.. Ї рѣснотѫ твоѭ въ погꙑбѣли-.....

Е познана бѫдѫтъ во тъмѣ чюдеса твоѣ-.. ї правъда твоѣ вь землі забьвенѣ-.

Ї азъ къ тебѣ г҃і возъвахъ)..
Ї ютро молитва моѣ варітъ тѩ-.

Въскѫѭ г҃і отърѣеші д҃шѫ моѭ-..
Отъвраштаеші лице твое отъ мене-.

Ништь есмь азъ і въ троудѣхъ отъ юності моеѩ-.
възнѣсъ же сѩ и съмѣріхъ и омотіхъ-..

По мьнѣ прѣидѫ гнѣві твоі-.
Оустрашениѣ твоѣ възмѫтішѩ мѩ--)

Ѡбідѫ мѩ ѣко вода вьсь день
Ѡдръжаше мѩ въкоупѣ-..

Оудалилъ есі отъ мене дроуга їскрънѣго).. Ї знаніѣ моѣ отъ страсті-..

Ps 88

п҃҃ и҃҃
СЛАВ
РАЗУМЪ О ТАІНЪІХЪ ЕТАНА ІИЛ҃ІТѢНІНА-..

Мілости твоѩ г҃і въ вѣкъ въспоѭ-..
Въ родъ і родъ възвѣштѫ рѣснотѫ твоѭ оустꙑ моіми-.. Ѣкоже рече

въ вѣкъ милості съзіждѫтъ сѩ

На нб҃сехъ оуготоваетъ сѩ рѣснота твоѣ-..
Завѣштахъ завѣтъ избьранꙑмъ моімъ-.. клѩсъ сѩ избъранꙑмъ мꙑмъ-..

До вѣка оуготоваѭ сѣмѩ твое-..
Ї съзіждѫ въ родъ ї родъ прѣстолъ твоі-..
диѣпсалъма-.

Їсповѣдѩтъ неб҃са чюдеса твоѣ г҃і-.. Ї рѣснотѫ твоѭ въ цръкъві с҃тꙑхъ-..

Ѣко къто въ облацѣхъ оуравьнітъ сѩ г҃ю-. подобітъ сѩ г҃ю въ сн҃хъ бж҃іхъ-.

Бъ҃ прославлѣѩи сѩ въ ст҃ꙑхъ своіхъ-. велеі ї страшенъ естъ надо вьсѣмі окръстънімі его

Гї҃ бж҃е сілъ къто подобенъ тебѣ-..
сіленъ есі г҃і и рѣснота твоѣ окръстъ тебе-..

Тꙑ владеші дръжавоѭ) морьскоѭ-..
Възмѫштеніе же влънъ его тꙑ оукротішї---..

Тꙑ съмѣрілъ есі ѣко ѣзвьна родаего-..
Ї мꙑшьцеѭ сілꙑ твоеѩ разгъна врагꙑ твоѩ-..

Твоѣ сѫтъ небеса і твоѣ естъ землѣ-..
Въселенѫѭ і коньцѩ еѩ тꙑ основа-..

Северъ ї море тꙑ созъда
таверъ ї ръмоунъ імені твоемоу въздрадовасте сѩ сірѣчь слꙑшавъша гласъ съ нб҃есі

Твоѣ мꙑшьца съ сілоѭ-..
Да оутвръдитъ сѩ рѫка твоѣ-..
Да възнесетъ сѩ десніца твоѣ-..
се естъ с҃нъ моі възлюбленꙑ

Правъда і сѫдъба оуготованіе прѣстолоу твоемоу-.
мілость ї рѣснота прѣдьидете прѣ лицемь твоімь-.

Блажені людие вѣдѫштеі кликновеніе-..
г҃і вь свѣтѣ ліца твоего поідѫтъ- Ї о імені твоемь въздрадоуете сѩ вьсь день-.. Ї правъдоѭ възнесѫтъ сѩ

Ѣко похвала сілꙑ іхъ тꙑ есі:.-.
Ї въ благоволені твоемь възнесетъ сѩ рогъ нашь-..

Ѣко г҃не естъ застѫпленіе-. Ї св҃таго иі҃лева цѣсарѣ нашего

Тогда гл҃аголалъ есі въ відѣні с҃номъ твоімъ-.
Ї рече
положіхъ помошть на сільна-. Възнѣсъ ізбьранаег-о-тъ людеі моіхъ-..

ѡбрѣтъ дв҃да раба моего-.. ѡлѣемь св҃тꙑ-м-оімъ помазахъ і--.

Рѫка бо моѣ поможетъ емоу:-..
Ї мꙑшьца моѣ оукрѣпітъ і-.

Нічесоже оуспѣетъ врагъ на нь-..
Ї с҃нъ безаконеніѣ не пріложітъ озълобиті его-.

Ї съсѣкѫ отъ лица его врагꙑ его.:-.
Ї ненавідѩштѩѩ і побѣждѫ-.

Ї рѣснота моѣ і милость моѣ съ нимь-..
Ї въ імѩ мое възнесетъ сѩ рогъ его-..

Ї положѫ на морі рѫкѫ его-. Ї на рѣкахъ десніцѫ его-..

Тъ възоветъ мѩ
оц҃ь моі есі тꙑ-..
б҃ъ моі застѫпьнікъ сп҃ніѣ моего-..

И азъ пръвѣнець положѫ і-.. въсокъ надъ цѣсарі земьнꙑмі-.

Въ вѣкꙑ съхранѫ емоу милость моѭ:-. Ї завѣтъ моі вѣрьноумоу-..

Ї положѫ въ вѣкъ вѣкоу сѣмѩ его-.. И прѣстолъ его ѣко день нб҃оу-.

Аште оставѩтъ с҃нові его законъ моі-.. И въ сѫдъбахъ моіхъ не поідѫтъ-.. Аште оправъданіѣ моѣ оскврънѩтъ-.. Ї заповѣдеі моіхъ не хранѩтъ-.. Посѣштѫ жьзломь безаконьнꙑихъ-.. Ї ранамі неправедьнꙑхъ-.

Мілості же моеѩ не разорѫ отъ ніхъ-. Ні прѣврѣждѫ въ рѣснотѣ моеі-. Неже оскврънѫ завѣта моего-. Ї исходѩштіихъ отъ оустъ моихъ не отъвръгѫ сѩ-.

Единоѭ клѩсъ сѩ св҃тмъ моімъ-..
аш҃те да҃доу солъжѫ-..

сѣмѩ его въ вѣкꙑ прѣбѫдетъ-.. Ї прѣстолъ его ѣко слъньце прѣдо мъноѭ-.. Ї ѣко лоуна съвръшена въ вѣкъ-.. И съвѣдѣтель на б҃сі вѣренъ-..

діѣпъсалъма

Тꙑ же отърінѫ і оунічьжі-..
Отъвръже х҃а своего-

Ли прѣжде Разорілъ есі завѣтъ раба твоего-..
Осквръні на земли свтꙑнѫ его-..

Разорілъ есі вьсѩ оплотꙑ его-..
Положілъ есі твръдь его страхъ-..

Расхꙑштахѫ і вьсі мімоходѩшті пѫтемь-..
бꙑстъ поношенію сѫсѣдомъ своімъ-..

Възнесе десніцѫ сътѫжаѭштіхъ емоу-..
Възвесели вьсѩ врагꙑ его-..

Възвратілъ еси помошть орѫжіѣ его-..
Ї не застѫпі его въ день брані-..

Разорілъ есі отъ очиштені его-..
прѣстолъ его на землі повръже-..

Оумалилъ есі день врѣмені его-..
Облиѣлъ и есі стоудомь-..
ДІѢПЪСАЛМА-.

Доколѣ г҃і отъвраштаеші сѩ въ конець-..
разгорітъ сѩ ѣко огнь гнѣвъ твоі-..

Помѣні каѣ моѣ иупостась-
Еда вьсоуе созъда снꙑ чл҃овѣчѩ-.

Къто естъ чл҃овѣкъ іже пожіветъ-. Ї не оузьрітъ съмръті-.
Їзбавітъ д҃шѫ своѭ из-д-рѫкꙑ адовꙑ-..

Къде сѫтъ милості твоѩ древьнѩѩ г҃і-.. Їміже клѩтъ сѩ д҃адоу рѣснотоѭ твоеѭ-.

Помѣні г҃і поношеніе рабъ твоіхъ-.. еже оудръжахъ въ нѣдрѣхъ моіхъ-.. мъногъ ѩзꙑкъ-.. Еже поносішѩ враѕѣ твои г҃і-. еже поносішѩ ізмѣніе х҃а твоего-..

Бл҃агонъ г҃ь: въ вѣкъ.-..
бѫдетъ
бѫдетъ-..
слав

Ps 89

п ѳ
МОЛІТВА МОСѢОВА ЧЛ҃КА БЖ҃ІѢ-
Гі҃ прібѣжіште бꙑстъ намъ въ родъ и родъ-..

прѣжде даже горꙑ не бꙑшѩ-.. ї созъда сѩ землѣ і оуселенаѣ-.. И отъ вѣка и до вѣка тꙑ есі-.

Не възвраті чловѣка во съмѣреніе-..
Ї рече
обратіте сѩ сн҃ві чл҃вчі-..

Ѣко тꙑсѩшті лѣтъ прѣдъ очима твоіма г҃і-. И ѣко день вьраштьне-и-же мимоідетъ-.. і стража ноштьнаѣ-.

Оунічьженіѣ бѫдѫтъ лѣта іхъ-..
ютро ѣко трѣва мімоідѫтъ-..

Ютро процвьтѫ и прѣідетъ на вечеръ-..
Ѡтъпадетъ
ожестѣетъ і исъхнетъ-..

Ѣко ісконьчахомъ сѩ гнѣвомь твоімь-.. И ѣростьѭ твоеѭ съмѩсомъ сѩ-.

Положілъ есі безаконеніѣ наша прѣдъ собоѭ-.. вѣкъ нашь въ просвѣштеніе лица твоего-...

Ѣко вьсі дьні наші оскодѣшѩ-..
Ї гнѣвомь твоімь ісконьчахомъ сѩ-..
Лѣта наша ѣко паоучина пооучаахѫ сѩ-..

дьние лѣтомъ нашімъ-.. Въ ніхъже о҃ лѣтъ-.
Аште ли же въ селѣхъ ихъ п҃҃ лѣтъ-.
И боле ихъ троудъ і болѣзнь-..
Ѣко наиде кротость на нꙑ и накажемъ сѩ-..

Къто съвѣстъ дръжавѫ гнѣва твоего-...
Ї отъ страха твоего ѣрость твоѭ иштісті-..

Десніцѫ твоѭ тако съкажі мі-.. Ї икованꙑѩ сц҃емь і мѫдростіѭ-.

Обраті сѩ г҃і
доколиѣ-.-..
Ї оумоленъ бѫді на рабꙑ своѩ-.
Оутѣші

Їсплъніхомъ сѩ ютро мілості твоеѩ г҃і-..
И въздрадовахомъ сѩ и възвеселихомъ сѩ-.
во вьсѩ дьні нашѩ възвеселіхомъ сѩ-.. за дьни вь нѣже лѣ съмѣрілъ нꙑ есі.- лѣта вь нѣже відѣхомъ зълаа-..

Ї прізьрі на рабꙑ твоѩ і на дѣла твоѣ-..
И наставі сн҃ꙑ ихъ-..

Ї бѫді свѣтълость г҃і б҃а нашего на насъ-.
Ї дѣла рѫкъ нашіхъ ісправі на насъ-.
и дѣла рѫкъ нашіхъ ісправи-.

Ps 90

ХВАЛА ПѢНІѢ ДА҃ВА
Живѫі въ помошті въшьнѣго:-. Въ кровѣ б҃а нб҃сьнаего въдворітъ сѩ-..

Речетъ б҃оу
застѫпьнікъ моі есі тꙑ-.. і прібѣжіште мое-. б҃ъ моі
оупъваѭ на нь-..

Ѣко тъ ізбавітъ мѩ отъ сѣті ловьчѩ-.. і отъ словеси мѩтежьна-.

Плештема своіма осѣнітъ тѩ-..
Ї подъ крілѣ его надѣеші сѩ-..
Шітъмь обідетъ рѣснота его-..

не оубоіши сѩ отъ страха ноштьнаего-. от рѣлꙑ летѩштѩ вь день-.. Отъ вешті во тъмѣ прѣходѩштѩѩ-.. ото сърѩштѩ і демона полоудьнѣего-..

Падетъ отъ странꙑ твоеѩ тꙑсѩшті-.. Ї тъма о деснѫѭ твоѭ-..
къ тебѣ не прістѫпітъ-..

Обаче очима своіма съмотріші-..
Ї възданіе грѣшьнікомъ оузьріши-..

Ѣко тꙑ есі г҃і оупъваніе мое-..
вьішьнѣго положілъ есі прібѣжіште твое-..

не прідетъ къ тебѣ зъло-..
Ї рана не прістѫпітъ тѣлесі твоемь-.

Ѣко ан҃гломъ своімъ заповѣстъ о тебѣ-.. съхраніті тѩ во вьсѣхъ пѫтехъ твоіхъ-..

На рѫкахъ возъмѫтъ тѩ-.. еда когда прѣтъкнеши о камень ногѫ твоѭ-..

На аспідѫ і васільскаа настѫпіші-..
І попереші льва і змьѣ-...

Ѣко на мѩ оупъва ізбавлѫ і-.
покрꙑѭ і ѣко позна імѩ мое-..

Възоветъ ко мнѣ и оуслꙑшѫ і-..
съ німь есмь въ скръбі-..
Изъмѫ і прославлѭ і-..

длъготѫ дьнеі исплънѫ і- и авлѭ емоу спніе мое-..

Ps 91

СЛАВ:
СѢЛ҃НО
ПЪСЛ҃МЪ-.
ПѢНІИ ВЪ ДЕНЬ СѪБТѢ-.
ч҃҃҃ а҃҃҃

Благо естъ ісповѣдаті сѩ г҃ю-.. Ї пѣті имѩ твое вꙑшьнеі-.. Възвѣштаті ютро мілость твоѭ-.. І рѣснотѫ твоѭ на вьсѣкѫ ношть-.. Въ десѩтистроуньнѣ пъсалътъирі съ пѣсньѭ въ глѫсехъ-..

Ѣко възвеличілъ мѩ есі г҃і тварьѭ твоеѭ-..
І въ дѣлѣхъ рѫкѫ твоеѭ въздрадоуѭ сѩ-..

Ѣко възвеличішѩ сѩ дѣла твоѣ г҃і-..
ѕѣло оуглѫбішѩ сѩ помꙑшленіѣ твоѣ-..

Мѫжь безоуменъ не познаетъ-.. Ї неразоумівъ не разоумѣетъ сіхъ-.. Егда прозѩбнѫшѩ грѣшьніці. ѣко трѣва-.. Ї възнікѫ вьсі творѩштіи безаконніе-. ѕ҃ї лапоть Да потрѣбѩтъ сѩ въ вѣкъ вѣка-

тꙑ же въшьнеі въ вѣкъ г҃і-..-

Ѣко се враѕі твоі г҃і-..
Ѣко се враѕі твоі погꙑбнѫтъ- І разідѫтъ сѩ вьсі творѩштіи безаконеніе-..

Ї вьзнесетъ сѩ ѣко инорогъ рогъ звѣрь сіленъ моі-..
Ї старость моѣ въ олѣѣ мастітѣ-.

И возьрѣ око мое на врагꙑ моѩ- ї на въстаѭштѩ на мѩ-..
лѫкавъноуѭштѩѩ оуслꙑтъ оухо мое-..

Праведьнікъ ѣко пінікъ съ провьтетъ-.
ї ѣко кедрі ліванъскꙑѩ тіса оумъножѩтъ сѩ-.

Насаждені въ домоу гн҃і-.. въ дворѣхъ б҃а нашего процвьтѫтъ-.

Еште оумъножѩтъ сѩ въ старості мастітѣ-..

Ї добропріемлѭште бѫдѫтъ да възвѣстѩтъ-.. Ѣко
правъ г҃ь б҃ъ нашъ-..
Ї нѣстъ неправъдꙑ въ немь-..

Ps 92

ДА҃ВА ПѢНІѢ ХВАЛЪНАѢ
ВЪ ДЬНІ ПРЪВЪІѨ СОБОТѢ
ЕГДА НАСЕЛІ СѨ ЗЕМЛѢ-..
ч҃҃ в҃҃
Гь҃ вьцр҃і сѩ
въ лѣпотѫ сѩ облѣче-..
облѣче сѩ г҃ь вь сілѫ и прѣпоѣса сѩ-.
Їбо оутвръді оуселенѫѭ:-. Ѣже не подвіжітъ сѩ-..

Готовъ прѣстолъ твоі отътолѣ-..
ї до вѣка тꙑ есі-..

Въздвігѫ рѣкꙑ г҃і-..
въздвігѫ рѣкꙑ гласꙑ своѩ-..
възъмѫтъ рѣкꙑ строугꙑ своѩ отъ гласа водъ мъногъ-.

Дивьнꙑ вꙑсотꙑ морьскꙑѩ
дивенъ въ вꙑшьніхъ г҃ь-..

Съвѣдѣніѣ твоѣ оувѣришѩ сѩ ѕѣло-..
Домоу твоемоу подобаетъ ст҃ꙑні г҃і въ длъготѫ дьнеі

Ps 93

ПЪСЛМЪ ДА҃ВЪ
ВЪ ЧЕТВРЪТОКЪ СОБОТѢ-.
ч҃ г҃
Бъ҃ мъсті г҃ь).
б҃ъ мьстіи не обінѫлъ сѩ естъ-..

Възнесі сѩ сѫдѩі землі-..
въздаждь възданіе гръдꙑмъ-..

Доколѣ грѣшьніці г҃і)..
доколѣ грѣшьніці въсхвалѩтъ сѩ-..

провѣштаѭтъ і възглаголѭтъ неправъдѫ-..
възглаголѭтъ вьсі дѣлаѭштеі безаконеніе-..

Люди твоѩ г҃і съмѣрішѩ-..
Ї достоѣніе твое озълобішѩ-.

Въдовіцѩ і сіра оуморишѩ-..
Ї прішельца оубишѩ-..

Ї рѣшѩ
не оузьрітъ г҃ь)..
ні разоумѣетъ б҃ъ іѣковль-..

Разоумѣіте безоумьніі въ людехъ)..
Ї боуіі когда оумѫдріте сѩ-..

Въсаждеї оухо не слꙑшітъ ли-.
Лі созъдавоі око не съмотрітъ:-.

Наказаѩі ѩзꙑкꙑ не обличітъ лі-..
оучѩі чловѣка разоумоу-..

Гь҃ съвѣстъ помꙑшленіѣ чл҃ча-.. ѣко сѫтъ соуетьна

Блаженъ чл҃вѣкъ егоже тꙑ накажеші г҃і-.. Ї отъ закона твоего наоучіші і:-

Да оукротіши отъ денъ лютъ-. доіжде іздрꙑетъ сѩ грѣшьноумоу ѣма-..

Ѣко не отърінетъ г҃ь людеї своіхъ-.. Ї достоѣніѣ своего не оставітъ-.. Доиждеже правъда обратітъ сѩ на сѫдъ-. Ї ѩдѣ еѩ вьсі праві сръдьцемь-.

Къто въстанетъ мнѣ на зълобоуѭштѩѩ-.. лі къто со мъноѭ станетъ на творѩштѩѩ безаконеніе-.

Ѣко аште не бі г҃ь помоглъ мнѣ-.. въ малѣ въселіла сѩ би въ адъ д҃ша моѣ-..

Аште гл҃ахъ подвіжа сѩ нога моѣ-.. Мілость твоѣ г҃і помагаше мьнѣ-.

По оумъноженію болѣзнеі моіхъ- въ сръдьці моемь-.. Оутѣшениѣ твоѣ възвеселишѩ мѩ-.

Да не прібѫдетъ тебѣ прѣстолъ безаконеніѣ-.. съзідаѩ троудъ на повелѣніе-.

Оуловѩтъ на д҃шѫ праведьнічѫ:- Ї кровь неповіньнѫ осѫдѩтъ-..

ї бꙑстъ мьнѣ г҃і въ прібѣжіште-.. Ї б҃ъ моі въ помошть оупъванію моемоу-..

Ї въздастъ імъ г҃ь безаконение іхъ-.. ї по зълобѣ іхъ-..
погоубітъ іхъ г҃ь б҃ъ нашь-..
СЛАВ

Ps 94

ч҃ д҃
ХВАЛА ПѢНІѢ ДА҃ВА
Прідѣте
въздрадоуімъ сѩ г҃ю:-.
Въсклікнѣмъ б҃оу сп҃оу нашемоу-..

Варімъ ліц-е-го ісповѣданіимь-..
ї въ пъсалъмѣхъ въсклікнѣмъ емоу-..

Ѣко б҃ъ велеі и г҃ь:-. ї ц҃рь велеі по вьсеі землі-..

Ѣко вь рѫцѣ его коньці землѩ:-.
Ї вꙑсотꙑ горъ того сѫтъ-.

Ѣко того естъ море.
і тъ сътворі е:-.
Ї соушѫ рѫцѣ его созъдасте

Прідѣте
поклонімъ сѩ і пріпадѣмъ емоу-..
Ї въсплачимъ сѩ прѣдъ г҃мь-.. їже нꙑ естъ сътворілъ:-.:

Ѣко тъ естъ б҃ь нашь-..
ї мꙑ людие паствінꙑ его-.. ї овьцѩ рѫкоу его-..

Дьнесь аште гласъ его оуслꙑшіте- не ожестіте сръдець вашіхъ-. ѣко въ прогнѣваніі-.. По дьни іскоушениѣ въ поустꙑні:- Їже іскоусішѩ мѩ оц҃і ваші.-

їскоусішѩ мѩ і відѣшѩ дѣла моѣ-..

Четꙑрі десѩти лѣтъ негодовахъ рода того-..
Ї рѣхъ
прісно блѫдѩтъ сръдьцемь:-..
Ті же не познашѩ пѫтеі моіхъ:-

ѣко клѩсъ сѩ въ гнѣвѣ моемь
ѣште вънідѫ въ покоі мои:-..

Ps 95

ч҃҃ е҃
ЕГДА ХРАМІ ЗЪДАШѨ СѨ ПЛѢННІЮ
ПЪСЛМЪ ДА҃ВЪ
Въспоіте г҃ю пѣснь новѫ:-.
Въспоіте г҃ю вьсѩ землѩ-.

Въспоіте г҃ю и бл҃те імѩ его-..
бл҃те день ото дьні сп҃ні-е-го

Възвѣстіте въ ѩзіцѣхъ славѫ его-.. Въ вьсѣхъ дѣлѣхъ чюдеса его-..

Ѣко б҃ъ велеі и хваленъ ѕѣло:-
страшенъ естъ надо вьсѣмі бг҃ъі-..

Ѣко вьсі бѕ҃і ѩзъікъ демоні-.
г҃ь же нб҃са створі
Їсповѣданіѣ красотѣ прѣдъ німь-.

св҃тъіні вельлѣпота вь свѣтілѣ его-..

Прінесѣте г҃ю отечьства ѩзъікъ-.. Прінесѣте г҃ю славѫ і чѩѩсть:-

Прінесѣте г҃ю славѫ імені го-
Възъмѣте жрътвъі
въходіте въ дворъі его-..

Поклоніте сѩ г҃ю въ дворѣ ст҃ѣмь его):
да подвіжітъ сѩ отъ лица его вьсѣ землѣ-..

Рьцѣте въ ѩзъіцѣхъ ѣко
г҃ь въцѣcарі сѩ-..
Їбо исправі въселенѫѭ ѣже не подвіжітъ сѩ
Сѫдітъ людемъ въ правъдѫ

да веселѩтъ сѩ нб҃са і радоуетъ сѩ землѣ-..
Да подвіжітъ сѩ море їсплъні-е-го-

Въздрадоуѭтъ сѩ полѣ:-Ї вьсѣ ѣже въ ніхъ сѫтъ-..
Тогда въздрадоуѭтъ сѩ вьсѣ дрѣва дѫбровьнаѣ-.. Ѡтъ ліца гн҃ѣ
ѣко грѩдетъ-..
Ѣко грѩдетъ сѫдитъ землі-.. Сѫдиті въселенѣі въ правъдѫ-.. Ї людемъ рѣснотоѭ своеѭ-..

Ps 96

ч҃ ѕ҃
ПѢСНЬ ДА҃ВА ЕГДА ЗЕМЛѢ ЕГО ОУСТРОІ сѩ-
Гь҃ въцѣсарі сѩ
да радоуетъ сѩ землѣ-..
Да възвеселѩтъ сѩ оц҃и мъноѕі-.

Ѡблакъ і мракъ окръстъ его-..
правъда ї сѫдъ исправленіе прѣстола его-.

Ѡгнь прѣдъ німь прѣді ідетъ і попалитъ окръ врагъі его-..

Ѡсвѣтішѩ млъніѩ его въселенѫѭ-..
відѣ і подвіжа сѩ землѣ-..

Горъі ѣко воскъ растаашѩ сѩ отъ лица гн҃ѣ). ѡтъ лица г҃ѣ вьсеѩ землѩ-.

Възвѣстішѩ неб҃са правъдѫ его:-.
Ї відѣшѩ вьсі людіе славѫ его-.

Да постъідѩтъ сѩ вьсі кланѣѭштеі сѩ істоуканьімъ-.. хвалѩштеі сѩ о ідолѣхъ своіхъ-..
поклоніте сѩ емоу вьсі анг҃лі его-..

Оуслъіша і възвеселі сѩ сіонъ-..
Ї въздрадовашѩ сѩ дъштері іюдѣіскъі-. Сѫдобъ твоіхъ ради г҃і).

Ѣко тъі г҃ь въішьнеі по вьсеі землі-.:
ѕѣло прѣвьзнесе сѩ надо вьсѣмі бг҃ъі

Любѩштеі г҃ѣ ненавідите зъла-.
хранітъ г҃ь дш҃ѩ прѣподобьнъіхъ своіхъ-..
Їз-д-рѫкъі грѣшьникъ їзбавітъ ѩ-.

Свѣтъ восіѣ праведьнікоу).. ї правъімь сръдьцемь веселие-..

Възвеселите сѩ праведьні о г҃і-..
Їсповѣдіте памѩть с҃тъінѩ его.- .-
СЛАВ

Ps 97

ПЪ҃ЛМЪ ДА҃ВЪ
Въспоіте г҃ю пѣснь новѫ-..
ѣко дивьна створі г҃ь-..
Сп҃е і десніца его).. і мъішьца ст҃аѣ аего-..

Съказа г҃ь сп҃ніе свое прѣдъ ѩзъікъі):
ѡкръі правъдѫ своѭ-.

Помѣнѫ мілость своѭ іѣковоу-.. ї рѣснотѫ своѭ домоу їи҃лвоу
Видѣшѩ вьсі коньці землѩ-. сп҃ніе б҃а нашего-. ..

Въскликнѣте г҃ю вьсѩ землѩ-..
въспоіте і радоуіте сѩ і поіте-.

Поіте бо҃у нашемоу въ глѫслехъ.- въ глѫслехъ і въ гласѣ пъсаломьстѣ-.. Въ трѫбахъ кованахъ-.. і гласомь трѫбъі рожѣнъі-.

Въсклікнѣте прѣдъ цр҃мь гм҃ь-.

да подвіжітъ сѩ море їсплънени-е-го-.. оуселенаѣ і вьсі жівѫштеі на неі

Рѣкъі въсплештѫтъ рокамі въкоупѣ-..
горъі въздрадоуѭтъ сѩ отъ ліца гн҃ѣ
ѣко грѩдетъ-..

ѣко прідетъ сѫдиті землі-.. Сѫдіті въселенѣі въ правъдѫ-.. ї людемъ правостіѭ.-

Ps 98

ч҃ и҃
ПЪСЛМЪ ДА҃ВЪ
Гь҃ вьцѣс҃рі сѩ
да гнѣваѭтъ сѩ людие-..
сѣдѩі на хіровімѣ
да подвіжітъ сѩ землѣ-..

Гь҃ вь сіонѣ велеі и въісокъ естъ-.. надо вьсѣмі людьмі-..

Да ісповѣдѩтъ сѩ імені твоемоу великоумоу-..
ѣко страшенъ і с҃тъ естъ-..

и честь цр҃ѣ сѫдъ любитъ-.
Тъи оуготова правъінѭ сѫдъ-..
і правъдѫ въ иѣковѣ сътворі-..

Възносіте г҃а б҃а нашего-..
ї кланѣіте сѩ подъножию ногоу его-.
ѣко ст҃ъ естъ-..

Моси і аронъ въ іерѣіхъ его-..
і самоіль въ прізъіваѭштіхъ імѩ его-..
Прізъівахѫ г҃ѣ
тъ слъішаше ѩ-..

въ стлъпѣ облачьнѣ гл҃аше къ німъ-..
Ѣко хранѣхѫ съвѣдѣніѣ его-.. і повелѣніѣ его ѣже дастъ імъ-..

Гі҃ б҃же нашь тъі послоушааше іхъ-.
б҃ъ тъі мілостівъ бъивааше імъ-.. і мъштаѩ на вьсѣ начинаніѣ іхъ-..

Възносіте г҃ѣ б҃а нашего-..
и кланѣіте сѩ въ горѣ ст҃ѣі его-..
ѣко с҃тъ естъ г҃ь б҃ъ нашь-.

Ps 99

ч҃ ѳ҃
ПЪС҃ЛМЪ ДА҃ВЪ ВЪ ІСПОВѢДАНИІ-.
Въскликнѣте бо҃у вьсѩ землѩ-..

работаіте г҃ю въ веселиі-..
Вънідѣте прѣдо нь въ радості-..

Оувѣдіте ѣко г҃ь естъ б҃ъ нашь-.
Тъ створі нъі а не мъі себе-..
мъі же людие его-.. і овьцѩ паствінъі его-.

Вънідѣте въ врата его въ исповѣданіихъ-.. Въ дворъі его въ пѣниіхъ-..
Їсповѣдаіте сѩ емоу-..
хваліте імѩ его.

ѣко благъ г҃ь-..
въ вѣкъ мілостъ его-..
і до рода рѣснота его-..

Ps 100

р҃
ПЪС҃ЛМЪ ДА҃ВЪ
Милость і сѫдъ поѭ тебѣ г҃і-..

въспоѭ і разоумѣѭ въ пѫті непорочьнѣ:-.
когда прідеші ко мьнѣ-..
Прѣхождаахъ въ незълобѣ сръдьца моего-.. посрѣдѣ домоу моего-..

Не прѣдьлагахъ прѣдъ очіма моіма-.. вешті законопрѣстѫпьнъі-..
творѩштѩѩ законопрѣстопленіе възненавідѣхъ-..
Не прільпе мьнѣ сръдьце лѫкаво-..

оукланѣѭштаа сѩ отъ мене зълаго не знахъ

Ѡклеватаѭштаго таі искрънѣго своего-.. сего въігънахъ)
гръдомь окомь і несъітьномь ср҃дцемь съ сімь не ѣдѣахъ-..

Ѡчи моі на вѣрьнъіѩ землі-.. посаждаті съ собоѭ-..
Ходѩі по пѫті непорочьноу сь мі слоужаше-..

не жівѣше посрѣдѣ до моего творѩі гръдъінѫ).
гл҃ѩі неправедьнаа не ісправлѣше прѣдъ очима моіма-..

На оутрьѣ ізбіваахъ вьсѩ грѣшьнъіѩ землі-.
да потрѣблѭ отъ града гн҃ѣ вьсѩ творѩштѩѩ безакон҃нье:- -.
СЛАВ,

Ps 101

р҃ а
з҃ї
МОЛИТВА НІЩАГО
ЕГДА ОУНЪІЕТЪ ПРѢДЪ ГМ҃Ъ ПРОЛѢЕТЪ МОЛІТВѪ СВОѬ

Гі҃ оуслъіші молітвѫ моѭ:
И въпль моі къ тебѣ да прідетъ:

Не отъвраті лица твоего: отъ мне: Въ нъже денъ тѫжѫ
пріклоні ко мнѣ оухо твое:--
Въ нъже денъ прізовѫ тѩ. ѩдро оуслъіші мѩ:. --

Иде ичезѫ ѣко дъімъ дьні моі:.
ї кості моѩ ѣко соушіло сосъхѫ сѩ: --

Побьенъ бъіхъ ѣко сѣно и-съше срд҃це мое:
ѣко забъіхъ сънѣсти хлѣбъ мои: -

Ѡтъ гласа въздъіханьѣ моего: прільпе кость моѣ плъти моеі: -

Оуподобихъ сѩ неѩсъіті поустъінѣі:
Бъіхъ ѣко нощънъі вранъ на нъірищі: -

Забьдѣхъ і бъіхъ ѣко пьтіца собѩщиѣ сѩ на зъдѣ: --

Вьсъ денъ поношаахѫ ми враѕи моі:.
и хвалѩщи сѩ мноѭ: клънѣахѫ сѩ:

Иде попелъ ѣко хлѣбъ ѣсъ: И пітье мое съ плачемъ растварѣахъ: -- Ѡтъ ліца гнѣва твоего и ѣрості твоеѩ:

Ѣко възнесъ нізъвръже мѩ: -

Дънье моі ѣко сѣнъ оуклонішѩ сѩ:.
И азъ ѣко сѣно исохъ: --

Тъі же г҃і вь вѣкъ прѣбъіваеші: и памѩ-т-воѣ вь родъ і родъ: -

Тъі вьскресъ помилоуеші сиона:
Ѣко врѣмѩ помиловаті:
Ѣко приде врѣмѩ:-

Ѣко благоволішѩ рабі твоі камень-е-го: И пръстъ его оущедрѩтъ:-

И оубоѩтъ сѩ ѩзъіці имені гн҃ѣ: И вьсі цр҃і земьни славъі твоеѩ: ---

Ѣко съзіждетъ г҃ъ сиона: И ѣвітъ сѩ вь славѣ своеі: ---

Прізьрѣ на молітво съмѣренъіїхъ:.
И не оунічьжі моленьѣ ихъ: -

Да напишѫтъ сѩ си вь родъ інъ: -
Ї людье зиждеми вьсхвалѩтъ г҃ѣ: -

Ѣко прініче съ въісотъі ст҃ъіѩ своеѩ:
Гъ҃ съ нс҃и на землѭ прізьрѣ:.. - Оуслъішаті вьздъіханіе окованъіхъ: Раздрѣшіті сн҃ъі оумръщвенъіхъ: -- Възвѣстіті вь сионѣ їмѩ гн҃е:. и хвалъі его въ їи҃мѣ: - Егда сънъмѫтъ сѩ людье вькоупѣ: И цр҃і работаті г҃ю: -

Отъвѣща емоу на пѫті крѣпості своеѩ:
Оумаленье днеі моіхъ звѣсті мнѣ:

Не вьзведі мне вь прѣполовленье дънеі моіхъ:
Въ родъі родъ лѣта твоѣ:.

Въ начѩтокъ тъі г҃і землѭ осънова:
И дѣла рѫкоу твоею сѫтъ не҃са: --

Та погъібнѫтъ
тъі же прѣбъіваеші:
И вьсѣ ѣко різа обетъшаѭтъ: -
И ѣко одѣало съвьеши ѣ ї измѣнѩтъ сѩ:

Тъі же самъ еси.
и лѣта твоѣ исконьчѣѭтъ сѩ: -

Сн҃ове рабъ твоіхъ веселѩтъ сѩ:
и сѣмѩ іхъ вь вѣкъ исправітъ сѩ:

Ps 102

р҃ в
ПСАЛМЪ ДА҃ДО҃ВЪ҃
Бл҃си: дш҃е моѣ г҃ѣ:
и вьсѣ вьнѫтрънѣа мое імѩ ст҃ое его:.

Бл҃си дш҃е моѣ г҃ѣ:
и вь
И не забъіваи вьсѣхъ въздаанеі его:. - Оцѣщаѭштаго вьсѣ безаконьньѣ твоѣ: исцѣлѣѭща вьсѩ недѫгъі твоѩ Избавлѣѭщаго отъ истьлѣньѣ животъ твоі: Вѣнъчаѭщаго тѩ милостьѭ щедротамі: -- Исплънѣѭщаго благъіими похоть твоѭ:

Обновитъ сѩ ѣко орълѣ юностъ твоѣ:. --

Творѩ милостъінѭ г҃ь: И сѫдъбѫ вьсѣмъ обідімъимъ: --

Съказа пѫті своѩ мосѣѡ.ю: Сн҃омъ їи҃левомъ хотѣньѣ твоѣ: -

Щедръ мілостівъ г҃ъ тръпѣлівъ: и прѣмілостівъ: --

Не до коньца прогнѣваетъ сѩ:
Ні вь вѣкъ вражьдоуетъ: --

Не по безаконъемъ нашімъ: сътворілъ естъ намъ:
Ні по грѣхомъ нашімъ вьздастъ намъ:..-

Ѣко по въісотѣ нб҃нѣи отъ землѩ: Утвръділъ естъ г҃ь милостъ своѭ на боѩщихъ сѩ его: -

Ель далече отъстоѩтъ вьстоці отъ западъ: Оудалілъ естъ отъ насъ безаконньѣ наша: --

Ѣкоже милоуетъ от҃цъ сн҃ъі: Помілоуетъ г҃ь боѩщѩѩ сѩ его: --

Ѣко тъ позна созъданье наше:
Помѩнѫ ѣко пръсть есмъ:: ---

Чл҃къ ѣко трава днь-е-го:
Ѣко цвѣтъ тако отъцвьтетъ:. -

Ѣко дх҃ъ проідетъ вь немъ: И не бѫдетъ:
И не познаетъ къ томоу мѣста своего: ---

Милостъ же гн҃ѣ отъ вѣка: І до вѣка на боѩщіихъ сѩ его:.. -

И правьда го н сн҃охъ сн҃въ: Хранѩщіихъ завѣтъ его: И помьнѩщихъ заповѣді его творіті ѩ: -

Гь҃ нс҃і оуготова прѣстолъ свои:
и цр҃ествіе его вьсѣмі обладаетъ:-

Бл҃гте г҃ѣ вьсі ан҃глі его: Силъніи крѣпостьѭ творѩще слово его: Оуслъішаті гласъ словесъ его: ---

Бл҃агте г҃ѣ вьсѩ сілъі его:. слоугъі его творѩще волѭ его: -

Бл҃гте г҃ѣ вьсѣ дѣла его: На вьсѣкомъ мѣстѣ
владъічествіе его: - въ въісокѫ славѫ
Бл҃гстви дш҃е моѣ г҃ѣ::
СЛАВА: -

Ps 103

р҃ г
ПСАЛМЪ ДА҃ДО҃ВЪ О ТВАРІ ВЬСЕГО МИРА: -
Бл҃гси дш҃е моѣ г҃ѣ:
г҃і бж҃е мои вьзвелічілъ сѩ еси ѕѣло: -
Въі-исповѣданъе: И вьллѣпотѫ облѣче сѩ одѣѩи сѩ свѣтомъ ѣко и різоѭ: -- Пропинаѩи неба ѣко и кожѫ: Покръіваѩ водамі прѣвъіспрънѣ его:- Полагаѩи облакъі въі-исхо-жденье свое: Ходѩи на крилу вѣтрьню:- Творѩ ан҃глъі своѩ дх҃ъі: И слоугъі своѩ огнь палѩщь: - Оснъіваѩи землѭ на твръді своеі:

Не прѣклонитъ сѩ въ вѣкъ вѣкоу: ---

Бездъна ѣко и різа одѣние еѩ: -
На горахъ станѫтъ въдъі: -

Ѡтъ запрѣщеньѣ твоего побѣгнѫтъ:
Отъ гласа грома твоего оустрашѩтъ сѩ: -

Вьсходѩтъ горъі
нізъходѩтъ въ полѣ: Въ мѣсто еже есі осъновалъ імо:. --

Прѣдѣлъ положи егоже не прѣідѫтъ: ни обратѩтъ сѩ покръітъ землѩ: --- Посъілаѩ источьнікъі во дьбрехъ:

Посрѣдѣ горъ проідѫтъ водъі: -

Напоѩтъ вьсѩ звѣрі сілънъіѩ:
Жидѫтъ аонагрі въ жѩждѫ.. своѭ: ---

На тъі пьтіцѩ нб҃нъіѩ прівітаѭтъ:.
Отъ срѣдъі камьньѣ дадѩтъ гласъ:

Напаѣѩ горъі отъ прѣвъспръніхъ своіхъ:
Отъ плода дѣлъ твоіхъ насъітітъ сѩ землѣ: -

Прозѩбаѩи пажитъ скотомъ ї травѫ на слоужьбѫ чл҃кмъ:- Їзвесті хлѣбъ отъ землѩ:

и вино вьзвеселитъ ср҃дце чл҃коу:- Оумастіті ліце олѣимъ:
и хлѣбъ ср҃дце чл҃ку оукрѣпитъ:

Насъітѩтъ сѩ дрѣва польскаа: Кедръі ліванъскъі-ѩ-же есі насадилъ: ---
Стръкъ

Тоу пьтіцѩ оугнѣздѩтъ сѩ:.
Еродово жіліще обладаетъ іми: ---

Горъі въісокъіѩ еленемъ:
Каменъ прібѣжіще заѩцемъ.. -

Сътворілъ есі лоунѫ вь врѣмна
Слънъце позна западъ свої: -

Положилъ есі тьмѫ ї бъістъ нощъ: Въ неже прѣідѫтъ вьсі звѣрье лѫжьни: --

Скоумені рікаѭще вьсхъітеіте: -
Ї испросіте оу б҃а піщѫ себѣ: --

Въсіѣ слънъце и собьрашѩ сѩ:
И вь ложихъ своіхъ лѩгѫтъ: ---

Изіде чл҃къ на дѣло свое: И на дѣланьѣ своѣ до вечера: -

Ѣко възвеличишѩ сѩ дѣла твоѣ г҃і. -
Всѣ прѣмѫдростьѭ створи: -
Исплъні сѩ землѣ тварі твоеѩ:

Се море велікое пространое: --
Тоу гадіи імъже нѣстъ чісла Животънаа малаа съ велікъіми: -

Тоу кораблі прѣплаваѭтъ: -
Змъи сь їже съзъда рѫгаті сѩ емоу: ----

Вьсѣ отъ тебе чаѭтъ: Да дасі пищѫ імъ въ благо врѣмѩ: -

Давъшю тебѣ імъ съберѫтъ:
Отъвръзъшю же тебѣ рѫкѫ вьсѣчъскаа: Їсплънѩтъ сѩ благості: --

Отъвращьшю же тебѣ лице възмѩтѫтъ сѩ:
Отъімеші дх҃ъ іхъ ї ищезнѫтъ: И въ пръстъ своѭ възвратъ сѩ.. -

Посълеші дх҃ъ своі
съзіждѫтъ сѩ:
И обновіші ліце землі: -

Бѫді слава гн҃ѣ вь вѣкъ:
Възвеселітъ сѩ г҃ъ о дѣлѣхъ своихъ: - Прізіраѩ на землѭ творѩ ѭ трѩсті сѩ:. Прікасаѩи сѩ горахъ въскоурѩтъ сѩ: -

Въспоѭ гв҃і въ жівотѣ моемъ:.
Поѭ бо҃у моемоу доідеже есмъ.: ---

Да насладитъ сѩ емоу бесѣда моѣ:
Азъ же възвеселѭ сѩ о г҃і: -

Исконъчаѭтъ сѩ грѣшьніці отъ землѩ: И безаконніці: Ѣко не бъіті имъ:.
СЛАВА:
Бл҃гси дш҃е моѣ г҃ѣ:
АЛЛЕЛОУГЬѢ: -

Ps 104

р҃ д
Їсповѣдаіте сѩ гв҃і:
Ї прізъіваіте імѩ го: --
Възвѣстіте въ ѩзъіцѣхъ дѣла его: ---

Въспоіте емоу і поіте емоу:.
Повѣдіте въ вьсѣхъ людехъ чюдеса его:.. -

Хваліте сѩ въ імѩ ст҃ое его: --
Да вьзвеселітъ сѩ ср҃дце искѫщимъ г҃ѣ: ---

Възіщѣте г҃ѣ и оутвръдіте сѩ:
Възіщѣте ліцѣ его въінѫ: -

Помѩнѣте чюдеса его ѣже сътвори: Дівеса его и сѫдъбъбъі оустъ его:. - Сѣмѩ авраамле раби его: Сн҃і иѣковлі їзбъраніі его:. -

Тъ г҃ъ б҃ъ нашъ:
по вьсеі землі:. сѫдъбъі его:

Помѩнѫ въ вѣкъ завѣтъ своі: Слово еже заповѣдѣ въ тъісѫщі рода:. -- Еже завѣща авраамоу: Ї клѩтвѫ своѭ исаакоу: ---

И поставі иѣковоу повелѣнье: Ї-ил҃ю въ завѣтъ вѣченъ: --- Гл҃ѩ

тебѣ дамъ землѭ ханаановѫ: Ѫже достоѣньѣ вашего:. --

Зане бѣшѩ мало чісломъ:
Немноѕи прішельці вь неі: --

И прѣідѫ отъ ѩзъіка вь ѩзъікъ:. И отъ цр҃ъства вь люді інъі:. --

Не оставі чл҃ка обидѣті іхъ:
Ї облічі о ніхъ цр҃ѩ: --

Не прікасаите сѩ хръстѣхъ моїхъ:
И о пророцѣхъ моіхъ не лѫкавьноуіте:. --

И прізъва гладъ на землѭ:.
Вьсе оутвръжденье хлѣбьное сътрь..: -

Посъла прѣдь німі чл҃ка:
Въ работѫ проданъ бъістъ їосіфъ: --

Въмѣрішѩ въ оковехъ ноѕѣ его:
Желѣзо проіде дш҃а его: - Доідеже проіде слово его:

Слово гн҃е ражде і: ---

Посъла цр҃ѣ і раздрѣші и:
Кънѩѕѣ людемъ испоусті і:. --

Постави і г҃а: домоу своемоу И кънѩѕѣ вьсемоу сътѩжанъю своемоу:.. - Да наоучитъ кънѩѕѩ его ѣко самъ сѩ: И старьцѩ его оумодрітъ: --

И въніде їи҃ль вь егуптъ:
Ї иѣковъ пріде въ землѭ хамовѫ: --

И въздрасті люді своѩ ѕѣло:
И оукрѣпі ѩ паче врагъ іхъ:. -

Прѣвраті ср҃дце сво: възненавідѣті людеі его и лестъ створіті въ рабѣхъ его: -

Посъла мосѣа раба своего: Арона егоже избъра себѣ:

Положі вь ніхъ словеса знамнеі своіхъ: И чюдесъ своихъ въ землі хамовѣ: --

Посъла тъмѫ и мръче: Зане прогнѣвашѩ словеса его: -

Прѣвраті водъі ихъ вь кровъ:
ї избі ръібъі іхъ:. --

Въскъіпѣ землѣ іхъ жабами: - Въ съкровіщіхъ цр҃ь іхъ: -

Рече и прідѫ пьсъѩ моухъі:. И мъшицѩ въ вьсѩ прѣдѣлъі іхъ:. ---

Положі дъждѩ імъ градъ:
Огнъ попалѣѭщь въ землі їхъ: ---

Ї избі віноградъі іхъ: Ї смокъвинье ихъ Ї и стръ вьсе дрѣво прѣдѣлъ іхъ:. --

Рече и прідѫ проѕи: Ї гѫсѣніцѩ імъже не бѣ числа: --

И поѣсѩ вьсѫ травѫ землѩ їхъ:
И поѣсѩ вьсь плодъ землѩ їхъ:. --

И оуби вьсѩ пръвѣньцѩ въ земі іхъ: Начѩтокъ вьсего троуда іхъ:. -

Ї изведе ѩ съ съребромъ: и златомъ:
И не бѣ вь колѣнѣхъ іхъ болѣзні:. --

Възвеселі сѩ егоуптъ о исхождені-і-хъ: Ѣко нападе страхъ іхъ на нѩ: --

Распрострѣ облакъі вь покровъ імъ И огнъ да просвѣтітъ імъ ноштъѭ:. -

Просишѩ и прідѫ крастѣли:
И хлѣба нб҃снаго насъіті ѩ: -

Развръзе каменъ и истѣшѩ водъі:
Потѣшѩ вь безводънъііхъ рѣкъі:. -

Ѣко помѩнѫ слово cт҃ое свое: Еже імѣ къ авраамоу рабоу своемоу: ---

Ї изведе люди своѩ въ радости: ї избъранъіѩ своѩ вь весельі: -

Ї дастъ імъ странънъі ѩзъікъі::
и троудъ людеі наслѣдовашѩ:. - Да съхранѩтъ оправьданьѣ его: и закона его вьзіщѫтъ:

СЛАВ
СѢД
АЛЛЕЛОУГЬѢ: -

Ps 105

р҃ е
Їсповѣдаите сѩ гв҃і:
ѣко благъ:
Ѣко вь вѣкъ мілостъ его: --

Къто възгл҃етъ сілъі гн҃ѩ: -
Оуслъішанъ сътворітъ вьсѩ хвалъі его:. -

Блажени хранѩщеі сѫдъ: И творѩще правьдѫ во вьсѣко врѣмѩ:.
иі

Помѩни нъі г҃і вь благоволені людеі твоіхъ(..
Посѣті насъ сп҃ньемъ твоїмъ:. -- Видѣті въ благості избъранъіхъ твоіхъ: Възвеселіті сѩ въ веселье ѩзъіка твоего: - И хвалиті сѩ съ достоѣньемъ твоімъ: --

Съгрѣшіхомъ съ оц҃і нашімі
Безаконъновахомъ і не оправьдіхомъ:. -
диѣ

Оц҃і наші въ егуптѣ не разоумѣшѩ чюдесъ твоіхъ:
Не помѩшѩ оумноженьѣ милости твоеѩ:
И прогнѣвашѩ въходѩще въ чръмьное море:. -

И сп҃е ѩ імені твоего раді:. Да съкатъ імъ силѫ своѭ:. -

И запрѣті чръмьнумоу морю:.
ї исѩче:
и проведе ѩ въ бездънѣ ѣко по поустъіні: -

И сп҃е ѩ из-д-рѫкъі ненавідѩщиіхъ:
Ї избаві ѩ і-з-д-рѫкъ врагъ: -

Покръі вода сътожаѭщѩѩ имъ:
Ни едінъ отъ ніхъ не ізбъістъ: -

И вѣрѭ ѩсѩ словесі его:
И въспѣшѩ хвалѫ емоу: -

Оуѩдрішѩ
забъішѩ дѣлѣла его:
Не съхранішѩ съвѣта его: -

И вьсхотѣшѩ хотѣнъю въ поустъіні:
Ї искоусішѩ б҃а въ безводьнѣ: ---

И дастъ імъ прошенье іхъ:
И посъла съітостъ въ дш҃ѩ іхъ: --

И прогнѣвашѩ мосѣа въ стану: и аарѡна ст҃аго гн҃ѣ: ---

Ѡтъвръзе сѩ землѣ: и пожрѣтъ датана: И покръі на сънъмищі авірона--

И раждеже сѩ огнъ вь сонъмѣ іхъ:.
Пламенъ попалі грѣшьнікъі. --

И створішѩ телецъ въ хорівѣ:.
И поклонішѩ сѩ истоуканънмоу: -

Ї измѣнішѩ славѫ его:: Въ образъ телъца ѣдѫща сѣно: -

И забъішѩ б҃а сп҃аѭщаго ѩ: Створьшаго вельѣ вь егуптѣ: - Чюдеса въ земі хамовѣ: Страшьна въ морі чръмьнѣемъ: -

И рече
да ѩ потрѣблѭ: Аще не бі мосі избъранъі его: -- Сталъ въ съкроушеніі прѣдъ німь: Възвратіті ѣростъ его: да не погоубітъ іхъ: -

И оунічъжишѩ землѭ желанѫѭ:
Не ѩсѩ вѣръі словесі его: -

И поропъташѩ вь селѣхъ своихъ:.
Не оуслъшашѩ гласа гн҃ѣ: -

И въздвіже рѫкѫ своѭ на нѩ: Нізъложиті ѩ въ поустъіні: - И низъложіті сѣмѩ іхъ въ ѩзъіцѣхъ: И расточіті ѩ въ странъі:. --

И прічѩстішѩ сѩ вельфѣгорѣ:.
оскрънішѩ се в
И сънѣсѩ жрътвѫ мрътвъіхъ: ---

И раздражишѩ і въ начінанихъ своіхъ:
И оумъножи сѩ вь ніхъ паданье:. --

И ста финісь и оугоді:
И прѣста сѣчъ: --

И вьмѣні сѩ емоу въ правьдѫ: Вь родъ і родъ до вѣка: -

И прогнѣвашѩ и на водѣ прѣрѣканьнѣі:
И озълобленъ бъістъ мосі ихъ раді: ---

Ѣко прогнѣвашѩ дх҃ъ его:
И разнъствова оустънама своима: ---

Не потрѣбішѩ ѩзъікъ ѩже рече г҃ь імъ:

И съмѣсішѩ сѩ съ ѩзъікъі:
И навъікѫ дѣла іхъ:: -

И работашѩ истоуканънъімъ іхъ:.
Ї бъістъ імъ во съблазнъ:. -

И пожръшѩ сн҃ъі своѩ: И дъщери своѩ демномъ: ---

И пролішѩ кръвъ неповинънѫ: кръвъ сн҃овъ своіхъ ї дъщерь: реі: Ѩже пожръшѩ истоуканънъіимъ хананъскъіімъ:: -
И оубьена бъістъ землѣ кръвьми:

И осквръні сѩ вь дѣлѣхъ іхъ:
И любъі створішѩ въ начинаніхъ своіхъ: ---

И прогнѣва сѩ ѣроростіѭ г҃ь на люді своѩ:
И омръзѣ емоу достоѣнье свое:... -

И прѣдастъ ѩ вь рѫцѣ врагомъ и оудолѣшѩ імъ ненавидѩщи іхъ: -

И сътѫжішѩ імъ враѕі іхъ И съмѣрішѩ сѩ подъ рѫмі іхъ. -

Мъножіцеѭ ізбаві ѩ:
Ті же прогнѣвашѩ і съвѣтомъ своімъ:. - И съмѣрішѩ сѩ въ безаконнъіхъ своіхъ:..

И видѣ г҃ъ егда въстѫжішѩ:.
И оуслъіша молитво іхъ: -

И помѩно завѣтъ своі:
И раскаа сѩ по оумъноженью милості своеѩ:.. -

И дастъ ѩ вь милостъ. Прѣдъ вьсѣмі плѣньшііми ѩ:: .

Сп҃ нъі г҃і бж҃е нашъ:. И събері нъі отъ ѩзъікъ:.. - Да исповѣдаемъ сѩ імені твоемоу ст҃оумоу: И хвалімъ сѩ въ хвалѣ твоеі:.. -

Бл҃гнъ г҃ъ б҃ъ їил҃въ: Отъ вѣка и до вѣка:. ---
И рекѫтъ вьсі людье:.
Да бѫдетъ
бѫдетъ:
СЛАВА.
АЛЕЛОУГѢ:.

Ps 106

р҃ ѕ
Исповѣдаіте сѩ гв҃і ѣко гъ:
Ѣко въ вѣкъ мілостъ его: -

Да рекѫтъ избавленіі гм҃ъ: ѩже избаві из-д-рѫкъі: вражьеѩ:

И отъ странъ събьра ѩ: --- Отъ въстокъ ї западъ ї сѣвера и морѣ:

Заблодішѩ въ поустъіні безводьнѣ: --
Пѫті града обітѣльнааго обрѣтѫ. Лачѭще і жѩждѫще:

дш҃а іхъ въ ніхъ изнеможе: -

И возъвашѩ къ г҃ю егда вьстѫжишѩ:
И отъ бѣдъ їхъ ізбави ѩ: --

И наведе ѩ на пѫтъ правъ: Въніті въ градъ обитѣльнъи: --

Да исповѣдѩтъ сѩ г҃ю мілості его: И чюдеса его сн҃омъ чл҃вчемъ: --

Ѣко насъітілъ естъ дш҃ѫ тьщѫ:
и дш҃ѫ лачѫщѫ їсплъні благъ:.. -

Сѣдѩщѩщѩѩ вь тьмѣ і сѣні съмрътьнѣ: Окованъі ніщетоѭ и желѣзомъ: Ѣко прогнѣвашѩ словеса бж҃ьѣ: И съвѣтъ въішьнѣго раздражишѩ: ---

Съмѣри сѩ въ троудѣхъ срд҃це іхъ:
Ї изнемогѫ и не бѣ помагаѩи: -

И възъвашѩ къ г҃ю егда вьстѫжишѩ:
И отъ бѣдъ їхъ сп҃е ѩ: -

И изведе ѩ іс тьмъі і сѣні съмрътьнъі:
И ѫзъі іхъ прѣтръже:. --

Да исповѣдѩтъ сѩ г҃ю милості его: И чюдеса его сн҃омъ: члвчмъ:.. -

Ѣко съкроуші врата мѣдѣна:
И верѣѩ желѣзнъі съломі

Приѩтъ ѩ отъ пѫті безаконеньѣ іхъ:
Безаконнеі бо раді своіхъ съмѣрішѩ сѩ: --

Вьсего брашьна вьзгѫша сѩ. дш҃а іхъ:
И прібліжишѩ сѩ до вратъ съмрътьнъихъ:.

И възъвашѩ къ г҃ю егда вьстѫжишѩ:
И отъ бѣдъ іхъ избави ѩ: --

Посъла слово свое ї исцѣлі ѩ:
ї избаві ѩ отъ пагоубъі іхъ: -

Да исповѣдѩтъ сѩ г҃ю милості его: И чюдеса его сн҃мъ чл҃вчемъ:. --

И пожърѫтъ емоу жрътвѫ хвалѫ:
Ї исповѣдѩтъ дѣла его въ радості:. -

Съходѩщеі вь море вь корабліхъ: Творѩщеі дѣланьѣ въ водахъ многахъ:. - Ти видѣшѩ дѣла гн҃ѣ: И чюдеса его вь глѫбинѣ: --

Рече и ста дх҃ъ боуреьнъі:
и вьзнѣсѩ сѩ влънъі его: --

Въсходѩтъ до неб҃съ Ї низъходѩтъ до безденъ:. --
дш҃ѩ іхъ зъломъ таашѩ:

Възмѩсѩ сѩ і вьсколѣбашѩ сѩ ѣко пиѣні:
И вьсѣ мѫдрость іхъ поглъштена бъістъ: --

И възъвашѩ къ г҃ю. егда въстѫжишѩ:
И отъ бѣдъ іхъ їзбаві ѩ
їзведе ѩ:.

И повелѣ боурі и ста въ хладъ:.
И оумлъкѫ влънъі его:. -

И възвеселішѩ сѩ ѣко оумлъкѫ:
И наставі ѩ вь прістаніще хотѣньѣ своего: --

Да исповѣдѩтъ сѩ г҃ю милості его:
И чюдеса его сн҃мъ чл҃вчмъ: -

И възнесѫто-і вь цр҃кві людьсцѣ:.
И на сѣдаліщі старець въсхвалѩтъ і:

Положилъ есі рѣкъі въ поустъінѭ: Исходіща водьнаа въ жѩждѫ: --- Землѭ плодовітѫ въ слатінѫ:. Отъ зълобъі жівѫщііхъ на неі: -

Положілъ есі поустъінѭ въ езера водьнаа: И землѭ безводьнѫ въі-исходіща водънаа: ---

И въселі тоу лачѭщѩѩ:.
Ї съставішѩ градъі обітѣльнъіѩ:. --

И насѣшѩ села и насадішѩ віноградъі:
И сътворішѩ плодъ житенъ: ---

И бл҃гси ѩ и оумьножішѩ сѩ ѕѣло:
И скотъ їхъ не оумалі: -

И оумалішѩ сѩ ї озълобішѩ сѩ: Ѡтъ печалі зълъ і болѣзни: -

Излъѣ сѩ оунічьженье на кънѩѕѩ іхъ:.
Соблазні ѩ по непрѣходънѣ а не по пѫті: -

И поможетъ оубогу отъ ніщетъі И положі ѣко овъцѩ отечьства: -

Оузърѩтъ праведъніі і възвеселѩтъ сѩ:
И въсе безаконенье заіметъ оуста своѣ:

Къто прѣпрѣмѫдръ ї съхранітъ сі:
И разоумѣѭтъ милості гн҃ѩ:
СЛАВ;;;;;;;

Ps 107

р҃ з
ХВАЛА ПѢНЬѢ ДАДОВА: - --

Готово ср҃дце мое бж҃е
готово ср҃дце мое:
Поѭ и вьспоѭ славѣ моеі: ---

Въстані слава моѣ:.
Въстани пьсальтъіръ и гѫслі:

Въстанѫ рано
ісповѣмъ сѩ тебѣ въ людехъ г҃і:
Въспоѭ тебѣ въ ѩзъіцѣхъ: --

Ѣко вельѣ връхоу нб҃съ милость твоѣ:
Ї до облакъ рѣснота твоѣ: -

Възнесі сѩ нс҃а бж҃е:
И по въсеі землі слава твоѣ---

Да избавѩтъ сѩ възлюбленіі твоі г҃і:
Сп҃і десніцеѭ твоеѭ ї оуслъіші мѩ: -

Бъ҃ възгл҃а въ ст҃ѣмъ своемъ
въздрадоуѭ сѩ и раздѣлѭ сикимѫ:
И ѫдоль селомъ размѣрѭ: ---

Мої естъ галаадъ і мои естъ манасі:
И ефреемъ застѫпленье главъі моеѩ: -

Июда цр҃ь моі:.
моавъ конобъ оупъваньѣ моего: --
На идоумѣѭ наложѫ сапогъ моі:
Мнѣ іноплеменъніці покорішѩ сѩ: --

Кто ведетъ мѩ въ градъ объстоѣньѣ: Ли кто наставітъ мѩ до ідоумѣѩ:. -

Не тъі лі бж҃е отърінѫвъї нъї:
И не ізідеші бж҃е въ сілахъ нашіхъ:

Даждъ намъ помощъ отъ печалі:
Іде соуетьно сп҃нье чл҃чско:.

О бѕ҃ѣ створімъ сілѫ:
Ї тъ оунічітъ врагъі нашѩ: --

Ps 108

р҃ и
ВЬ КОНЦЪ ПСАЛМЪ Д҃АД҃ОВ҃Ъ
Бж҃е хвалъі моеѩ не прѣмлъчи:

Ѣко оуста грѣшьнічѣ оуста лъстіва на мѩ отврѣсѩ сѩ: --
Възглашѩ на мѩ ѩзъікомъ льстівомъ:

и словесъі ненавидѣнънъі обідѫ мѩ:
И брашѩ сѩ со мноѭ спъіті: -

Вь любьві мѣсто облъігаахѫ мѩ:
Азъ же молитво дѣахъ: -

И положішѩ на мѩ зъло вьз добро: И ненавістъ за възлюбленье мое:.

Поставі на нъ грѣшьніка:
И дьѣволъ да станетъ о деснѫѫ его: -

Егда сѫдѩтъ емоу да ізідетъ осѫжденъ: Ї молітва его бѫді въ грѣхъ:

Бѫдѫ днье его малі:
И еп҃ипъство его прѣімі инъ: --

Бѫдѫ сн҃ві его сірі: И жена его вьдова:. --

Движѫщеі сѩ да прѣселѩтъ сѩ сн҃ве его и въсхлѩпаѭтъ:. И въігънані бѫдѫтъ із домовъ своіхъ:. -

Да испъітаетъ заемодавьцъ: вьсѣ еліко сѫтъ его: И рахъітѩтъ тоуждіі троудъі его: --

Не бѫді емоу застѫпьніка:
Ні бѫді їже помилоуетъ сиротъі его: --

Бѫдѫ чѩда его вь пагоубѫ:
Въ родъ едінъ да потрѣбітъ сѩ имѩ его: -

Въспомѩні сѩ безаконнье оц҃ь его прѣдъ гм҃ъ:
И грѣхъ мр҃ь емоу да не оцѣстітъ сѩ:. -

Да бѫдѫтъ прѣдъ гм҃ъ въінѫ: И потрѣбітъ сѩ отъ землѩ памѩтъ іхъ: --

Зане не помѩнѫ сътворіті мілості: И погъна чл҃ка оубога і ніща: І оумілена срд҃цмъ оумрътвіті: --

И възлюбі клѩтвѫ і пріде емоу:
И не вьсхотѣ бл҃гщенью и оудалі сѩ отъ него:. --

И облѣче сѩ вь клѩтвѫ ѣко вь ризѫ:
И вьніде ѣко вода вь ѫтробѫ его: и ѣко олѣі вь кості его- -

Бѫді емоу ѣко риза вь нѭже облачітъ сѩ: И ѣко поѣсъ імъже въінѫ поѣсаетъ сѩ: --

Се дѣло облъігаѭщііхъ мѩ къ г҃ю: И гл҃ѭщіихъ зъло на дш҃ѫ моѭ: -

И тъі г҃і г҃і створі сь мноѭ имені твоего раді:
Ѣко блага естъ милостъ твоѣ:: -

Избаві мѩ
ѣкко ніщъ і оубогъ есмъ азъ:
И срд҃це мое възмѩте сѩ во мнѣ: -

Ѣко сѣнъ егда оуклонітъ сѩ: отъѩсъ сѩ: И сътрѩсъ сѩ ѣко проѕі: --

Колѣнѣ мои изнеможете отъ поста:
И плъть моѣ измѣні сѩ олѣа раді: --

И азъ бъіхъ поношенью імъ: -
ѳ҃ї
Видѣшѩ мѩ
покъівашѩ главами своїми: )

Помоѕі г҃і бж҃е мои: )
Ї сп҃і мѩ по милості твоеї: -

Ї оувѣдѩтъ ѣко рѫка твоѣ си. ї тъі г҃і сътворилъ ѭ есі: )

Проклънѫтъ ти а тъі бл҃ствіши: -
Въстаѭштеї на мѩ постъідѩтъ сѩ: )
Рабъ же твоі вьзвеселітъ сѩ: -

Ї облѣкѫтъ сѩ облъігаѭште мѩ въ срамъ: ) Ї одеждѫтъ сѩ ѣко одеждеѭ стоудомь своїмь: -

Їсповѣмь сѩ г҃ю ѕѣло оустъі моіми: )
Ї посрѣдѣ мъногъ въсхвалѭ ї: -

Ѣко ста о деснѫѭ оубогааго: ) Сп҃ті отъ гонѩштиіхъ дш҃ѫ моѭ: -

Ps 109

р ѳ҃҃
СЛАВ
СѢН
ПСЛ҃МЪ ДАВ҃Ъ: -
Рече гь҃ гю҃ моемоу
сѩдї о деснѫѭ мене: ) Доїждеже положѫ врагъі твоѩ). Подъножие ногама моїма: -

Жезлъ силъі посълетъ гь҃ тебѣ отъ сиона: )
Ї оудоблѣеши посрѣдѣ врагъ твоїхъ:: -

Съ тобоѭ владъічьство вь день печалі твоѩ: ) Вь свѣтьлотахъ свтъіихъ твоїхъ: ) --
Ї чрѣва прѣжде деньніцѩ родихъ тѩ: ) . -

Клѩтъ сѩ гь҃ ї не раскаетъ сѩ: )
Тъі еси їерѣї вь вѣкъ по чіноу мельхіседековоу: .

Гь҃ о деснѫѭ тебе
съкроушилъ естъ вь день гнѣва своего цр҃ѩ: --

Сѫдітъ ѩз҃комъ ї исплънітъ паданиѣ: )
Съкроушитъ главъі по землі мъногомъ: ) (:

Їс потока на пѫти пиетъ: )
Сего ради вьзнесетъ главѫ: -
АЛЕЛОУЇѢ: -

Ps 110

р҃҃ ї
Їсповѣмь сѩ тебѣ г҃і вьсѣмь ср҃цемь моїмь: ) Во съвѣтѣ правъіихъ ї сонъмѣ веліѣ

дѣла гн҃ѣ: - Їзіскана во вьсѣхъ волѣхъ его: )

Їсповѣдание ї вельлѣпота дѣлъ его: Ї правъда его прѣбъіваетъ въ вѣкъ вѣкоу:. -

Памѩть створи чюдесъ своїхъ: -
Милостівъ ї штедръ г҃ь: )

Пищѫ далъ естъ боѩштиїмъ сѩ его: ) -
Помѩнетъ въ вѣкъ завѣтъ свої: )

Крѣпость дѣлъ своїхъ вьзвѣстітъ людемъ своїмъ: ) Дати їмъ достоѣние свое ѩз҃къ: -

Дѣла рѫкоу твоею їстіна ї сѫдъ: )
Вѣрънъї вьсѩ заповѣди его: - Оутвръжденъі въ вѣкъ вѣкоу: ) Створенъі въ їстинѫ ї правость: --

Їзбавление посъла людемъ своїмъ: )
Заповѣдѣ въ вѣкъ завѣтъ свої: )
Св҃то ї страшьно їмѩ его: -

Поконь прѣмѫдрості страхъ гн҃ь: )
Разоумъ же благъ вьсѣмъ творѩштіимъ ѭ: --
Хвала его прѣбъіваетъ въ вѣкъ вѣкоу: -
АЛЕЛОУЇѢ: -

Ps 111

р ї҃а
Блаженъ мѫжь боѩї сѩ г҃ѣ: )
Въ заповѣдехъ его въсхоштетъ ѕѣло: -

Сілъно на землі бѫдетъ сѣмѩ его: )
Родъ правъиїхъ бл҃ствітъ сѩ: -

Слава і богатьство домоу его: )
Ї правъда его прѣбъіваетъ въ вѣкъ вѣкоу: -

Восиѣ во тъмѣ свѣтъ правъїїмъ: )
милостівъ ї штедръ и правъденъ: )

Благъ мѫжь милоуѩ-ї даѩ: -
Расмотрітъ словеса своѣ на сѫдѣ: )

Ѣко вь вѣкъ не подвіжитъ сѩ: -
Въ памѩть вѣчьнѫ бѫдетъ праведьникъ: )

Ѡтъ слоуха зъла не оубоїтъ сѩ: -
Готово ср҃це его оупъвати на г҃ѣ: )

Оутвръді сѩ ср҃це его
не подвіжітъ сѩ) Доїждеже возьритъ на врагъі своѩ: -

Расточи ї дастъ оубогъіимъ: )
Правъда емоу прѣбъіваетъ въ вѣкъ вѣкоу: -
Рогъ его вьзнесетъ сѩ въ славѣ: )

Грѣшьникъ оузьритъ ї прогнѣваетъ сѩ: -
Зѫбъі своїми поскрежьштетъ ї лаетъ:: -
Желание грѣшьникоу погъібнетъ: -
СЛАВ:
АЛЕЛОУИѢ:

Ps 112

р ї҃в
Хвалите отроци г҃ѣ: )
Хвалите їмѩ гн҃е: -

Бѫди їмѩ гн҃е бл҃ствьно: Ѡтъселѣ вь вѣкъі: -

Ото въстокъ ньца до западъ: ) Хвально їмѩ гн҃е: -

Въїсокъ надо вьсѣми ѩзк҃ъі г҃ь: )
надъ нб҃съі слава его: )-

Къто ѣко г҃ь б҃ъ нашъ живѫї на въісокъіхъ: ) Ї на съмѣрена прізіраѩ: ) На нб҃се ї на землі: - Вьздвіѕаѩї отъ землѩ ништа: ) Ї отъ гноїшта възносѩ оубога: ) Да посадитъі-ї съ кънѩѕи съ кънѩѕі людеі своїхъ: - Вьселѣѩї неплодъве въ домъ:. Мр҃е о чѩдѣхъ веселѩште сѩ--

АЛЕЛОУЇѢ: -

Ps 113

р ї҃г
Въ ісходъ їи҃левъ отъ егіпта: ) Домоу їѣковлѣ їз людеї варъваръ: - Бъістъ їюдѣа ст҃ъіни его: - Їил҃ь область его: -

Море видѣ ї побѣже:
Ї иоръданъ възвраті сѩ вьспѩть: -

Горъі вьзіграшѩ сѩ ѣко овьни: ) Ї хлъми ѣко агньци овьчиі: -

Чъто ти естъ море да побѣже: )
Ї тъі иеръдане да възврати сѩ вьспѩть: -

Горъі да вьзіграсте сѩ ѣко овьни: ) Ї хлъми ѣко агньци овьчиї: -

Отъ лица гн҃ѣ подвіжа сѩ землѣ: ) Отъ лица б҃а їѣковлѣ: - Обраштьшааго камень вь езера водьнаа: ) І акротомь въ їсточьнікъі водьнъіѩ: -

Не намъ г҃ї не намъ нъ їмени твоемоу даждь славѫ: - По милостиі твоеї и їстінѣ твоеи: --

Еда когда рекѫтъ ѩз҃ці
къде естъ б҃ъ їхъ: -

Бъ҃ же нашь на нб҃се ї на землі
вьсѣ елико вьсхотѣ сътвори: -

Їдоли ѩз҃къ съребръни ї злати: )( Дѣла рѫкъ чл҃чь: -

Оуста їмѫтъ ї не възгл҃ѭтъ: -
Очи їмѫтъ ї не видѩтъ: -

Оуши їмѫтъ ї не слъішѩт: )
Ноздрі имѫтъ и не обонѣѭтъ: -

Рѫцѣ їмѫмѫтъ ї не осѩжѫтъ: -)
Ноѕѣ їмѫтъ ї не поїдѫт: )
Не възгласѩтъ грътанемь своїмь: -

Подобьни їмъ да бѫдѫтъ творѩштеї ѩ: ) Ї вьси надѣѭштиї сѩ на нѧ: -

Домъ їил҃евъ оупъва на г҃ѣ: )
Помоштьникъ ї заштітьникъ їмъ естъ: -

Домъ арнь оупьва на г҃ѣ
помощьнікъ і защітьнкъ емоу естъ

Боѩштеї сѩ г҃ѣ оупъвашѩ на г҃ѣ: )
Помоштьникъ ї заштітьникъ їмъ естъ: -

Гі҃ помѩнѫвъ нъі бл҃стві нъі: )
Бл҃ствілъ естъ домъ їи҃левъ: -)
Бл҃ствілъ естъ домъ ароуновъ: -

Бл҃ствілъ естъ боѩштѩѩ сѩ г҃ѣ: ) Малъіѩ съ великъіми: -

Да пріложитъ г҃ь на въі: ) На въі ї на сн҃ъі вашѩ: -

Бл҃ствени въі г҃ю: ) Сътворьшюмоу нб҃о ї землѭ: )
Нб҃о нб҃си г҃ю: -

Нб҃а землѭ же дастъ сн҃омъ чл҃чемъ:: -

Не мрътвії въсхвалѩтъ тѩ г҃і: ) Ни вьси низъходѩштеї въ адъ: - Нъ мъі живиї бл҃ствімъ г҃ѣ: ) Отъселѣ ї до вѣка: -

АЛѢЛОУЇѢ: -

Ps 114

р ї҃д
Вьзлюбихъ ѣко оуслъішитъ г҃ь: ) Гласъ моленѣѣ моего: -)

Ѣко пріклонитъ оухо свое ко мнѣ: -)
Ї во дьни моѩ прізовѫ ї: -

Ѡбѩсѩ мѩ болѣзні съмрътьнъіѩ:: )
Бѣдъі адовъі обрѣтѫ мѩ: -
Скръбь ї болѣзнь обрѣтъ: )
Ї їмѩ гн҃е прізъвахъ: -

Ѡ г҃і їзбави дш҃ѫ моѭ: )
Милостівъ г҃ь ї правьденъ: )
Ї б҃ъ нашь милоуетъ: -

Хранѩ младеньцѩ г҃ь: )
Съмѣрихъ сѩ ї сп҃е мѩ: -

Ѡбрати сѩ дш҃е моѣ въ покої твої: )
Ѣко г҃ь добро сътворі тебѣ: -

Ѣко їзѩ дш҃ѫ моѭ ото съсъмръти: ) Ѡчи моі отъ слезъ: ) Ї ноѕѣ мої отъ въспоплъзениѣ: ) - -

Оугождѫ прѣдъ гм҃ь странѣ живъіихъ: --
СЛАВА:
АЛЕЛОУЇѢ: -

Ps 115

р ї҃е
Вѣровахъ
тѣмьже възглаголахъ: )

Азъ же съмѣрихъ сѩ ѕѣло: )
Азъ же рѣхъ въ оужасѣ моемь
весь чк҃ъ ложь: -

Чьто въздамь г҃ю: ) За вьса ѣже въздастъ мнѣ: -

Чашѫ сп҃ениѣ пріимѫ: )
Ї імѩ гн҃е прізовѫ: -

Обѣтъі моѩ г҃ю въздамь: ) Прѣдъ вьсѣми людьми его: -

Чьстьна прѣдъ гм҃ь: ) Съмръть прѣдбнъіихъ его: )

Ѡ г҃і азъ рабъ твої: )
Азъ рабъ твоі ї сн҃ъ рабъі твоѩ:: -
Растръга ѫзъі моѩ: )

Тебѣ пожьрѭ жрътвѫ хвальнѫ: )
Ї імѩ гн҃е прізовѫ: -

Ѡбѣтъі моѩ г҃ю въздамь: ) Прѣдъ вьсѣми людьми ег҃о: - Въ дворѣхъ домоу гн҃ѣ: ) Посрѣдѣ тебе їил҃ме: -

АЛЕЛОУЇѢ: -

Ps 116

р ї҃ѕ
Хваліте г҃ѣ вьси ѩз҃ці: )
Похвалите ї вьси людие: -

Ѣк оутвръди сѩ милость его на насъ: ) Ї їстіна гн҃ѣ прѣбъіваетъ въ вѣкъ: -
АЛѢЛОУЇѢ: -

Ps 117

р ї҃з
Їсповѣдаїте сѩ г҃ю
ѣко благъ: )
Ѣко вь вѣкъ милость его: -

Да речетъ нъінѣ домъ їил҃евъ ѣко благъ: )
Ѣко въ вѣкъ милость его: -

Да речетъ нъінѣ домъ ааронь ѣко благъ: )
Ѣко вь вѣкъ милость его: -

Да рекѫтъ нъінѣ вьси боѩштеї сѩ г҃ѣ ѣко благъ: )
Ѣко въ вѣкъ милость его: -

Ѡтъ печали прїзъвахъ г҃ѣ: )
Ї оуслъіша мѩ въ пространьство: -

Гь҃ мнѣ помоштьникъ: )
Ї не оубоѭ сѩ чьто сътворитъ мнѣ чл҃къ: -

Гь҃ мнѣ помоштьникъ: )
Ї азъ возьрѭ на врагъі моѩ: -

Добро естъ надѣѣти сѩ г҃ѣ: ) Неже надѣѣти сѩ на чл҃вка: -

Добро естъ оупъвати на г҃ѣ: ) Неже оупъвати на кънѩѕѩ: -

Вьси ѩз҃ці обидѫ мѩ: )
Ї именемь гн҃емь противлѣахъ сѩ їмъ: -

Ѡбъшедъше обидѫ мѩ: )
Ї-менемь гнемь противлѣахъ сѩ їмъ: -

Ѡбидѫ мѩ ѣко бьчелъі сотъ: )
Ї разгорѣшѩ сѩ ѣко огнь въ тръниї: )
Ї іменемь гнемь противлѣахъ сѩ їмъ: -

Вьздріновенъ прѣклонихъ сѩ пастї: )
Ї г҃ь пріѩтъ мѩ: )

Крѣпость моѣ ї пѣние мое г҃ь: )
Ї бъістъ мнѣ во сп҃ение: -

Гласъ радості ї сп҃ениѣ: ) Вь селѣхъ праведьникъ: -

Десніца гн҃ѣ сътвори силѫ: )
Десніца гн҃ѣ вьзнесе мѩ: )
Десніца гн҃ѣ сътвори силѫ: -

Не оумьрѫ нъ живъ бѫдѫ: )
Ї їсповѣмъ дѣла гн҃ѣ: )

Показаѩ показа мѩ г҃ь: )
Ї съмръти не прѣдастъ мене: -

Ѡтвръзѣте мнѣ врата правъдъі: )
Вьшедъ вь нѣ їсповѣмь сѩ г҃ю:

Сї врата гн҃ѣ
праведьниї вьнивьнидѫтъ вь нѣ: )

Їсповѣмь сѩ тебѣ ѣко оуслъіша мѩ:: )
Ї бъістъ мьнѣ во сп҃ение: --

Камень їже не врѣдоу сътворишѩ зіждѫштеї: ) сь бъістъ въ главѫ ѫгълоу: )-

Ѡтъ г҃і бъістъ сі: )
Ї естъ дівъна въ очию нашею: -

Сь день їже сътвори г҃ь: )
Вьздрадоуімъ сѩ і вьзвеселимъ сѩ во нь: -

Ѡ г҃і сп҃і же: )
Ѡ г҃і поспѣши же: )

Блн҃ъ грѩдѫі въ імѩ гн҃е: )
Блс҃твіхомъ въ-і-з домоу гн҃ѣ: )

Бъ҃ г҃ь ї просвьтѣ сѩ намъ: -
Съставите праздьникъ въ осѣнѣѭштїихъ: ) До рогъ олътарьвънъіхъ: -

Бъ҃ мої еси тъі
їсповѣмь сѩ тебѣ: )
Бъ҃ мои еси тъі и вьзнесѫ тѩ: )
Їсповѣмь сѩ тебѣ ѣко оуслъіша мѩ: )
Ї бъістъ мнѣ во сп҃ение:. -

Їсповѣдаїте сѩ г҃ю ѣко благъ: )
Ѣко въ вѣкъ милость его: -
СЛАВА
СѢЛНА
АЛЕЛОУЇѢ: -

Ps 118

р ї҃и
Блажени непорочьниї въ пѫть: ) Ходѩштеї въ законѣ гн҃ї: -

Блажени їспъітаѭштеі съвѣдѣниѣ го: )
Вьсѣмь ср҃цемь вьзиштѫтъ его: -

Не дѣлаѭштеї бо безаконениѣ: ) Въ пѫтехъ его ходишѩ: )

Тъі заповѣдѣ заповѣди твоѩ: ) Хранити ѩ ѕѣло: -

Не да їсправѩли сѩ пѫтье моі: ) Съхраниті оправъданиѣ твоѣ: -

Тогда не постъіждѫ сѩ: ) Б҃ егда прізьрѭ на вьсѩ заповѣди твоѩ: -

Їсповѣмь сѩ тебѣ въ правості ср҃ца: ) Вьнегда наоучити мі сѩ сѫдъбамъ правъдъі твоеѩ: -

Ѡправъданиѣ твоѣ съхранѭ: )
Не остави мене до ѕѣла: -

Ѡ чемь їсправитъ юної пѫть своі: )
Вьнегда съхраніти словеса твоѣ: -

Вьсѣмь ср҃цемьмь моїмь вьзіскахъ тебе: )
Не отърини мене отъ заповѣдеї твоїхъ: -

Въ ср҃ці моемь съкръіхъ словеса твоѣ: ) Да не съгрѣшѫ тебѣ: -

Блн҃ъ еси г҃і: )
Наоучи мѩ оправъданиемъ твоїмъ: -

Оустънама моїма ісповѣдѣхъ: ) Вьсѩ сѫдъбъі оустъ твоїхъ:

Въ пѫти съвѣдѣнеї твоїхъ насладихъ сѩ: ) Ѣко о вьсемь бг҃ствѣ: -

Въ заповѣдехъ твоїхъ поглоумлѭ сѩ: )
І разоумѣѭ пѫти твоѩ: -

Въ оправъданиихъ твоїхъ пооучѫ сѩ: )
Не забѫдѫ словесъ твоіхъ: -

Въздаждь рабоу твоемоу
живи мѩ: )
Ї съхранѭ словеса твоѣ: -

Ѡтъкръиї очи мои ї разоумѣѭ: ) Чюдеса отъ закона твоего: -

Прішьлець есмь азъ на земли: )
Не съкръіи отъ мене заповѣдеї твоїхъ: -

Вьзлюби дш҃а моѣ вьжделѣти: ) Сѫдобъ твоіхъ на вьсѣко врѣмѩ: -

Запрѣтилъ еси гръдъімъ: ) Проклѩти оукланѣѭштеї сѩ отъ заповѣдеї твоїхъ: -

Ѡтъїми отъ мене поносъ ї оуничьжение: )
Ѣко съвѣдѣнеі твоїхъ вьзискахъ: -

Їбо сѣдѫ кънѩѕи ї на мѩ гл҃аахѫ: )
Рабъ же твоі глоумлѣаше сѩ въ оправъданиїхъ твоїхъ: -

Їбо съвѣдѣниѣ твоѣ пооучение мое сѫтъ: ) Ї съвѣти моі оправъданиѣ твоѣ: -

Прільпе землі дш҃а моѣ: )
Живи мѩ по словеси твоемоу: -

Пѫти моѩ їсповѣдѣхъ ї оуслъіша мѩ: )
Наоучи мѩ оправъданиемъ твоїмъ: -

Пѫти оправъданеї твоїхъ наоучи мѩ: )
Ї поглоумлѭ сѩ въ чюдесехъ твоїхъ: -

Вьздрѣма дш҃а моѣ отъ оунъіниѣ: )
Оутвръді мѩ въ словесехъ твоїхъ

Пѫть неправъдъі отъстави отъ мене: )
Ї закономь твоїмь помилоуї мѩ: -

Пѫть рѣснотъї изволихъ: )
Сѫдобъ твоїхъ не забъіхъ: -

Прілѣпіхъ сѩ съвѣдѣниїхъ твоїхъ г҃і: )
Не посрами менене: -

Пѫтъ заповѣдеї твоїхъ тѣхъ: ) Егда рашири ср҃це мое: -

Законъ положи мнѣ г҃і: ) Пѫть оправъданеї твоіхъ:
Ї вьзіскѫ его въінѫ: -

Въразоуми мѩ ї испъітаѭ законъ твої: )
Ї съхранѭ ї вьсѣмь ср҃цемь моїмь: -

Наставі мѩ на стьѕѫ заповѣдеї твоїхъ: )
Ѣко тої въсхотѣхъ: -

Пріклоні ср҃це мое во съвѣдѣдѣнїѣ твоѣ: ) А не вь лихоемьство: -

Ѡтъврати очи моі да не видите соуетъї: )
Въ пѫти твоемь живи мѩ: -

Постави рабоу твоемоу: ) Слово твое въ страхъ твої: -

Ѡтъїми поношение мое еже непъштевахъ: )
Ѣко пов.-лѣниѣ твоѣ блага. .- -

Се вьжделѣхъ заповѣдеі твоіхъ: )
Правъдоѭ твоеѭ живи мѩ: -

Ї пріді на мѩ милость твоѣ г҃і: ) Ї сп҃ение твое по словеси твоемоу: -

Ѡтъвѣштаѭ поносѩштиїмъ мьнѣ слово: )
Ѣко оупъвахъ на словеса твоѣ: -

Ї не отъїми отъ оустъ моїхъ словесе їстіньна до ѕѣла: )
Ѣко на сѫдъбъі твоѩ оупъвахъ: -

Ї съхранѭ законъ твої прісно въ вѣкъ і вѣкъ вѣко҃у: -

Ї хождаахъ въ широтѣ: )
Ѣко заповѣдеї твоїхъ вьзіскахъ: -

Ї гл҃аахъ о съвѣдѣниїхъ твоїхъ прѣдъ цр҃і: )
Ї не стъідѣахъ сѩ: -

Ї пооучаахъ сѩ въ заповѣдехъ твоїхъ: ) Ѩже възлюбихъ: -

Ї вьздвігъ рѫцѣ мої къ заповѣдемъ твоїмъ ѩже вьзлюбихъ: )
Ї глоумлѣахъ сѩ въ оправъданиїхъ твоїхъ: -

Помѩни слово твое раба твоего: ) О немьже мнѣ оупъвание далъ еси: -

Се мѩ оутѣши во съмѣрениї моемь: ) Ѣко слово твое живи мѩ: -

Гръдиї законъ прѣстѫпахѫ вельми: )
Ѡтъ закона же твоего не оуклонихъ сѩ: -

Помѩнѫхъ сѫдъбъі твоѩ отъ вѣка г҃і: )
Ї оутѣшихъ сѩ: -

Печаль пріѩтъ мѩ отъ грѣшьникъ: ) Ѡставлѣѭштіїхъ законъ твої: -

Пѣта бѣахѫ мьнѣ оправъданиѣ твоѣ: ) На мѣстѣ прішьльства моего: -

Помѩнѫхъ въ ношті їмѩ твое г҃і: )
Ї съхранихъ законъ твої: -

Си бъістъ мьнѣ: ) Ѣко оправъданеї твоїхъ вьзискахъ: -

Чѩсть моѣ еси г҃і: )
Рѣхъ съхранити законъ твої: -

Помолихъ сѩ лицю твоемоу вьсѣмь ср҃цемь моїмь: )
Помилоуї мѩ по словеси твоемоу: -

Помъісліхъ пѫти моѩ: )
Ї обратіхъ ноѕѣ мої во съвѣдѣниѣ твоѣ: -

Оуготовахъ сѩ ї не съмѩсъ сѩ: ) Съхранити заповѣди твоѩ: -

Ѫжа грѣшьникъ обѩзашѩ сѩ мьнѣ: )
Ї закона твоего не забъіхъ: -

Полоуношті въстахъ їсповѣдати сѩ тебѣ: ) На сѫдъбъі правъдъі твоеѩ: -)

Прічѩстьникъ азъ есмь вьсѣмъ боѩштіїмъ сѩ тебе: ) Ї хранѩштіїхъ заповѣді твоѩ: -

Милості твоѩ г҃ї҃ їсплънь землѣ: )
Оправъданиемъ твоїмъ наоучи мѩ: -

Благо сътворилъ еси съ рабомь твоімъ г҃і: ) По словесі твоемоу: -

Благості ї наказазанию ї разоумоу наоучи мѩ: )
Ѣко заповѣдемъ твоїмъ вѣрѫ ѩсъ: --

Пръвѣе даже не съмѣрихъ сѩ азъ прѣгрѣшихъ: )
Сего раді слово твое съхранихъ: -

Благъ еси тъі г҃і: )
Ї благостьѭ твоеѭ наоучи мѩ оправъданиемъ твоімъ: -

Оумьножи сѩ на мѩ неправъда гръдъіхъ: )
Азъ же вьсѣмь ср҃цемь моімь їспъітаѭ заповѣді твоѩ: -

Оусъіъіри сѩ ѣко млѣко ср҃це іхъ: )
Азъ же законоу твоемоу пооучїхъ сѩ: -

Благо мьнѣ ѣко съмѣрилъ мѩ еси: ) Да наоучѫ сѩ оправъданиемъ твоїмъ: -

Благо мьнѣ законъ оустъ твоіхъ паче тъісѫщи злата і съребра:
СЛАВА: ......

Рѫцѣ твої сътвористе мѩ ї созъдасте мѩ: )
Въразоуми мѩ ї наоучѫ сѩ заповѣдемъ твоїмъ: -

Боѩштеї сѩ тебе оузьрѩтъ мѩ: ) Ї вьзвеселѩтъ сѩ ѣко на словеса твоѣ оупъвахъ: -

Познахъ г҃ї ѣко правъда повелѣніѣ твоѣ: )
Ї въ їстінѫ съмѣрилъ мѩ еси: -

Бѫді же милость твоѣ да оутѣшитъ мѩ: ) По словеси твоемоу раба твоего: -

Да прідѫтъ мнѣ штедротъі твоѩ ї живъ бѫдѫ: )
Ѣко законъ твої пооучение мое естъ: -

Ї постъідѩтъ сѩ гръдиї ѣко бес правъдъі безаконьновашѩ на мѩ: )
Азъ же поглоумлѭ сѩ въ заповѣдехъ твоїхъ: -

Да обратѩтъ мѩ боѩштеї сѩ тебе: ) Ї вѣдѫштеї съвѣдѣниѣ твоѣ: -

Бѫди ср҃це мое непорочьно въ оправъданиїхъ твоїхъ: ) Да сѩ не постъіждѫ: -

Їштазаетъ во сп҃ение твое дш҃а моѣ: )
На словеса твоѣ оупъвахъ: -

Їсконьчасте сѩ очи мої въ слово твое: ) Гл҃ѭштю
когда оутѣшиши мѩ: -

Ѣко бъіхъ ѣко мѣхъ на сланѣ: )
Ѡправъданеї твоїхъ не забъїхъ: -

Коліко естъ дьнеї раба твоего: )
Когда сътвориши отъ гонѩштиїхъ мѩ сѫдъ: -

Повѣдашѩ мнѣ законопрѣстѫпьниі глоумлениѣ: ) Нъ не ѣко законъ твої г҃і: -

Вьсѩ заповѣди твоѩ їстіна: )
Бес правъдъі погънашѩ
помоѕи ми: -

Мала не съконьчашѩ мене на землі: )
Азъ же не оставіхъ заповѣдеї твоїхъ: -

По милостї твоеї живи мѩ: )
Ї съхранѭ съвѣдѣниѣ оустъ твоїхъ: -

Въ вѣкъ г҃і слово твое прѣбъіваетъ на нб҃си: )

Въ родъ і родъ їстіна твоѣ: -
Ѡсънова землѭ і прѣбъіваетъ: )

Оучинениемь твоїмь прѣбъіваетъ день: )
Ѣко вьсѣ работьна тебѣ: -

Ѣко ѣште не законъ твої пооучение мое естъ: ) Тогда оубо погъіблъ бимь во съмѣрениї моемь: -
г҃҃҃ не рьци
по г҃і по г҃҃

Вь вѣкъ не забѫдѫ оправъданеі твоїхъ: )
Ѣко вь нихъ живилъ мѩ еси: -
СЛАВА: -

Твої есмь азъ
сп҃і мѩ: )
Ѣко оправъданеї твоїхъ вьзискахъ: -

Мене жидѫтъ грѣшьници погоубити мѩ: )
Съвѣдѣниѣ твоѣ разоумѣхъ: -

Вьсеѩ коньчинъі видѣхъ конець: )
Широка заповѣдь твоѣ ѕѣло: -

Ѣко вьзлюбихъ законъ твої г҃і: )
Весь день пооучение мое естъ: -

Паче врагъ моїхъ оумѫдрілъ мѩ еси: ) Заповѣдиѭ твоеѭ
ѣко вь вѣкъ моѣ естъ: -

Паче вьсѣхъ оучѩштіихъ сѩ разоумѣхъ: )
Ѣко съвѣдѣниѣ твоѣ пооучение мое сѫтъ: -

Паче старець разоумѣхъ: )
Ѣко заповѣдеї твоїхъ вьзискахъ: -

Ѡто вьсѣкого пѫти зъла възбранихъ ногама моїма: ) Да съхранѭ словеса твоѣ: -

к҃ а
Ѡтъ сѫдѫдобъ твоїхъ не оуклонихъ сѩ: )
Ѣко тъі законъ положилъ еси мнѣ: -

Коль сладъка грътани моемоу словеса твоѣ: )
Паче меда оустомъ моїмъ: -

Ѡтъ заповѣдеї твоїхъ разоумѣхъ: )
Сего раді вьзненавидѣхъ вьсѣкъ пѫть неправьденъ: -

Свѣтильникъ ногама моїма законъ твої: ) Ї свѣтъ стьѕѣмъ моїмъ: -

Клѩсъ сѩ ї не оставихъ: ) Съхранити сѫдъбъі правъдъі твоеѩ: -

Съмѣрихъ сѩ вельми г҃і: )
Живи мѩ по словеси твоемоу: -

Вольна оустъ моіхъ благоволи г҃і: )
Ї сѫдъбамъ твоїмъ наоучи мѩ: -

Дш҃а моѣ вь рѫкоу твоею въінъінѫ: )
Ї закона твоего не забъіхъ: -

Положишѩ грѣшьници сѣть мьнѣ: )
Ї отъ заповѣдеї твоїхъ не заблѫдихъ: -

Наслѣдовахъ съвѣдѣниѣ твоѣ въ вѣкъ: )
Ѣко радованиѣ ср҃ца моего сѫтъ: -

Пріклони ср҃це мое сътворити оправъданиѣ твоѣ въ вѣкъ за въздаание: -

Законопрѣстѫпьникъі вьзненавидѣхъ: )
Законъ же твої вьзлюбихъ: -

Помоштьникъ ї застѫпьникъ мої еси тъі:
На словеса твоѣ оупъвахъ: -

Оуклоните сѩ отъ мене зьлобивиї: ) Ї испъітаѭштеї заповѣди б҃а моего: -

Пріими мѩ по словеси твоемоу ї живъ бѫдѫ: )
Не посрами мене отъ чааниѣ моего: -

Помоѕи ми г҃і ї сп҃ѫ сѩ: )
Ї пооучѫ сѩ въ оправъданиїхъ твоїхъ въїнѫ: -

Оуничьжилъ еси вьсѩ остѫпаѭштѩ отъ оправъданеі твоіхъ: )
Ѣко неправедьно помъішление їхъ: -

Прѣстѫпьникъі непъштевахъ вьсѩ грѣшьнъїѩ землї: )
Сего ради вьзлюбихъ съвѣдѣниѣ твоѣ: -

Прігвозді страсѣ твоемь плъть моѭ: )
Ѡтъ повелѣнеї бо твоїхъ боѣхъ сѩ: -

Сътворихъ сѫдъ ї правъдѫ: )
Не прѣдаждь мене обидѩштимъ мѩ: -

Пожиди раба твоего въ благо: ) Да не оклеветаѭтъ мене гръдиї: -

Ѡчи мои їсконьчасте сѩ во сп҃ение твое: ) Ї въ слово правъдъі твоеѩ: -

Съствори съ рабомь твоїмь по милостіи твоеи: )
Ї оправъданиемъ твоїмъ наоучи мѩ: -

Рабъ твої есмь азъ
въразоуми мѩ: )
Ї оувѣмь г҃ъ съвѣдѣниѣ твоѣ: -

Врѣмѩ сътворити г҃ю: )
Разоришѩ законъ твої: -

Сего ради вьзлюбихъ заповѣди твоѩ: ) Паче злата ї топаньѕиѣ: -

Сего ради ко вьсѣмъ заповѣдемъ твоїмь направлѣахъ сѩ: )
Весь пѫть неправьденъ вьзненавидѣхъ: -

Дивъна съвѣдѣниѣ твоѣ: )
Сего ради їспъіта ѣ дш҃а моѣ: )

Съказание словесъ твоїхъ просвѣштаетъ: ) Ї разоумъ даетъ младенцемъ: -

Оуста моѣ отврѣсъ ї вьвлѣхъ дх҃ъ: )
Ѣко заповѣдеї твоїхъ желѣхъ: -
СЛАВА: -

Прізьри на мѩ ї помилоуї мѩ по сѫдоу: ) Любѩштиіхъ їмѩ твое: -

Стопъі моѩ направи по словеси твоемоу:
Ї да не оудоблѣетъ мнѣ вьсе безаконние: -

Їзбави мѩ отъ клеветъі чл҃чѩ: )
Ї съхранѭ заповѣді твоѩ: -

Лице твое просвѣти на раба твоего: )
Ї наоучи мѩ оправъданиемъ твоїмъ: -

Ісходишта водьнаа їзвѣсте очи мои: ) Понеже не съхранихъ закона твоего: -

Правьденъ еси г҃ї ї правиї сѫди твої: )

Заповѣдѣ правъдѫ съвѣдѣниѣ твоѣ і їстіна ѕѣло: -

Їстаїла мѩ естъ жалость твоѣ: )
Ѣко забъішѩ словеса твоѣ враѕі мої: -

Раждежено слово твое ѕѣло: )
Ї рабъ твої вьзлюби е: -

Юноша азъ есмь ї оуничьженъ: )
Ѡправъданеї твоїхъ не забъіхъ: -

Правъда твоѣ правъда въ вѣкъ: )
І законъ твои їстіна: -

Скръби ї бѣдъі обрѣтѫ мѩ: )
Заповѣди твоѩ пооучение мое сѫтъ: -

Правъда съвѣдѣниѣ твоѣ въ вѣкъ: )
Въразоуми мѩ ї живъ бѫдѫ: -

Возъвахъ вьсѣмь ср҃цемь моїмъ ї оуслъіши мѩ г҃і: )
Ѡправъданеї твоїхъ вьзиштѫ: -

Возъвахъ къ тебѣ
съпаси мѩ ї съхранѭ съвѣдѣніѣ твоѣ: -

Варихъ вь безгодьи ї возъвахъ: )
На словеса твоѣ оупъвахъ: -

Варисте очи мої къ ютрю: ) пооучити сѩ словесемъ твоїмъ: -

Гласъ моі оуслъіши г҃і по милості твоеї: )
По сѫдъбѣ твоеї живи мѩ: -

Прібліжишѩ сѩ гонѩштії мѩ безаконниї: )
Ѡтъ закона же твоего оудалишѩ сѩ: -

Блізъ еси тъї г҃ї: )
Ї вьси пѫтие тво-ї-стїна: -

Їспръва познахъ ото съвѣдѣнеї твоїхъ: ) Ѣко вь вѣкъ осъновалъ ѣ еси- -

Виждь съмѣрение мое ї изъми мѩ: )
Ѣко закона твоего не забъіхъ: -

Сѫди сѫдъ мои ї їзбави мѩ: )
Словеси твоего ради живи мѩ: -

Далече отъ грѣшьникъ сп҃ение: )
ѣко оправъданеї твоїхъ не вьзискашѩ: -

Милості твоѩ многъї г҃ї: )
По сѫдъбѣ твоеї живи мѩ: -

Мноѕи въігонѩштеї мѩ ї сътѫжаѭштеї ми: )
Ото съвѣдѣнеї твоїхъ не оуклонихъ сѩ: -

Видѣхъ не разоумѣваѭштѩ ї їстаахъ: )
Ѣко словесъ твоїхъ не съхранишѩ: )

Виждь ѣко заповѣди тво вьзлюбихъ г҃і: )
Милостіѭ твоеѭ живи мѩ: -

Начѩло словесъ твоїхъ їстїна: )
Ї вь вѣкъ вьсѩ сѫдъбъі правъдъі твоеѩ: -

Кънѩѕи погънашѩ спъіті: )
Ї отъ словесъ твоїхъ не оустраши сѩ ср҃це мое: -

Вьздрадоуѭ сѩ азъ о словесехъ твоїхъ: ) Ѣко обрѣтаѩї користь мъногѫ: -

Неправъдѫ вьзненавидѣхъ ї мръзѣ ми: )
Законъ же твої възлюбихъ: -

Седмь кратъі дьне хвалихъ тѩ: ) Ѡ сѫдъбахъ правъдъї твоеѩ: -

Миръ мьногъ любѩштиїмъ законъ твої: )
Ї нѣстъ їмъ съблазна: -

Чаахъ сп҃ениѣ твоего г҃і: )
І заповѣди твоѩ вьзлюбихъ: -

Съхрани дш҃а моѣ съвѣдѣниѣ твоѣ: ) Ї вьзлюби ѣ ѕѣло: -

Съхранихъ заповѣди твоѩ ї съвѣдѣниѣ твоѣ: )
Ѣко вьси пѫтие моі прѣдъ тобоѭ г҃і: -

Да прібліжитъ сѩ молитва моѣ прѣдъ тѩ г҃і: )
По словеси твоемоу въразоуми мѩ: -

Да вьнидетъ прошение мое прѣдъ тѩ г҃ї: )
По словеси твоемоу їзбави мѩ: -

Ѡтъригнете оустьнѣ мої пѣниѣ: ) Егда наоучиши мѩ оправъданиемъ твоїмъ: -

Провѣштаетъ ѩз҃къ мої словеса твоѣ: )
Ѣко вьсѩ заповѣди твоѩ правда: -

Бѫди рѫка твоѣ да сп҃етъ мѩ: )
Ѣко заповѣди твоѩ їзволихъ: -

Вьзлюбихъ сп҃ение твое г҃ї: )
Ї законъ твої пооучение мое естъ: -

Жива бѫдетъ дш҃а моѣ ї въсхвалитъ тѩ: )
Ї сѫдъбъі твоѩ помогѫтъ мнѣ: -

Заблѫдихъ ѣко овьчѩ погъібъшее: )
Вьзишті раба твоего
ѣко заповѣдеї твоїхъ не забъіхъ: -

Ps 119

р ї҃҃҃ѳ
СЛАВА
ПѢ СТЕПЕННАА: -
Къ г҃ю егда скръбѣхъ: ) Возъвахъ ї оуслъіша мѩ: )

Гі҃ їзбави дш҃ѫ моѭ отъ оустенъ неправъдивъ: ) Ї отъ ѩз҃ка лъстіва: -

Чьто дастъ сѩ тебѣ ли чьто пріложитъ сѩ тебѣ: ) Къ ѩз҃коу льстівоу: -

Стрѣлъї сильнааго їзоштренъї: ) Съ горѫштіми ѫгльми поустъіннъіїми: -

Оувъі мьмьн-ѣ-ко прішельство мое оудали сѩ: )
Вьселихъ сѩ вь села темьнаѣ: -

Мьного прішельствова дш҃а моѣ: )
Съ ненавидѩштими мира бѣхъ миренъ: -

Егда гл҃аахъ їмъ: ) борѣахѫ сѩ со мьноѭ спъіти: -

Ps 120

р҃҃҃ к
ПѢСНЬ СТЕПЕНЬНАА: -

Вьзвѣсъ очи мої въ горъі: ) Отънѭдѣже прідетъ помошть моѣ: -

Помошть моѣ отъ г҃і: ) Сътв.рьшааго нб҃а ї землѭ: -

Не даждь во съмѩтение ногъі твоеѩ: ) Ни да вьздрѣмлетъ хранѩї тѩ: )

Се не вьздрѣмлетъ ни оусънетъ хранѩ-ї-ил҃ѣ: -

Гь҃ съхранитъ тѩ: )
Гь҃ покровъ твої на рѫкѫ деснѫѭ твоѭ: -

Вь день слъньце не ожежетъ тебе: ) Ни лоуна ноштіѭ: -

Гь҃ съхранитъ тѩ ото вьсего зъла: )
Съхранитъ дш҃ѫ твоѭ г҃ь: -

Гь҃ съхранитъ въхождение твое: ) Ї їсхождение твое: ) Ѡтъселѣ ї до вѣка: -

Ps 121

р к҃҃҃ а
ПѢСНЬ СТЕПЕННА: -

Вьзвеселихъ сѩ о рекъшиіхъ мнѣ: )
Въ домъ гн҃ь їдѣмъ: -

Стоѩште бѣахѫ ногъї нашѩ въ дворѣхъ твоїхъ їил҃мъ: -

Їил҃мъ зиждема ѣко градъ: - )Емоуже прїчѩстїе его въкоупѣ: -

Тамо бо вьзидѫ колѣна: ) Колѣна гн҃ѣ съвѣдѣние їил҃во: - Їсповѣдати сѩ їмени гн҃ю: -

Ѣко тоу сѣдѫ прѣстоли на сѫдѣ: ) Прѣстоли въ домоу да҃вѣ: -

Оумолите же ѣже о мирѣ їил҃ма: )
Ї обилье любѩштїїмъ тѩ: -

Бѫди же миръ въ силѣ твоеї: - Ї обилие въ стлъпоустѣнахъ твоїхъ: -

Братріѩ моеѩ ради ї бліжикъ моіхъ: ) Гл҃аахъ
миръ о тебѣ:. -

Домоу ради г҃і б҃а нашего: вьзискахъ добра тебѣ: -

Ps 122

ПѢСНЬ СТЕПЕННА: -

Къ тебѣ вьзвѣсъ очи мої живѫштюемоу на нб҃си: )

Се ѣко очи рабъ въ рѫкоу гсд҃еї своїхъ: ) Ѣко очи рабъїнѩ въ рѫкоу гж҃дѩ своеѩ: - Тако очи наши къ г҃ю бо҃у нашемоу: ) Доїждеже оуштедрітъ нъї: -

Помилоуї нъі г҃і
помилоуі нъі: )
Ѣко по мьногоу їсплънихомъ сѩ оуничьженіѣ: )

Наїпаче наплъни сѩ дш҃а наша: )
Поношение гобъѕюѭщиїмъ: - Ї оуничьжение гръдъиїмъ: -

Ps 123

р к҃҃҃ г
ПѢСНЬ СТЕПЕННА: -

Ѣко аште не г҃ь би бъілъ въ насъ: ) Да речетъ нъінѣ їил҃ь: ) Ѣко аште не г҃ь би бъілъ въ насъ: ) Вьнегда въстати чл҃вкомъ на нъі: - Оубо живъї пожрълі нъї бъішѩ:

вънегда прогнѣваті сѩ ѣростї їхъ на нъъї оубо вода бі потопила нъї

Потокъ прѣїде дш҃а наша: -

Оубо прѣїде дш҃а наша водѫ непостоінѫ: -

Бл҃нъ г҃ь: ) Їже не дастъ насъ въ ловитвѫ зѫбомъ їхъ: -

Дш҃а наша ѣко пьтица ізбавитъ сѩ отъ сѣти ловѩштіхъ: )

Сѣть съкроуши сѩ ї мъі избавлени бъіхомъ: ) -

к҃ в
Помошть наша въ імѩ гн҃е: ) Сътворьшаего нб҃о ї землѭ: -

Ps 124

р к҃҃҃ д
СЛАВ
ПѢСНЬ СТЕПЕННА: -

Надѣѭштеї сѩ на г҃ѣ ѣко гора сионъ: )
Не подвіжитъ сѩ въ вѣкъ живъиї въ їи҃лмѣ: )

Горъі окръсть его: Ї гь҃ окръсть людеї своїхъ: - Отъ нъінѣ і до вѣка: -

Ѣко не оставитъ гь҃ жьзла грѣшьникъ: ) На жрѣбиї праведьникъ: -
Да не простьрѫтъ праведьниї вь безаконьїхъ рѫкъ своїхъ: -

Оублажи г҃і благъиімъ: ї правъіимъ срц҃мь: )
Оукланѣѭштѩѩ же сѩ въ развраштениѣ поведетъ г҃ь: - ) Съ творѩштиїми безаконние: )

Ps 125

р к҃҃҃ е
Мирь на їил҃ѣ: -
ПѢСНЬ СТЕПЕННА

Егда възврати г҃ь плѣнъ сионь: ) Бъїхомъ ѣко оутѣшени: -

Тогда іспльнѩтъ сѩ радості оуста наша: ) Ї ѩз҃къ нашь веселиѣ: -
Тогда рекѫтъ въ ѩз҃цѣхъ: )

Вьзвеличилъ естъ г҃ь сътворити съ нами: )
Вьзвеличилъ естъ г҃ь сътворити съ нами: )
Бъіхомъ веселѩште сѩ: -

Възврати г҃ь плѣнение наше ѣко потокъ югомь: )

Сѣвъшеї сльзами въ радость пожьнѭтъ: ) -

Ходѩштиї хождаахѫ:
Ї плакаахѫ сѩ метаѭште сѣмена своѣ: )
Грѩдѫште же прідѫтъ: радостіѭ вьземлѭште рѫковѩти своѩ: -

Ps 126

р к҃҃҃ ѕ
ПѢСНЬ СТЕПЕННА: -

Аште не г҃ь съзиждетъ домоу: ) Въсоуе троудишѩ сѩ зиждѫштеї: -

Аште не г҃ь стрѣжетъ града: ) Вьсоуе бьдѣ стрѣгѫї: -
Вьсоуе вамъ естъ ютръневати: )
Въстанѣте по сѣдѣниї: - Ѣдѫштіи хлѣбъ болѣзніи: ) Егда дастъ възлюбленъїимъ своїмъ сонъ: -

Се достоѣние гн҃е сн҃ве: ) Мъзда плода чрѣвьнаго: -

Ѣко стрѣлъі въ рѫцѣ сильнааго: ) Тако сн҃ве отѩтъїхъ: -

Блаженъ: їже їсплънитъ похоть своѭ отъ нихъ: - )
Не постъїдѩтъ сѩ егда гл҃ѭтъ врагомъ своїмъ въ вратѣхъ: -

Ps 127

р к҃҃҃ з
ПѢСНЬ СТЕПЕНЬНАА: -

Блажениї: вьси боѩштиї сѩ г҃ѣ: ) Ходѩштіи въ пѫтехъ его: -

Троудъі плодъ своїхъ сънѣси: )
Блаженъ еси ї добро тебѣ бѫдетъ: -

Жена твоѣ ѣко лоза плодовита гобьзѩщиѣ Вь странахъ домоу твоего: -
Сн҃ве твої: ѣко новораслі масліннъі: окръсть трепезъі твоеѩ: )

Се тако бл҃ствітъ сѩ чк҃ъ боѩї сѩ г҃ѣ: )

Да бл҃ствітъ тѩ г҃ь отъ сиона: )
Ї оузьриши благаа їил҃моу: - Вьсѩ дьни живота твоего: -

И оузьриши сн҃ъі сн҃овъ твоїхъ: -
Мирь на їил҃ѣ: -

Ps 128

р к҃҃҃ и
ПѢСНЬ СТЕПЕННА: -

Мьножицеѭ брашѩ сѩ со мьноѭ отъ юності моеѩ: )
Да речетъ нъінѣ їил҃ь: )
Мьножицеѭ брашѩ брашѩ сѩ со мьноѭ отъ юності моеѩ: )
Їбо не прѣмогѫ мене: -

На хрібьтѣ моемь коваахѫ грѣшьници: )
Задлъжишѩ безаконние свое: -

Гь҃ правьденъ
съсѣче въїѩ грѣшьникъ: -

Да постъідѩтъ сѩ ї възвратѩтъ сѩ вьспѩть: ) Вьси ненавидѩштиї сиона: -

Да бѫдѫтъ ѣко трѣва на зъданиіхъ: ) на храмѣхъ Ѣже прѣжде воздръваниѣ исъше: - Еѭже не їсплъни рѫкъі своеѩ жьнѩи: ) Ни лона своего събираѩ рѫковѩти: -

Ї не рѣшѩ мимоходѩштиї
бл҃ствение гн҃е на васъ: -
Бл҃ствіхомъ въі-мѩ гн҃е: -

Ps 129

Їз глѫбинъі возъвахъ къ тебѣ г҃і: )
Гі҃ оуслъіши гласъ моі: -

Бѫдѣте оуши твої вънемлѭште гласъ молитвъі моеѩ: )

Аште безаконениѣ назьриши г҃і: ) Гї҃ къто постоітъ
ѣко отъ тебе оцѣштение естъ: -

Їмени твоего ради потръпѣхъ тѩ г҃і: )
Потръпѣ дш҃а моѣ въ слово твое: )
Оупъва дш҃а моѣ на г҃ѣ: - Отъ стражѩ оутрьнѩ до ношті: ) Отъ стражѩ оутрьнѩ

да оупъва іил҃ь на г҃ѣ: -

Ѣко отъ г҃і милост-і мьного
отъ него їзбавление: )
Ї тъ їзбавитъ їил҃ѣ ото вьсѣхъ безаконънъіхъ его: -

Ps 130

р л҃҃҃
ПѢСНЬ СТЕПЕННАА: -

і Гї не вьзнесе сѩ ср҃це мое: )
Ни вьзнѣсте сѩ очи мои: )
Ни ходихъ въ великъіхъ: ) Ни вь дивънъіхъ паче мене: -

Аште не съмѣрѣахъ сѩ нъ вьзнѣсъ на дш҃ѫ моѭ: - Ѣко отъдоеное на матерь своѭ: )
Ѣко въздаси на дш҃ѫ моѭ: -

Да оупъваетъ їил҃ь на г҃ѣ: ) Отънъінѣ ї до вѣка: -

Ps 131

р л҃҃҃ а
ПѢСНЪ СТЕПЕННА

Помѣни г҃і. д҃ада ї вьсѭ кротость его: ) -

Ѣко клѩтъ сѩ гю҃: )
Обѣшта сѩ бо҃у їѣковлю: - Аште вьнидѫ вь село домоу моего: ) Ли вьзлѣзѫ на одръ постелѩ моеѩ: - Аште дамь сонъ очима моїма: ) Ї вѣкома моїма дрѣмание: - ) Ї покої кротафома моїма: ) Доїждеже обрѩштѫ мѣсто гю҃: ) Село бо҃у їѣковлю: -

Се слъішахомъ ѭ въ ефрантѣ: )
Обрѣтомъ ѭ въ полихъ дѫбравъі: -

Вьнидѣмъ вь село его: )
Поклонимъ сѩ на мѣстѣ. їдеже стоѣсте ноѕѣ его: -

Воскрьсні г҃і въ покоі твої: ) Тъі кивотъ св҃тъінѩ твоеѩ:

Їерѣї твої облѣкѫтъ сѩ въ правъдѫ: )
Ї прпдниі твої въздрадоуѭтъ сѩ: -

Да҃да ради раба твоего: ) Не отъврати лица ха҃ твоего: -

Клѩтъ сѩ гь҃ да҃доу вь рѣснотѫ: ) І не отъвръжетъ сѩ его: )
Отъ плода чрѣва твоего: ) Посаждѫ на прѣстолѣ твоемь: -

Аште съхранѩтъ сн҃ове твої завѣтъ мої: ) И съвѣдѣниѣ моѣ си. їмъже наоучѫ ѩ: - ) Ї сн҃ове їхъ до вѣка сѩдѫтъ на прѣстолѣ твоемъ: -

Ѣко їзбъра г҃ь сиона: ) Ї изволи ї въ жилишті себѣ: -

Се покої мої въ вѣкъ вѣка: )
Сьде вьселѭ сѩ ѣко їзволихъ ї: -

Въдовицѩ его бл҃ствоуѩ бл҃щѫ: )
Ништѩѩ его насъіштѫ хлѣба: -

Їереѩ его облѣкѫ во сп҃ение: )
Ї ппрниї его радостіѭ въздрадоуѭтъ сѩ: -

Тоу възвраштѫ рогъ да҃ві:
оуготовахъ свѣтильникъ хо҃у моемоу: -

Врагъі его облѣкѫ въ стоудъ: )
А на ономь процвьтетъ св҃тъіни моѣ: -

Ps 132

р҃҃҃ л в
ПѢСНЬ СТЕПЕННА: -

Се оубо коль добро і коль красьно: ) Еже жити братиі въкоупѣ: -

Ѣко хрізъма на главѣ: ) Съходѩштеї на брадѫ ароновѫ- Съходѩштиї на ометъі ризъі его: ) Ѣко роса еръмоунѣ съходѩштіѣ на горъі сионѩ: -

Ѣко тоу заповѣдѣ г҃ь бл҃ствение: ) Животъ до вѣка: -

Ps 133

р҃҃҃ л г
ПѢСНЬ СТЕПЕ: -

Се нъінѣ бл҃ствіте г҃ѣ: ) Вьси раби гн҃і: - Стоѩштеї въ храмѣ гн҃і: ) Въ дворѣ домоу б҃а нашего: -

Въ ноштехъ вьздеждѣте рѫкъі вашѩ вь св҃та: )
Ї бл҃ствіте г҃ѣ: -

Блс҃твітъ тѩ г҃ь отъ сиона: ) Створеї нб҃а ї землѭ: -

Ps 134

р҃҃҃ л д
СЛАВА
СѢЛНО
АЛЛѢЛОУИѢ: -

Хвалите їмѩ гн҃е: )
Хвалите раби г҃ѣ: - Стоѩштеї въ храмѣ гн҃і: ) Въ дворѣ домоу б҃а нашего: -

Хвалите г҃ѣ
ѣко благъ г҃ь: )
Поїте їмени его
ѣко добро: ) -

Ѣко їѣкова їзбъра себѣ г҃ь: ) Їил҃ѣ въ достоѣние себѣ: -

Ѣко азъ похнахъ ѣко велеї г҃ь: ) Ї б҃ъ нашь надо вьсѣми бг҃ъі: -

Вьсѣ елико вьсхотѣ створи г҃ь: ) На нб҃се ї на землі: ) Въ морихъ ї во вьсѣхъ бездьнѣхъ: - Възносѩ облакъі отъ послѣдьниїхъ землѩ: )

Млъниѩ въ дождь створи: - Їзводѩ вѣтръї отъ съкровишть своїхъ: )

Їже порази вьсѩ пръвѣньцѩ егупьтьскъі: - Ѡтъ чл҃ка до скота: - Посъла знамениѣ ї чюдеса посрѣдѣ тебе егупте: ) На фаоса ї на вьсѩ рабъі его.

Їже поразі ѩз҃къі многъі: ) и їзбї цр҃ѩ крѣпъкъї: ) Сіога цр҃ѣ аморѣїска: ) Ї вьсѣ цср҃ва ханааньска: ) -

Ї дастъ землѭ їхъ достоѣние: ) Достоѣние їи҃лю людемъ своїмъ: ) -

Гї҃ їмѩ твое въ вѣкъ: )
Ї памѩть твоѣ въ родъ і родъ: -

Ѣко сѫдитъ г҃ь людемъ своїмь: ) Ї о рабѣхъ своїхъ оумолит сѩ: -

Їдоли ѩз҃къ съребрьни ї злати: ) Дѣла рѫкъ чл҃чь: -

Оуста їмѫтъ ї не прогл҃ѭтъ: )
Ѡчи їмѫтъ ї не видѩтъ: )

Оуши їмѫтъ ї не въноушѩтъ: )
Нѣстъ бо дх҃а въ оустѣхъ їхъ: -

Подобьни їмъ да бѫдѫтъ творѩштеї ѩ: ) Ї вьси надѣѭштиї сѩ на нѩ: -

Домъ їил҃евъ бл҃ствїте г҃ѣ
Домъ аронь бл҃ствіте г҃ѣ: -

Домъ левьгиїнъ бл҃ствіте г҃ѣ: )
Боѩштеї сѩ г҃ѣ бл҃ствіте г҃ѣ

Бл҃нъ г҃ь отъ сиона: ) Живъі въ іи҃лимѣ: -

Ps 135

р л҃ е
АЛЕЛОУЇѢ: -

Їсповѣдаїте сѩ гв҃і
ѣко благъ: )
Ѣко въ вѣкъ милость его: -

Їсповѣдаїте сѩ бо҃у бг҃мь: )
ѣк: :-
Їсповѣдаите сѩ г҃ю гс҃дмь: ) ѣко Створьшюмоу чюдеса велиѣ единомоу: )

Ѣко вь вѣкъ ми: -

Сътворьшюмоу нб҃са разоумь: )
Ѣко вь вѣкъ милость его: -

Оутвръждьшюмоу землѭ на водахъ: )
Ѣко вь вѣкъ мило: -

Сътворьшюмоу свѣтила велиѣ единомоу: :.
Ѣко вовь вѣкъ: -

Слъньце області дьнемь: )
Ѣко вь вѣкъ милость его: -

Лоунѫ и ѕвѣздъі області ноштіѭ: )
Ѣко въ вѣкъ мило: -

Поражьшюмоу егоупта съ пръвѣньци своїми: )
Ѣко въ вѣ:

Ї изведъшюмоу їи҃лѣ отъ срѣдъи їхъ: )
Ѣко въ вѣкъ: -

Рѫкоѭ крѣпъкоѭ ї мъішьцеѭ въісокоѭ: )
Ѣко въ вѣкъ милость его: -

Раздѣльшюмоу чръмъное море въ раздѣление: )
Ѣко въ вѣ-

Ї проведъшюмоу їи҃лѣ по срѣдѣ его: )
Ѣко въ вѣкъ милость его: -

Ї издрѩсъшю фараоса ї силѫ его въ море чръмъное: )
Ѣко въ вѣкъ милость его: -

Ї наставльшюмоу люди своѩ въ поустъіни: )
Ѣко въ вѣкъ: -

Поражьшюмоу цр҃ѩ велиѩ единомоу: )
Ѣко въ вѣкъ милость его: -

Ї оумръштвьшюмоу цр҃ѩ крѣпъкъі: )
Ѣко въ вѣкъ милость е: -

Сиона цр҃ѣ аморѣїска: )
Ѣко въ вѣкъ милость его: -

Ї ога цр҃ѣ васаньска: )
Ѣко въ вѣкъ милость его: -

Ї давъшю землѭ їхъ достоѣние: )
Ѣко въвъ вѣкъ милость его: -

Достоѣние їил҃ю рабоу своемоу: )
Ѣко въ вѣкъ милость его: -

Ѣко во съмѣрениї нашемь помѩнѫ нъі г҃ь: )
Ѣко въ вѣкъ милость его: -

Ї избавилъ нъї естъ отъ врагъ нашихъ: )
Ѣко въ вѣкъ ми: -

Даѩї пиштѫ вьсѣцѣї плъти: )
Ѣко въ вѣкъ милость его: -

Їсповѣдаїте сѩ бо҃у нб҃сьноумоу: )
Ѣко въ вѣкъ милость его: -

Ps 136

р л҃҃҃ ѕ
ПЪСАЛОМЪ ДА҃ВЪ: -
На рѣцѣ авилоньстѣ: ) Тоу сѣдомъ ї плакахомъ сѩ помѩнѫвъше сиона: -

На връбиї по срѣдѣ ѩѩ: - Обѣсихомъ оръганъъі нашѩ: -

Ѣко тоу въпросишѩ насъ плѣньшеї нъі: ) Ї ведъшеї нъі пѣниѣ: -
Съпоїте намъ отъ пѣснеї сионескъ: )

Како съпоемъ пѣснь гн҃ѭ на землі тоуждеї: )

Ѣште забѫдѫ тѩ їил҃ме: ) Забьвена бѫди десніца моѣ: -

Прільплї ѩз҃къ мої грътани моемь: ) Ѣште не помѩнѫ тебе: - Ѣште не пръвѣе оучинениїмь їил҃ма: ) Ѣко въ начѩло веселиѣ моего: -

Помѩни г҃і сн҃ъі едемьскъі: ) Вь день їил҃мескъ: - Гл҃ѭще.
Їстъштаїте.
їстъштаїте до основанеї его: -

Дъшті вавилоньска окаанаа: - Блаженъ їже въздастъ въздаание твое: ) Еже въздастъ намъ: -

Блаженъ їже їметъ ї разбіетъ: ) Младеньцѩ твоѩ о канмень: -

Ps 137

р л҃҃ з
СЛАВ.
ДАВ҃Ъ Ї ЗАХАРИЇНЪ

Їсповѣмь сѩ тебѣ г҃і вьсѣмь ср҃цемь моїмь: ).
Ї прѣдъ ангелъі въспоѭ тѩ.
Ѣко оуслъіша вьсѩ гл҃ъі оустъ моїхъ: -

Поклонѭ сѩ къ цр҃кві св҃тѣї твоеї: ) -
Їсповѣмь сѩ їмени твоемоу: ). О милості твоеї: ї рѣснотѣ твоеї: -
Ѣко вьзвеличи сѩ: надь вьсми: їмѩ св҃тое твое: )

Во ньже день ѣште прізовѫ тѩ: - ) Ѩдро оуслъіши мѩ: )
Оумьножилъ еси дш҃ѫ моѭ ї силѫ: -

Їсповѣдѩтъ сѩ тебѣ г҃ю вьси цр҃і земьстіи: )
Ѣко оуслъіша вьсѩ гл҃ъі оустъ моїхъ: )

Ї въспоѭтъ вь пѣснехъ гн҃ѣхъ: -

Ѣко велиѣ слава гн҃ѣ: )
Ѣко въісокъ г҃ь ї на съмѣрена прізіраетъ: - Ї въісокаа їздалече съвѣстъ

Ѣште поідѫ посрѣдѣ скръбиї живиши мѩ: )
На гнѣвъ врагъ моїхъ прострѣтъ рѫкѫ твоѭ Ї сп҃е мѩ десніца твоѣ: -

Гь҃ въздастъ за мѩ: )
Гі҃ милость твоѣ въ вѣкъ: )
Дѣлъ рѫкоу твоею не прѣзьри: -
1850 года Іюля 14 дня Читалъ сію псалтирь Архимандр Порфирій, и переметилъ страницы.

Ps 138

р ꙉ ѕ҃
Вь конць.
Пс҃аломъ да҃въ.
Гі҃ іскоусилъ мѩ еси.
і позналъ мѩ еси.

Тъі позна вѣдѣние мое. і въстаание мое.
Тъі разоумѣ помъішлениѣ моѣ. іздалече.

Стьѕѫ моѭ і непротлаченѫѭ моѭ тъ еси іслѣдовалъ.
І вьсѩ пѫти моѩ прѣзьрѣ.

Ѣко нѣстъ льсті въ ѩзъіцѣ моемь.

Се г҃і тъі позна вьсѣ послѣдьнѣ моѣ. І древльнѣа.
Тъі созъда мѩ і положи на мнѣ рѫкѫ твоѭ.

ОУдивилъ сѩ естъ разоумъ твоі о мнѣ
ОУтвръди сѩ і не възмогѫ къ немоу.

Камо ідѫ отъ д҃ха твоего.
І отъ лица твоего камо бѣжѫ.

Ѣште вьзідѫ на н҃бо тъі есі тоу.
Ѣште сънидѫ въ адъ тоу еси.

Ѣште возъмѫ крілѣ своі. І вьселѭ сѩ въ послѣдьниіхъ морю. Ібо тоу рѫка твоѣ наставитъ мѩ. І оудръжитъ мѩ десніца твоѣ.

І рѣхъ оубо
тъма поперетъ мѩ.
И нощь просвѣштение пишті моеі.

Ѣко тъма еѩ не омрачитъ сѩ отъ тебе.
і ношть ѣко день просвѣтитъ сѩ.
Ѣко тъма еѩ тако свѣтъ еѩ.

Ѣко тъі сътѩжа ѫтробѫ моѭ.
Пріѩтъ мѩ і-чрѣва м҃ре моеѩ.

Ісповѣмь сѩ тебѣ ѣко страшьно оудивихъ сѩ.
чюдесьна дѣла твоѣ.
і д҃ша моѣ знаетъ ѣ ѕѣло.

Не оутаі сѩ кость моѣ отъ тебе. ѭже сътвори въ таінѣ. І упостась моѣ. вь прѣісподьниіхъ землі.

Несъдѣланое мое видѣсте очи твоі.
І въ кънигахъ твоіхъ вьси напішѫтъ сѩ.
Вь день съзиждѫтъ сѩ і никътоже вь нихъ.

Мнѣ же ѕѣло честьни бъішѩ дроуѕи твоі б҃же.
Ѕѣло оутвръдишѩ сѩ зачѩла іхъ.

Іщьтѫ ѩ і паче пѣсъка оумьножѩтъ сѩ.
Въстахъ і пакъі есмь съ тобоѭ.

Ѣште ізбіеши грѣшьникъі б҃же.
Мѫжь кръвеи оуклонити сѩ отъ мене.
[Ѣ] Ѣште речете въ помъішлениіхъ своіхъ.

Пріимѫтъ въ соуетѣ градъі твоѩ.

Не ненавидѩштѩѩ ли тѩ г҃і. възненавидѣхъ.
І о враѕѣхъ твоіхъ істаахъ.

Съвръшеноѭ ненавистьѭ ненавидѣахъ іхъ.
Враѕи бъішѩ мьнѣ.

Іскоуси мѩ г҃і і разоумѣі cр҃це мое.
Іспъітаі мѩ і познаі стьѕѩ моѩ.

І виждь ѣште пѫть безаконениѣ. во мнѣ естъ.
І настави мѩ на пѫть вѣчьнъіі.

Ps 139

р ꙉ з҃
ВЪ КОНЦЬ П҃САЛОМЪ ДА҃ВЪ.

Ізъми мѩ г҃і отъ ч҃лка лѫкава.
отъ мѫжа неправедьна ізбави мѩ. Іже помъіслішѩ неправъдѫ въ с҃рці своемь.

Весь день оплъчаахѫ брани.

Поострішѩ ѩз҃къ своі ѣко зміінъ.
Ѣдъ аспіденъ. подъ оустънами іхъ.
ДІѢПСАЛЪМА.

Съхрани мѩ г҃і отъ рѫкъі грѣшъничѩ.
Отъ ч҃ка неправедьна ізъми мѩ. Іже помъіслішѩ запѩти стопъі моѩ.

Съкръішѩ гръдиі сѣть мьнѣ.
І ѫжи прѣпѩшѩ сѣть ногама моіма.
Прі стьѕи сканъдѣль положишѩ ми.

Рѣхъ г҃ю
б҃ъ моі еси [тъ] тъі.
Вьноуши г҃і молитвѫ моѭ.

Г҃і г҃і сила с҃пениѣ моего.
Осѣнилъ еси надъ главоѭ моеѭ. вь день брани.

Не прѣдаждь мене г҃і отъ похоти моеѩ грѣшьникови.
Помъіслішѩ на мѩ
не остави мене. Еда когда вьзнесетъ сѩ. ДІѢПСАЛ҃МА Глава окрѭжению іхъ.

Троудъ оустенъ іхъ покръіетъ ѩ.

Падѫ на нихъ ѫгліе.
Огнемь низъложи ѩ.
Въ страстехъ не постоѩтъ.
ДІѢП҃CАЛМА.

Мѫжь оустатъ не ісправитъ сѩ на землі.
Мѫжа неправедьна зълаа оуловѩтъ въ істьлѣниі.

Разоумѣхъ ѣко
сътворитъ г҃ь сѫдъ ништіімъ. І месть оубогъіимъ.

Ѡбаче праведьниі. ісповѣдѩтъ сѩ імени твоемоу.
І веселѩтъ сѩ правиі. cъ лицемь твоімь.
СЛАВА.

Ps 140

р ꙉ к҃
П҃САЛОМЪ ДА҃ВЪ.
Г҃і возъвахъ къ тебѣ
оуслъіши мѩ.
Вонъми гласъ молитвъі моеѩ егда възовѫ къ тебѣ.

Да сѩ ісправитъ молитва моѣ ѣко кадило прѣдъ тобоѭ.
Вьздѣание рѫкоу моею жрътва вечерьнѣѣ.

Положи г҃і хранение оустомъ моімъ. І двъри огражденъі оустънахъ моіхъ.

Не оукл(о)ни ср҃ца моего въ словеса лѫкавъна.
Непъштевати ми въінѫ о грѣсѣхъ. Съ чл҃вкъі творѩштіими безаконение.
І не съчетаѭтъ сѩ съ ізбъранъіимі іхъ.

Покажетъ мѩ праведьникъ милостьѭ
облічитъ мѩ.
Олѣі же грѣшьника да не намастітъ главъі моеѩ.
Ѣко еште молитва моѣ въ благоволени-і-хъ.

Пожръти бъішѩ прі камени сѫдиѩ іхъ.
ОУслъішѩтъ сѩ г҃лі моі ѣко възмогѫ.

Ѣко і тлъшта земьскаа. прѣсѣде сѩ на землі.
Расоушѩ сѩ кості іхъ прі адѣ.

Ѣко къ тебѣ г҃і г҃і очи моі.
На тѩ оупъвахъ
не отъіми д҃шѩ моеѩ.

Съхрани мѩ отъ сѣти ѭже съставишѩ ми. І отъ сканъдѣлъ творѩштііхъ безаконение.

Въпадѫтъ сѩ вь мрѣжѫ своѭ грѣшьници.
Сцѣголъ есмь азъ доідеже прѣідѫ.

Ps 141

Р К҃ А
РАЗОУМЪ ДА҃ВЪ.
ВЬНЕГДА БѢ ВЪ ВРЪТЪПѣ МОЛИТВА.

Гласомь моімь къ г҃ю возъвахъ.
Гласомь моімь къ г҃ю молихъ сѩ.

Пролѣѭ прѣдъ нимь молитвѫ моѭ.
печаль моѭ прѣдъ нимь ісповѣдѣ.

Егда ісконьчавааше сѩ отъ мене д҃хъ моі. І тъ позна стьѕѩ моѩ.
На пѫти семь по немоуже хождаахъ. Съкръішѩ сѣть мнѣ.

Смоштрѣахъ о деснѫѭ і вьзглѩдаахъ.
І не бѣ знаѩі мене.
Погъібе бѣство отъ мене.
І нѣстъ вьзіскаѩі д҃шѩ моеѩ.

Возъвахъ къ тебѣ г҃і
рѣхъ
тъі еси оупъвание мое.
Чѩсть моѣ еси на земли живѫщиіхъ.

Вонъми молитвѫ моѭ.
Ѣко съмѣрихъ сѩ ѕѣло.
Ізбави мѩ оть гонѩщііхъ мѩ.
Ѣко оукрѣпишѩ сѩ паче мене.

І изведи іс темьницѩ д҃шѫ моѭ.
ісповѣмь ти сѩ імени твоему.
Мене жидѫтъ праведьници. Доіждеже въздаси мнѣ.

Ps 142

Р ꙉ Б҃
ПС҃АЛОМЪ ДА҃ВЪ. ЕГДА І ГОНѢАШЕ СНЪ ЕГО АВЕСАЛОМ.
Г҃і оуслъіши молитвѫ моѭ.
Въноуши моление мое въ істінѫ твоѭ.
ОУслъіши мѩ въ правъдѫ твоѭ.

І не вьниди въ сѫдъ съ рабомь своімь.
ѣко не оправьдитъ сѩ прѣдъ тобоѭ вьсѣкъ живъі.

Ѣко погъна врагъ д҃шѫ моѭ.
Съмѣрилъ естъ на землі животъ моі.
Посади мѩ вь темънъііхъ ѣко і мрътві вѣкоу.

І оунъі во мнѣ д҃хъ моі.
Во мнѣ съмѩте сѩ с҃рце мое.

Помѩнѫхъ дьни древльнѩѩ.
Пооучихъ сѩ во вьсѣхъ дѣлѣхъ твоіхъ.
Въ тварехъ рѫкоу твоею пооучихъ сѩ.

Вьздѣхъ кь тебѣ рѫцѣ моі.
Д҃ша моѣ ѣко землѣ безводьнаа ти.

Ѩдро оуслъіши мѩ г҃і
іcконьча сѩ д҃хъ моі.
Не отъврати лица твоего отъ мене.
І оуподоблѭ сѩ съ низъходѩштііми въ ровъ.

Слъішанѫ створи ми ютро милость твоѭ.
ѣко на тѩ оупъвахъ.
Съкажи ми г҃і пѫть во ньже поідѫ.
Ѣко къ тебѣ вьздвігъ д҃шѫ моѭ.

Ізъм(и) мѩ отъ врагъ моіхъ г҃і
къ тебѣ прібѣгъ.

Наоучи мѩ творити волѭ твоѭ
ѣко тъі еси б҃ъ моі.
Д҃хъ твоі благъіі наставитъ мѩ (н)а землѭ правѫѭ.

Імен(е) твоего ради г҃і живиши мѩ. (в)ъ правъдѫ твоѭ.
І ізве(д)еши отъ печали д҃шѫ моѭ.

І милостьѭ твоеѭ потрѣбиши вр(а)гъі моѩ.
І погоубиши вьсѩ сътѫжаѭштѩѩ д҃ші моеі.
Ѣко азъ рабъ твоі есмь.
СЛАВ.
СѢДНО.

Ps 143

Р К҃ В
П҃САЛМЪ ДА҃ВЪ КЪ ГОЛИАДОУ.
Б҃лственъ г҃ь. б҃ъ моі. Наоучаѩ рѫцѣ моі на оплъчение. І п(ръ)стъі моѩ на брань.

Ми(ло)ст(ь) моѣ і прібѣжиште м(ое) застѫпьникъ моі і и(зба)витель моі.
Помоштьникъ моі і на нь оупъвахъ. Повиноуѩ люди моѩ подъ мѩ.

Г҃і чьто естъ чл҃вкъ ѣко съказа сѩ емоу. Ли с҃нъ чл҃чь ѣко вьмѣнѣеши і.

Чл҃къ соуетѣ оуподоби сѩ.
Денье его ѣко сѣнь прѣходѩтъ.

Г҃і прѣклони н҃бса і съниди.
Косні въ горъі твоѩ і въскоурѩтъ сѩ.

Бльсні млъниеѭ твоеѭ
ражденеши ѩ.
Посъли стрѣлъі твоѩ і съмѩтеши ѩ.

Посъли рѫкѫ твоѭ съвъіше і изъми мѩ.

І десніца іхъ десніца неправедьн(а)

Б҃же пѣснь новѫ въспоѭ тебѣ.
Во псалтъіри десѩтъстроуннѣ въспоѭ ти. Даѭштюмоу с҃пение ц҃р҃емъ. Ізбавѩштюмоу да҃да раба своего отъ орѫжьѣ люта.

И десніца іхъ десніца неправедъна.

Іхъже с҃нови іхъ. ѣко новъі отъраслі. Оутвръжденъі въ юності своеі.
Дъштери іхъ оукрашенъі. І прѣкѫштенъі ѣко оукѫштение ц҃р҃кви.

Хранильницѩ іхъ. іcплънь. отъригаѭштѩ. отъ сеѩ во сьѭ.
Овьцѩ іхъ многоплодъ[нъ]нъі. Плодѩштѩѩ сѩ въ іcходиштіхъ своіхъ.

Волове іхъ тлъсті.
Нѣсть паданиѣ ни вьплѣ на цѣстахъ іхъ.

Оублажишѩ люди імъже си сѫтъ.
Блажени людие. имъже г҃ь б҃ъ іхъ.

Ps 144

Р К҃ Г
ПСАЛОМЪ ДА҃ВЪ
Възнесѫ тѩ б҃же моі ц҃р҃ю моі.
И б҃лщѫ імѩ твое въ вѣкъ і вѣкъ вѣкоу.

На къжде дьнь б҃лщѫ тѩ.
И въсхвалѭ імѩ твое. въ вѣкъ і вѣкъ вѣкъ.

Велеі гь і хваленъ ѕѣло.
І величию его нѣстъ коньца.

Родъ і родъ въсхвалитъ дѣла твоѣ.
І силѫ твоѭ вьзвѣстѩтъ.

Вельлѣпотѫ славъі св҃тъінѩ твоеѩ възглаголѭтъ.
І чюдеса твоѣ ісповѣдѩтъ.

И силѫ страшьнъіихъ твоіхъ рекѫтъ.
И величие твое ісповѣдѩтъ.

Памѩть оумножениѣ благості твоеѩ отъринѫтъ.
І въ правъдѣ твоеі въздрадоуѭт сѩ.

Штедръ і милостівъ г҃ь. Тръпѣливъ і прѣмилостівъ.

Благъ г҃ъ вьсѣчьскъіімъ.
І штедротъі его на вьсѣхъ дѣлѣхъ его.

Іcповѣдѩтъ сѩ тебѣ г҃і вьсѣ дѣла твоѣ.
І прдбьниі твоі благословествѩтъ тѩ.

Славѫ ц҃р҃ствіѣ твоего рекѫтъ.
І силѫ твоѭ вьзг҃лѭтъ. Съказати с҃номъ чл҃вскомъ силѫ твоѭ. І славѫ вельлѣпотъі ц҃р҃ства твоего.

Ц҃р҃ство твое ц҃р҃ствіе вьсѣхъ вѣкъ.
І владъічьство твое во вьсѣкомь родѣ і родѣ.
Вѣренъ г҃ь во вьсѣхъ словесехъ своіхъ. І прѣподобенъ во вьсѣхъ дѣлѣхъ своіхъ.

Подъемлетъ г҃ь вьсѩ низъпадаѭштѩѩ. І възводитъ вьсѩ низъвръженъіѩ.

Ѡчи вьсѣхъ на тѩ оупъваете.
І тъі даеши імъ пиштѫ въ подобьно врѣмѩ.

Ѡтвръзаеши тъі рѫкѫ твоѭ. І насъіштаеши вьсѣко животьное благоволениѣ.

Правьденъ г҃ь во вьсѣхъ пѫтехъ своіхъ. І прѣподобенъ во вьсѣхъ дѣлѣхъ своіхъ.

Волѭ боѩштіімъ сѩ его сътворит и молитвѫ ихъ оуслъішитъ і съпасетъ ѩ.

Хранитъ г҃ь вьсѩ любѩщѩѩ его. І вьсѩ грѣшьникъі потрѣбитъ.

Хвалѫ г҃нѭ възглаголѭтъ оуста моѣ.
І да бл҃ствітъ вьсѣка плоть імѩ св҃тое его.
СЛАВ

Ps 145

Р К҃ Д
АЛЛОУИѢ.
АНꙈЕОУ І ЗАХАРИІ.
Хвали д҃ше моѣ г҃ѣ.

Въсхвалѭ г҃ѣ въ животѣ моемь.
Поѭ б҃оу моемоу доідеже есмь.

Не надѣіте сѩ на кънѩѕѩ. На с҃нъі ч҃лвскъі вь нихъ нѣстъ съпасениѣ.

Ізидетъ д҃хъ его і възвратитъ сѩ вь землѭ своѭ.
Во тъ денъ погъіблѭтъ вьсѣ помъішлениѣ ихъ.

Блаженъ емоуже б҃ъ іѣковль помоштьникъ емоу.
Оупъвание его на г҃ѣ б҃а своего. Сътворьшаего н҃бо і землѭ. Море (и) (в)ьсѣ ѣже сѫтъ вь нихъ. Хранѩштааго істінѫ въ вѣкъ. Творѩштааго сѫдъ обидимъіімъ. Даѭшта пиштѫ лачѫштиімъ.

Г҃ь рѣшитъ окованъіѩ.

Г҃ь оумѫдрѣетъ слѣпьцѩ.
Г҃ь възводитъ низъвръженъіѩ.
Г҃ь любитъ праведьникъі.

Г҃ь хранитъ прішельцѩ.
Сира і въдо[во]вѫ прііметъ.
І пѫти грѣшьнъіхъ погоубитъ.

Вьцѣсаритъ сѩ г҃ь вь вѣкъ.
Б҃ъ твоі сионе въ родъ і родъ.

Ps 146

АЛЛѢЛОУИѢ.
А] АНꙈЕОУ І ЗАХАРИІ.
Хвалите г҃ѣ ѣко благъ п҃саломъ.
(б҃)оу нашемоу да насладитъ сѩ (хв)аление.

(зижд)ѩі и҃лма г҃ь.
Расѣаниѣ (ил҃ев)а съберетъ.

(исцѣл)ѣѩі съкроушенъіѩ ср҃цмь.
(и обѧ)за(ѩ) cъкроушениѣ іхъ.

(и съчи)таѩ множьство ѕвѣ(здъ).
І вьсѣмъ імъ іме(на на)рицаѩ.

(вели)і г҃ь нашь і велиѣ крѣпо(с)ть его.
И разоумоу его нѣстъ числа.

Пріемлѩ кротъкъіѩ г҃ь.
Съмѣрѣѩ же грѣшьникъі до землѩ.

Поіте б҃оу нашемоу въ гѫслехъ. Ѡ(благ)аѭштюмоу н҃бо облакъі. (готов)ѩштюмоу землі дождь. (прозѧб)аѭштюмоу въ горахъ (сѣно) і трѣвѫ слоужьбѣ чл҃вчи. Даѭштюмоу скотомъ пішт(ѫ) ім(ъ) І пьтеньцемъ враново(мъ) прізъіваѭштіім(ъ и)

Не вь силѣ коньстѣ въс(хоште)тъ. Ни въ лъістех(ъ мѫ)жьстѣхъ благово(литъ)

Благоволитъ г҃ь на б(оѩщѩ)ѩ сѩ его. І оупъва(ѭщѩ)ѩ на милость его.

Ps 147

Р К҃ Ж
АЛЛОУИѢ.
АНꙈЕОУ. І З(АХАРИІ)
Хвали іи҃лме г҃ѣ.
хв(али) б҃а твоего сионе.

Ѣко оу(крѣ)пи верѣѩ вратъ твоіхъ.
Б҃лстві с҃нъі твоѩ вь теб(ѣ) Полагаѩі прѣдѣлъі твоѩ миръ. І тоука пъшеничьна насъіштаѩ тѩ. Посъілаѩ слово свое на землѭ.

До скорості течетъ с(лово) его. Даѭштааго снѣгъ своі (ѣко влъ)нѫ. мъглѫ ѣко поп(елъ по)съіпаѭштааго. Метаѭштааго голоть своі (ѣ)ко хлѣбъі.

Противѫ (л)ицю мраза его къто по(сто)ітъ.

(посъ)летъ слово свое і раста(етъ) ѣ.
Дъхнетъ д҃хъ его (и пот)екѫтъ водъі.

(възв)ѣштаѩі слово свое (иѣко)воу. Ѡправъданиѣ сѫ(дъб)ъі своѩ іи҃лю. (не сът)вори тако вьсѣкомоу ѩ(з)ъікоу. І сѫдобъ своіхъ не съказа імъ.

СЛАВА

Ps 148

АЛЛОУИѢ.
АНꙈЕОУ. І ЗАХАРИ(І)
Хвалите гѣ съ небесъ.
Хвалите і въ въішьниіхъ.

Хвлите і вьси анꙉели его.
Хвалите і вьсѩ силъі его.

Хвалите і слънъце і лоуна.
Хвалите і вьсѩ ѕвѣздъі і свѣтъ.

Хвалите і н҃бса н҃бсъ. І вода прѣвъішьнѣа н҃бсъ.

да хвалѩтъ імѩ г҃не.
Ѣко тъ рече і бъішѩ.
Тъ пов(е)лѣ і созъдашѩ сѩ.

Постави ѣ въ вѣкъ і въ вѣ(къ вѣ)коу.
Повелѣниѣ положи (и не) мимоідѫтъ.

Хвалите г҃ѣ отъ землѩ зміеве і вьсѩ бездь(нъі) Ѡгнь градъ гнѣгъ голо(ть д҃хъ) боуренъ. Ѣже творѩтъ (сло)во его. Горъі і вьси ѻлъми. Дрѣ(ва) плодовита і вьси кедрі. Звѣрье і вьси скоти. Гади і пьтицѩ перьнатъі. Ц҃р҃и земьстіі и вьси людие. Кънѩѕи і вьсѩ сѫдьѩ земьскъіѩ. Юношѩ і дѣвъі старьци съ юнотами.

Да хвалѩтъ імѩ г҃не.
Ѣко вьзнесе сѩ імѩ того единого

(І) вьзнесетъ рогъ людеі своіхъ. (пѣ)снь вьсѣмъ прѣподобьнъі(м)ъ его. С҃номъ іи҃лвомъ (люд)емъ прібліжаѭштіі(мъ с)ѩ емь.

Ps 149

АЛЛОУИѢ.
(въсп)оіте г҃ю пѣснь новѫ. (хвале)ние его вь ц҃р҃кви прѣпо(добьн)ъіимъ его.

(да въ)звеселитъ сѩ іи҃ль о съ(тв)орьшиімь его.
І с҃нове сиони въздрадоуѭтъ сѩ о ц҃р҃и своемь.

Да въсхвалѩтъ імѩ твое вь лицѣ.
Въ тоумбанѣ і псалтъіри да въспоѭтъ емоу.

Ѣко благоволитъ г҃ь людемъ своімъ. І възнесетъ кротъкъіѩ во сп҃ение.

Въсхвалѩтъ сѩ прѣподобьниі въ славѣ.
І въздрадоуѭтъ сѩ на ложихъ своіхъ.

Възношениѣ б҃жьѣ въ грътани іхъ. і мечи обоѭдоу острі въ рѫкахъ іхъ. Сътворити месть вь ѩз҃цѣхъ. Облічениѣ вь людехъ. Съвѩзати ц҃р҃ѩ іхъ пѫть(і). І славънъіѩ іхъ рѫчь(нъиі)ми оковъі желѣзнъиім(и) Сътворити вь нихъ сѫдъ (написанъ).

Слава си естъ вьсѣмъ п(рѣпо)добьнъіімъ его.

Ps 150

А(ЛЛѢЛОУИѢ)
Хвалите б҃а вь св҃тъіі(хъ его)
хвалите і въ оутвръжде(ни)е силъі его.

Хвалите і вь силахъ его.
Хвалите і по прѣмногоумоу величествію его.

Хвалите і въ гласѣ трѫбьнѣ.
Хвалите і во псалътъіри і въ гѫслехъ.

Хвалите і въ тоумбанѣ і лицѣ.
Хвалите і въ строунахъ і оръганѣ.

Хвалите і въ коумбалѣхъ доброгласьнѣхъ.
Хвалите і вь коумбалѣхъ вьскліцанию

вьсѣко дъіхание да хвалитъ г҃ѣ.

Ps 151

CЛАВА.
КЪНИГЪІ.
ПСАЛМЪ. ДА҃ВЪ.
(С)Ь ПСАЛМЪ ЕСТЪ НАВЛАШТІ (ДА҃)ВЪ КРОМѢ ЖЕ ЧИСЛА. ЕГДА ІЗІ(ДЕ) НА СѢЧЬ. КЪ ГОЛИАДОУ.
Мьнеі бѣхъ въ братріі моеі. (и) юнѣі въ домоу о҃ца моего.
(пас)ѣахъ овьцѩ о҃ца моего.

Рѫцѣ моі сътвористе оръганъі.
(п)ръсті моі съставишѩ пъсалътъіръ.

І къто вьзвѣсті г҃ю моемоу.
Тъ г҃ь самъ оуслъіша мѩ.

І посъла анꙉела своего.
І помаза мѩ милостьѭ помазаниѣ.
И поѩтъ мѩ отъ овець о҃ца моего. Братріѣ моѣ добра і велика.

І не благоволи вь нихъ г҃ь.

Ізидъ противѫ іноплеменникоу. І проклѧтъ мѩ ідолъі своіми.

Азъ же ізвлъкъ мечь его. оусѣкнѫхъ і.
І вьзѩсъ поношение отъ сн҃ъ іи҃лвъ.